#عيد قالوا تغزّل قلت مالي هوى فيه شعر الغزل قفا وقفت سنينه اصدعن طاريه لامر طاريه وادفع طواريقه واقاوم حنينيه اخاف اهوبل به واشيله واغنيه واقول في عنق المذيّر وعينه ابيات من يسمع لحنها تسريه روعه ومجنونه وحلوه وزينه بوح الغلا عندي خزاين قوافيه منها فضا صدري عسا الله يعينه

#عيد حالي قصيده في بطون الدواوين شفني ورا نبرة حروف القصيده مرات اصلي بالعباد المصلين ومرات اغني للعنودالعنيده اصبح وانا عندي قصور وملايين وامسى وانا طفران تحت الحديده ماشي ويدفعني طموح السلاطين افقد مساحات الفرح واستعيده لو شفتني مرات بين المجانين عدي رهاوي والهقاوي بعيده

#عيد_عاتق_الشماسي جيت أسولف ما عليّ من المسافة سولفو لي ياعربنا سولفو لي ماعلى الفايت من الدنيا حسافه جيت افرق هم واخفف حمولي سمعوني كان مافيها كلافه واسمعو مني بيوت وصفقولي خاطري طربان واحب الطرافه ممتلي كلي شجن عرضي وطولي من يقول الشوق وعلومه خرافه تنقض دعواه لاحنت ذلولي

ياسعود ذعذع لي هوى نجد ياسعود نسنس وانا غافل نسيمه وجاني فكيت له صدري وناسبني النود وقام ايتسلل في زوايا المحاني منعش براده كن نفحه شذا عود ياسعود والله روعته شي ثاني جوه خيالي عطر وانغام وورود بالوجد والشوق الرهاوي ملاني ماله وعد ماله قوانين وحدود مدري عطاني خير والا بلاني

ياطير ياللي فاقدن لك مواليف هز الغصن واركب متون الهبايب اللي تحسه فيك بين السراجيف تغسل مواجيعه كفوف السحايب سولف ترا ماباقي الا السواليف وش فيك من سرب العصافير هايب من طار لاتلحق وراه التحاسيف الله خلق غير الحبايب حبايب دوك الفضا كان المشاعرملاهيف لاتنتظر للي عن الغصن غايب

#عيدعاتق ياضلع جيتك تالي الليل منحاش عندي كلام ورغبتي مستحيله وضع الهقاوي ماش وعلومها ماش ماعاد براق السحايب تخيله ماعاد لاسجه ولاعادمطراش ماغير اهوبل فوق راس الطويله منداش من وقتي ولانيب منداش عندي تناقض حال مافيه حيله مرات احس الحمل عيدان وقشاش ومرات اشد من الجبال الثقيله

#عيد ارقبت من راس الطويله وطليت فوقي فضا والارض تحتي بعيده قلت اتسلا فالخلا ماتسليت وطويت ضيقي في معاني قصيده مثل السحابه لابدا العوق هليت قلبي هشاش وكل طاري يزيده لاذعذع الغربي عن الدرب زليت اعكس مسار الدرب والدرب سيده ماهي سوالف ليت ومجادلة ليت الراس صلفه والركايب عنيده

الصدر بير وروس الاقلام دلوه ياما نزحنا من قليبه وذقناه ياللي تدور لك عن الضيق سلوه اشرب من اللي غصب عنّا شربناه نشرف على بلوه ونجتاز بلوه ونكسب قليل ونخسر اللي كسبناه لوكانت الدنيا على طول حلوه من وين للشعار جو المعاناه هيّه كذا جمعه وفرقا وخلوه كم حي فاقدنا وحيٍ فقدناه

اليله احساسي على مفرق طريق مثل الهجوس اللي فصدري حايره لوكان مبناها ومعناها عميق ازرت تغنيها الطيور الطايره بعض الشعور اللي على الخاطر يويق شاف الخناجر والطعون الغايره انا رفيق سهيل ماعندي رفيق بشايري تسبق قبل بشايره مالي ومال المقعد اللي مايليق ملزوم اغادر من محيط الدايره

