اول ويكيند بعد الاجازه اقدر اقول اني ما اشتقت لشغل الويكند واخذ لابتوبي معاي احتياط بالسياره

احتا قوانين السياحة والزيارة غريبة رفيجتي الهندية، امها من مواليد الكويت، بس كان صعب عليهم يزورون الكويت اشوه عندها خال عايش هني، بس يكفل امها ورفيجتي ممنوع القوانين اليديده كانت من نصيبها الحمدلله

عاد رفيجتي وضعها الحمدلله زين لمن ايون الكويت يأجرون شقة بروحهم ما يقعدون مع معارفهم، غير المطاعم والطلعات وحيل متعلقه بالكويت لان اهل امها كلهم هني، يعني هالفئة اللي تستحق باب الزيارة يكون مفتوح وسهل

لو شخص من مواليد الكويت وطلع منها وماعنده اهل هني يطلعون له فيزا زيارة ما يقدر يزور الكويت سياحة ويستعيد ذكرياته ويشوف ربعه

احنا مشكلتنا ان نشوف الكل يبي يبوقنا وينحاش او يستغلنا احنا الحمدلله انولدنا بنعمة، غيرنا ما حصل له، وعادي يغترب على معاش ٢٠٠ دينار، بالذات الفلبن، اشوفهم بتك توك شهادات ووظايف بالبنك وشركات، يهدمون أحلامهم ويشتغلون بوظايف أدنى من مجهودهم، لان المسمى هناك ما يوكل عيش

هي الناس اللي زعلانه من ابديت الشات هنا بجد عايزة أعرف انتوا بتكلموا مين اصلا على الابلكيشن المجنون ده

من صحراء الكويت تزهر الطبيعة #CGCKuwait

قررت باجازتي ١- أصوم باقي الدين ٢- ازرع الحديقة واهتم فيها ٣- اجرد ملابسي ٤- اروح النادي الصبح الحين احس وايد بالغت

مع ان مقسمه وقتي صبح وعصر وليل، بس ما لحقت الشيء الملتزمة فيه المشي، وايد الجو حلو على ان اقعد بالبيت

والحديقة الحمدلله بلشت فيها، جهزت التربة وغذيتها بس الجو وايد بارد على اني ازرع شتلات

إنستغرامي صاير كله مضيفين الطيران وجدول رحلاتهم الشهرية او استقالتهم اعتقد شركات الطيران عندهم جيش HR

صديقتي كانت مظيفة بطيران خليجي تقول الأغلب يشتغل سنيتن او ٣ عشان يسافر العالم وبعدها يستقيل، ما تقول محد يعمر هناك الا بعض الجناسي لان ماعندهم فرص ثانية

والشركات الكبيرة تعطيهم فرصة يروحون وجهات اكثر بس ساعات العمل وايد اعلى، واكيد فرق الراتب تقول ١٠٠ ساعة شهريا، بينما شركات طيران ديرتها بس ٦٠ ساعة

وحرصت اشد الحرص ما تطلع فيزا لأمريكا عشان لا تطلع لها وجهه هناك تقول رحلات امريكا كلها هنود وتحاول تنحاش منهم

طلع لي بتك توك عن حضر نجد وقعدت اقرا عن المنطقة اللي اهلي هاجرو منها وايد من أهالي هالمنطقة هاجرو وحاليا تعتبر مهجوره

ابوي يقول عايلتنا اكيد هاجرو للكويت يا بسبب الفقر او الحرب بس ما لقيت شيء مميز حصل عشان اعرف متى

و أدركت شيء ثاني، أنا اعرف اسمي لمن أوصل للشخص اللي هاجر للكويت وتقريبا خذينا اسم الأب كعايله قبلها ممكن احنا ننعرف باسم عايله ثانيه، او نظامهم العوايل قبل غير عنا

ابوي ياي له ضيف صومالي مهاجر بس مواليد الكويت اليوم داومت يم مخيمه، رحت شربت معاهم شاي ما كان راضي بالبداية بس رضا آخر شيء

صج اشتغلت اليوم بس وايد راضيه عن يومي الحمدلله شرحت حق موظف كويتي وحرصت انه يفهم شنو الشغل الياي، اغلب الكويتيين هناك ما عندهم تدريب زين، فشركتهم تعتمد عالوافدين، اتمنى اني ساهمت بشيء يفيده مستقبلا

صرت احرص لمن اشتغل مع كويتيين، احاول كثر ما اقدر أفيده وأفهمه الشغل، احسه خدمة لديرتي لان اغلبهم يستحون يسألون عشان لا يبين انه مايعرف