الجديد . مْن يعقد حجاجه إن شاف الرّفيق مسيّر جعل يقطع راسه الهافي .. ويقطع صيبه الكرامـه ماهي ( بعـودً ، وشطّ حـويّر ) الكرامـه ( فاللقى الطيّب ، وفالترحيبه ) .

اللهم صل وسلم على نبينا محمد ﷺ ( ساعة إستجابه ) اللهم أجعل جنة الخُلد تحتضن أرواحً طاهرة رحلت عنا اللهم إرحم موتانا وموتى المسلمين ..

.. أعرف وجيه الرياجيل وادل البيوت ناس تنفعني وناسٍ بليا فايـده بيتٍ أمره عشان السوالف والبلوت وبيتٍ أمـره عشان الأمور الكايده

عن مضخّم الهيّن ومستثمر المنفوع يكفيك مطنوخٍ .. مخلاةً طروقه ! تغر الردي نفسه لا جا في يده موضوع ويقنع لا جابوه الرياجيل من فوقه !

.. ترى الجمايل في ضعوف الرياجيل مثل السحابة .. في الديار الوخيمه

.. رفيق عمري ودي اعرف وش فيه ماني مصدق طلعتي من حياته قالو تشوفه ... قلت يوميا اجيه وانا ما اشوفه غير في سناب شاته

.. ماسلم من دورة الوقت الحذِر والانضباطي كيف عاد اسلم وانا اللي معطي الدنيا رسنها

.. ليا شاخت العبده وشبعت رعاة الضان عزانا على الشيخان وأسياد الأسيادي عن الدرب واليمّه تحادا طويل آذان على كبر راسه مادرى وين هو غادي يورّاله انه لا لبس مشلح الأمتان حفيدٍ لإبن هندي وخاله ابن هادي ضعيفٍ يحسب انه ملك خاتم سليمان يسند مع الوادي وهو حادرٍ وادي

.. في ساعة الشدة تبان المطاليق وتفرق مابين الطامنه والرفيعه رجلٍ يفك الضيق في ساعة الضيق ورجلٍ يضيقها لو انها وسيييعه

.. من تذّكرني على صفوة مزاجه ينتظرني لين يصفى لي مزاجي #خالد_الفيصل

.. لو تحاول ترضي الناس لا جدوى غايةٍ من دونها السبل مقطوعه المصيبه صار حتى الزعل عدوى لا زعل شخص تزعل معه مجموعه

.. كنت اعدك في المواقف بندقي و حزامي و أثر منت بقد وقفاتي ولا انت بقدي ذاخرك توقف معي لا وقفوا قدامي و أثرك اول من تردا بي ووقف ضدي

.. ياصدري اليا ساورتك ظروف وقتك لا تضيق دوّر على درب السعه يالين تلقى لك سعه َ انا ترى عون الرفيق اللي يدوّر له .. رفيق مانيب عون اللي يدور من ورانا .. منفعه َ وخل الجمل والاربعه حتى ولو طال الطريق حنا نشلك يا الجمل ونشيل فوقك الاربعه

.. من قابل الجود بالعرفان مايلبس ثياب الخجل يلبس ثياب الوقار ويمدح الوافين باشبارها وماينكر الفضل واهل الفضل غير الاش ولا الخبل ولا لئيمٍ يجنب دربها من طول مشوارها

.. ترانا على خبرك ولو دارت الأيام تغير تواريخ السنه ما تغيرنا

.. في يديني عشرتين وباش واكه وابرق اكه والعرب عيت تسانع لي وانا امشي في سنعها ماهي بدايم سنام حوار ولا سمن عكه السنين التاليه دبور واقفايه ومعها كان باعتك الرخوم وبابها قامت تصكه لا تردى سوقها بعها ياولد ابوي بعها

.. غبّ لو كان الغياب يحسسك بالوحده الغياب أهّون عليك من الحضور العادي - راشد القطيما

.. الردي مهما تسوي يضيع الطيب فيه خلّك لرد الجمايل من الناس فـ غنا شوفنا رغم المتاعب وتبديل الوجيه ما نسينا اللي علينا .. نسينا اللي لنا

.. يا وجهي اسلم من تقلاب الوجيه ومن الشكوك ثقالها وخفافها كم واحدٍ في باله انه ما يتيه وهو يمد ارقبته لسيّافها حنا من الشيمه نعاف اللي نبيه تعيش اسامينا على مشرافها ماعاد يغرينا الملام وما يليه نعطي لخملات الرجال الحافها حتى الرفيق اللي جمايلنا عليه الناس شافوها وهو ما شافها