"والله ماكان فقدهم هيّنًا ولكنه أمرًا مقضيًا " اللهُم أرحم ارواحاً كانت كالجنّة على الأرض رحم الله إبتسامه كانت تعني لنا كلّ شيء اللهم أجعلهم ممن يُقال لهم هذه الجنة التي كنتم بها تُوعدون . #امواتكم_يفرحون_بالدعاء

لعل الصباح اللي يكفكف ظلام الليل يجيب الفرح والخير لاطارت طيوره يسر القلوب اللي تحراه مثل سهيل طلوعه يخلي معظم الناس مسروره .

الحظ طيّب بفضل الله وتوفيقه والهقوه تسوقنا للي على الهقوه يوم إن بعض الأوادم يشرق بريقه أحبابنا نقوه .. وهقواتنا نقوه .

الله من قلب ٍ ليا منّه ادلج لو هو بجو ٍ فيه للناس صجّه يدوي مثل ما يدوي الطير بالعج مع خايع ٍما يندرى وين فجّه ما ينتبه للي ينادي ليا سج واليا انتبه كن الشباري تخجّه لا بد من يوم به الهم يفرج عن كل عينٍ بالسهر مستلجّه .

كل ماشفت العباد اللَي يعيشون بضعافه قمت اعرض راسي المرفوع للريح ومهبّه

والله انك يامحمد يوم قلت ، ابوي مات كنها سبعة قذايف ماهي سبعة حْروف

اللهم لك الحمد ولك الشكر .

كلن يبي يلحق براعي الاوّله لكن راعي الاوله ما ينلحق .

الحزين يشوف في بسمته سترة نجاه لو ورى البسمة من الحزن قومة وقعده من كثر ما هزّه الماضي اللي ما نساه ودّه إنه ما . . يفكر فـ بكرة و بعده من يدقق في جميع المراحل فالحياه لا يلوم الا التفاصيل لا خاب جهده كثرة التفكير في . . بكرة وفاللي وراه تشغل الواحد عن الحاجة اللي في يده .

الحمدالله على العوض الجميل حمداً يليق بجلاله وسلطانه .

فاقد الرغبه يشوف الثمينه زهيده لي سنه ماخبر حاجه تشدّ انتباهي

يقوي عزوم الرجل عن مطيحه نظرات ناس معلقين الرجا فيه .

انتبه لايجي فيك شي من الغرور العسل .. نص مداحته ماتاكله .

الناس بالحق حتى الشيخ ما ارضاها ماترضي الناس لو انك تحججها .

لاجبرك الوقت تشرب ماء مالح اشرب ولا تقول للعالم انك شربته .

حتى الثوابت تغير من مواقعها الثابت ان كل شيٍ في الزمن وارد عن مغريات الحياه وعن مواجعها محتاج قلب البليد وسجة الشارد لا طابت النفس مابه شي يقنعها لو تمسح العقل ولا تمسح المارد بعض العلاقات تشبه لو نرجعها القهوه البارده .. والشاهي البارد .

عيني اللي كنّ فيها من الفرقى قذاه من نشدني قلت ما غير لافحها هوا .

لو خذت الأيام طلة وجيه المستحين ما تمادت في غثاها ، عقب معروفها

اقسى من ان الحظ عاقد حجاجه يومك تصالي مع قساها رداها تحرق زهر عمرك على شان حاجه غيرك تجيـه مبردّه ما بغاها ..