هلا مرحبا ماذعذع امن الشمال البرد وماناحت الورقـى وماعسكر الذاري ㅤ وجودك معي مصدر فرح ياشبيه الورد وبدونك تفاصيل الفرح مالها طاري ㅤ طواني غرامك مثل طوي السنين الجرد ولازال حبك فالحشى بايع وشاري ㅤ هواجيس قلبي جا لها فـ الحنايا ورد امن البارحه مفعولها فالحشى ساري .

قساك .. ما قلّل من اشواقي و ما هانت ( احبك ) ولا هنتي مطر و غيم و برد .. وش باقي .؟ والله ما باقي حاجه الا .. انتي

ديره بدل ديره ودارٍ بدل دار بكره نودعكم على خير يازين لاتنتظر مني مراسيل واخبار مايوصل المرسول من وين لاوين إن طالت الدنيا وجيناك زوار أحفظ عهود الود يكامل الزين إن حالت الأيام دونك والاقدار ون عادت الدنيا فراق المحبين واقسم برب البيت علام الاسرار مانساك مادمنا على الارض حيين

تمر السنين ولاتغير معاه احساس ولا الضحكه اللي من شفاياه مملوله عليه السلام الين يفنى سلام الناس وعليه الملام الين ياقف على طوله واقوم اتغزل فيه وبقده المياس وتشابك يديني بين عنقه ومجدوله بعد مايضيع العطر في زحمة الانفاس عداه الملام وكل الاعذار مقبوله

" مساء الخيّر . . " عندي طلب ياأخواني اللي فالإسلام اليا بدر مني خطا ساامحوني وان كان قفت بيّ مقادير الأيام اما اذكروني بـ خيّر ولا اتركوننيّ ".

بس اقنعي عقلي ؟ ي ناقضة الجديل وشلون طاح الليل و بالظهْر استوى و كيف الخصر من ليلك الهادي يميل ومن رقه النسناس .. ؟ وشلون آنزوى ٰ انتي الهوئ . . او شي من هذا القبيل وانتي الشعور المخملي .. و المحتوى .

ياحبيبي وش اللي فيك ماهوب زين ؟ وانت سيّد "مغن الزين .. عادك نما" لـ اجلك .. احول الشعار متذوقين لوغدا .. في ذوايقهم غرور زعما اعتبر من يقول ان فيه منك اربعين ياردي .. عقل! (ولّا في عيونه عما ) انت مـ الله خلق منك سوى نسختين نسخة فوق الارض ونسخة فـ السما "

ماهيب قباً جموح ولا غزال ٍ لعوب حورية ٍ حولت مع َ نزول الحيا يغار منها القمر و يصير وجهه شحوب اما عن الشمس تاخذ من ضياها ضيا لو مرت العاشقين الاوفيا فالدروب ماعاد خلت بـ "درب العاشقين" اوفيا ما الله هدانا نقول اللي تكن القلوب تمارس الكبريا و امارس الكبريا :)

لا ضاقت عليك الديره اللي هواها شين على قلبي إسترخص غلاها وسوق إبلك لك الفيضه اللي من يسار الصدر ويمين ماداج بحراويها من الناس أحد قبلك يعانق غصون الراك فيها غصون التين لها كم سنه ترجي وصالك و ترقبلك مرابيع غيـثٍ مـا سكنها من الحيين بعد نبتها إلا قمري وظبي يقرب لك .

تكثر حشود المشاريه والخاطر عيوف ما يطاوع قولة الوقت لا عيّا طعه من تضحكه الليالي تصحيه الصدوف لا يهمّل صاحب الضيق في وقت السعه والله إني ما اتضيعف ولا أحب الضعوف جعل يومٍ ياخذ العز ياخذني معه .

حتى GPT هي خذلك

من نسيم الصبح واشراقه وصوت القمري كل حاجه تسعدك بالوقت .. فتّش عنها والله اني ما نسيت ، احلا ليالي عمري مير احس ان الزمان المقبل احلا منها

تنفعني المرّه على بيت أهل نوف لو كان مالي عند أهل نوف حاجه الجادل اللي لافني حبها لوف لوف الهشيم اللي تلوفه عجاجه ما ارتاح لين أشوفها بالنظر شوف وأخذ على بيت الحبيب اندراجه أروح قلبي من صخر ما أعرف الخوف و يبدي عليّ الخوف حين انتواجه ..

شاعرن ما عاد يغريه شرب السلسبيل حاجتينٍ تخلفه ، كل ما اجتمعن سوا البروق تلوح وانتي ، تفلين الجديل منظرٍ منه الهواوي يطير مع الهوا الهلال اللي تعلى على الطرف الكحيل استحى منه الهلال السماوي ، وانزوا لو تشيلين الغطا من على الوجه الجميل اعلنوا لـ العيد والعيد باقي ما ضوا :)

انا بعطيك احتمالين مهوب احتمال فيها حريه مغادر و حريه قدوم ان رضيت رضاك مكسب وقربك راس مال اعترافي لك بقدرك يدوم و مايدوم ان زعلت ارضتك الايام وارضتك الليال السنه واجد ثلاث مية وستين يوم مابعد قفى المقفي و قلنا له تعال من بغى الصده يبين علمها ومخدوم !

ياصدري دخيلك لا تحرر من الكتمان وياقلب وش تلّك وياعين وش شفتي انا ادرى من المنقود ، واكفن الأحزان ولا ودي احدٍ يكتشف سر سالفتي بنود الهوى ماتضمن الحق لـ الخلان وفتاوي مجاريح الهوى مالها مفتي معي راعةٍ من طاري ،، الفقد والحرمان مثل راعة السربوت من لمعت السفتي )؛

#الحرب_العالمية_الثالثة

الله على اللي مقطّعةٍ كبود الحريم و ميقات كل القلوب الخضر في نِجلها مترفه في كنف عودٍ نظامه قديم من حِبها كل ما خطبت تحجج لها ولاهي من اللي تميل مْع الغني و الوسيم اللي ما خارج لـ أبوها ما يخارج لها عودٍ رفع رجلها عن أوبر و عن كريم من يوم ساقت و موترها تحت رجلها - بن جزا