مد حبل الوصل قبل . . ظروفنا تمنعنـا وأترك التاريخ لا الهجري ولا الميلادي مانبي تـاريـخ متميـز . . لأجل يجمعنـا لا أجتمعنا نميّز التاريخ لو هو عادي - عناد الشيباني

شايـبٍ في جمجمـة راسي رزيـن ما يداني ورعٍ في جوفي شقي

مـات الكـلام ومابقى غيـر القصيـد أثر القصيد يعيش لا مات الكلام

مابين حب الجميل وبين كف القشر اهل المعاريف ضرتها معاريفها معاد الاعمال بـ النـيات بيـن البشر الناس تاخذ نواياها على كيفها - عناد الشيباني

كم واحدٍ قاضيٍ حيـله ووده يطيح وتوقفه نظرة الي يحسبونه قوي

يرتاح من حطوا على راسه الطيـن ويشقى بعده إللي تعود وجوده

اليا شـكى غيـري . . الوقـت وبلاويـه أنا على ما حصل لي يضحك حجاجي - سعد علوش

آه يا غفوات الأسحـار ما قبـل الطلوع وأه ياشيءٍ ذكرت وعلى .. بالي طرى - ضيدان بن قضعان

على صاحبٍ ياطحيس احبه ومن دونه زحولٍ تلضى والمنايا لمن جاهم - محمد حمد

شيـمة الإنسان ميـزان اعتـداله وانحـرافه تنذره لا شافت الأوضاع ماهي مستتبه

هـذي اللي غلاهـا مايـبي قول قايـل هذي اسباب غيضي والرضا والهيام هذي رسومها بـين الضلوع النـحايل هذي اللي على صدر القصيده وسام الاصايـل يجنـك مثـل اهلهن اصايـل والوكاد انهـا منهن بليا كـلام يوم فلت على الخصر النحيل الجدايل واستـدارت خجل مدري تصنـع غـرام

العيـن صدت عمد والخـاطر معيـف عن الظنون اللي سعت في عذابي لو العتـب يرضي شفوف الملاهيـف ازعجت نجد بكبرها في عتابي

والله لوردهـا على . . كيـف مشهـاي وسفينتي تجري بكيفي ومشهاها ماني من اللي دون الأهـداف شكاي بوصل لها ثم أتبجح وأتعداها

تـبي الصـراحه دونـك العمـر مابيـه عجزت اساير دنيتي وانت غايب

والله آن همـوم صـدري من تشـوف عيونـك تـدري إن مافيه حاجه تستحق الضيقه

أن طـاح في نجـد الـمـطر ينبـت الورد واليا محلت ما تـنبت الا رياجيـل

دون وجهي يرخـص الحلم وتـموت الشفوف ويش ربحي فـ الحـياه ان خسر وجهي حياه

والله إن الوقت مهما جـاب ولا ودا ما يغير في سجايا سيرتي و طبوعي

يرضيـني اني عشـت وافي ولا بـرت واعلنت بالهـرج الصحيح انطبـاعي زاد النـفاق الاجتماعي . . وانا صرت ماعاد احب اصير شخص اجتماعي - سعد علوش

الصبـر مفتـاح الفشـل والهزيـمه لا صرت تصبر وانت ماعندك حلول مـع السلامـه . . والنوايـا سليـمه من يوم شفتك لين ودعتك اليوم