الناس ماتسكت عن الناس ياناس  وهرج القفا ماني بحب استماعه لاصار مردود الحكي منه الإفلاس  الصمت مكسب والمعزه بضاعه .

اطيح واقف وارتفع كل ماطحت « اكبر وتكبر خبرتي بـ الاوادم » .

احشم لساني يوم عقلي حشمني وكلن حسب عقله يسولف لسانه .

قل للصدور الضايقه تبشر بخير  ربك كريم .. ورحمة الله واسعه .

تدري وش اللي بالخلايق : يمشيك ويحط لك بـ الناس ، قيمه و شيمه طيبك و اخـلاقك ، وصادق مباديك ونفسٍ بشوشه بـ التعامل حشيمه .

ماعاد تفرق لو باقي العمر صدمات « ماتوجع الضربه على صدر ميت » .

أحدٍ يغيب ، ونذكره كل ليلة واحدٍ نشوفه كل ليلة ، وننساه .

قانع من الدنيا مثل منت شايف لو هي تجي وتقول طب وتخيّر ٰ ما فيه حاجه تستحق الحسايف غير الرفيق الطيب إليـا .. تغيّر .

واجه الخذلان بــ الصبر .. والبال الطويل ما أنت بـ أول من تجمّل ولا آخر من خُذل.

ادفن همـومك و احذر السر ينباح ومن ينشدك قله : بخير و سلامه ..

البارحه هبت علي الريح من كل الجهات حتى عرفت إن الليالي غير والوقفات غير وقمت اتلفت فالسنين الي غدت مني فوات وامنت ب ان العمر مهما طال فالدنيا قصير كلٍ يموت وينتهي والوقت يمضي هات هات ولاعاد يبقى الا الذكر إن كأن شر أو كان خير .

لا تعطي الشخص حجمٍ فوق مقداره  بعض العرب لا رفعته .. قيمتك ترخص .

ماعاد تفرق وش تخبي لي الايام جاني اللي كفى وخاطري طابّ .

ليت الليالي ليا من جابت الذكرى تعيدها بالحدث والصوت والصورة .

مشكور ياوقتٍ غدا فيه ميلات عرفتني بالناس وش هو مداها

"العقل ماهوب دايم صحيح الاتجاه الدروب أحيان ودّك تخالف سيرها"

ماهو بدايم كبيـر السـّن يرشدني بليس ضايع وهو مخلوق قبل آدم