الكلام تشوفه الناس حل من الحلول ، مثل ما أشوف التجاهل يحل المشكله :)

أنا اللي يستر البسمه مع طاريك ، أحبك بس أحبك من طرف ساكت :)

صدفتك في طريقي مثل الإطمئنان للمذعور ، و لقاك أسعدني بوقت شحيح يذبل إسعادي :)

صايم ٍ عن حب غيره و لا لي قابليه ، مثل صوم المسلم اللي خايف ٍ ربه :)

الناس تنسى المحاسن من طرف زله ، و الله ينسى المساوي من طرف توبه :)

أنت غفوة راحة المنهك و ضحكة سني ، مروي عروق الشعور اللي تحوم أسئلته :)

على رمح صوتك ماتو المشكله و الحل ، سراب الدروب أصدق من الحرف و النبره :)

في مثل هذا اليوم قلتي أحبك ، و الظاهر إن السالفه كذبة أبريل :)

من العايّدين إن قلتها لي قلتلك ، العيد خدك .. حّظ من عيّد عليه :)

قديمك نديمك و المشاعر لها تأثير ، تقود الهواوي صوب ماضيه و تجرّه :) #مساء_الخير

إذا شرق لي وجهك العذب الطهور ، ما عاد أبي .. شمس الحياه و نورها :) #صباح_الخير

نحلم نعيش المراحل كلها فـ الحياه ، ما ندري إن " الحياه بـ كبرها " مرحله :) #مساء_الخير

و لا أنا من كثر خذلان الولايف ، صرت أقدر وقفة ظلالي بصفي :) #مساء_الخير

يا مرحبا و الحب كله معاذير ، تشفع لك أيام الغرام القديمه :)

العمر ساعه و حنّا مثل العقارب ندور ، نستعجل الوقت و أثره يسرق أعمارنا :)

تمر الأيام .. في قربك على ما يرام ، يـ بهجة عيوني و يا أغلى مساييرها :) #مساء_الخير

مرحبا يا أول خجل قلبي و صمته و إعترافه ، العمر بـ أهله شكوك .. و لمسة يدينك يقينه :) #مساء_الخير

ما تغيّرتي عن أوّل ، لكن أنتي فيك ميزه ما هي عند الآخرين من عرفتك لين هذا اليوم كنتي ، تكبرين .. و كلّ ما لك تصغرين :)

ما غير وجهك هو الفارق ما بين الوجيه أنا ماني بـ آسف . . اليا زاد فيك طمعي و إن كان به شي . . يحتاج اتأسف عليه ، آسف على عمري اللي راح منت بـ معي :)