قصايده ماهي من الوزن الثقيل هي الثقيل اللي يسمونه وزن ان جابها جاب الخيال المستحيل لين المشاعرتمتلي فرح وحزن كن الضما نبع القراح السلسبيل وكن الخواطروالحبر دمعة مزن يوم الرحيل تطيح في يوم الرحيل ازرت على شط المحاجر تتزن ان شاف وجه الشمس لونه الاصيل كتايب افكاره على صدره غزن

#عيدعاتق قلها تراها ناشبه فالمعاليق بالله من شان المعاليق قلها قلها على ذيك الطول الشواهيق اللي وحوش الصيد والصيد اهلها قلها طلبتك مابقي صبر واطيق صبري بدايات النهايه وصلها قلها دخيلك خاطري ممتلي ظيق ماعادعندي متسع واحتملها قلها بدون قناع وجه ومساحيق اشرح هقاويها وبرر زعلها

لاكتفت سود الليالي يدينا قامو علينا يضحكون الدراويش هم مادرو من جودنا وش عطينا من رزقنا اللي نلقطه بالمناقيش ماشي سعه والطيب غالي علينا نموت به بين المخاليق ونعيش والوافي اللي لافقدنا يجينا سقنا على شانه ركاب المطاريش حنا على كسب المراجل ربينا حنا الصقور الجارحه يابرق الريش

#عيد الشاعر اللي في حياته غرابيل تلقا تجاعيدالزمن في قصيده بين الحروف اسرار عُمر وتفاصيل وانسان حدته الضروف العنيده عينه تعاف النوم لاطرف الليل مامرت احلامه على مايريده في خاطره زحمة مشاعر مجاهيل في ذمتي ماهي مشاعرسعيده لبست له الدنيا حجول وخلاخيل ودارت عليه وصار تحت الحديده

#عيد فكو لطراد الطرايد سبوقه اللي عليهن فالفضا يسبق الريح دام السما قامت تكاشف بروقه فكوه مع سرب السحاب المراويح الطير وده والهقاوي تسوقه سوق الجروح اللي تسوق المجاريح والطاري اللي لاطراله يعوقه مبطي ملا صدره حنين وتباريح لاتمنعونه لاكفخ من حقوقه اخاف روحه تطلع الطير ويطيح

#عيدعاتق_الشماسي يالليل وش بك نعست الجو توه بدا قدام تكشف خفاك الشمس عندي كلام بعطيك سري وسري ماعطيته حدا الا انت ياللي على وجهك يبات الظلام قاومت والمشكله ماعاد فيني جدا ان كان مازانت الدنيا عليّ السلام راحت حياتي ورا طرد الهقاوي سدا ماهي على الكيف والهقوات ماهي تمام ناديت

#عيدعاتق_الشماسي سولف ترا ملح الحياه الحكاوي الصمت لاجاوز حدوده مضره وان جازلك صوت الغريب النحاوي خذ لك معه في عالم الشعر فره اقلط على البحر الغزير الرهاوي وارقا على متن الهوى للمجره لو قلت لك بيتين ماني هواوي ماغير امر هناك مره ومره ماني على الوضح المفاريد

#عيدعاتق_الشماسي ليل وسما زحمة مجرات ونجوم متفرقه ياذيب تشبه شتاتي ماحولي الا جرهدن قفر وحزوم وانا وروحي والمشاعر وذاتي سهران اجيب علوم واودي علوم وافك رمز علومي المبهماتي كنت ابذل المجهود واطيح واقوم الين طحت بوسط رحلة حياتي يافاتن الماضي مقدر ومقسوم

#عيدعاتق_الشماسي ياسعود وين الصديق اللي تعزوابه طاروا مع الريح واجتثت منازلهم حتى زمان الطفوله قفّلوا بابه ايام كانت مساكنا مساكنهم لوشفت ذاك الصغير وحوله اصحابه في طارف الحي مبتسمه مباسمهم كانوا هنا ينسجون احلام كذابه وسم البراءه تشوفه في مناضرهم

#عيدعاتق_الشماسي ماعاد لي رغبه ولاعاد مقعاد نفسي عزيزه والضروف اتعبتها تدخل حدود بلاد وتغادر بلاد الدرب صلفه والهبوب ارهقتها العيشه اللي كلها كدح وجهاد لاتنشد اللي ماعرف سالفتها دور على /اللي كان لاصرت نشاد باعه طويله والسنين اقصرتها يعطيك نبذه وان تبي