قَالَ كَلَّاۤۖ إِنَّ مَعِیَ رَبِّی سَیَهۡدِینِ

*اللَّهُمَّ ثَبَتَ أَقْدَامِي عَلَى الصَّلَاةِ وَاجْعَلُهَا خَيْرًا لِي مِنْ الدُّنْيَا وَمَا فِيهَا*

معنديش أي حاجة اديها لحد الفترة دي ولا ابرر لاي حد اي حاجه وهيبان عليا جدا إني متغير ومش مهتم بس انا بجد مش كدا الحقيقة ان انا فعلا مفضلش جوايا اي حاجه اقدمها لأي حد وحرفيا الطاقة اللي عندي يدوبك تمشيني أعذورنا يا جماعة مش كل حاجة بتتقال ولا كل حاجه بتكون زي ما انتو فاكرين دايما

كل ما وعيك يكبر وتبدأ تتعلم م الدنيا بتبعد عن الكلام الكتير والجدال اللي ملوش معنى بتختار الهدوء بدل الزحمه السكوت بدل النقاش وبتفهم ساعتها أن راحه بالك دي اهم حاجه .. مش محتاج تثبت لحد حاجه ..مش محتاج تشرح نيتك اهم حاجه إن انت تبقى في دايرتك المقفوله ومع نفسك من غير وجع دماغ

ضربة الغالي بتكسر النفس ودي أكثر جملة حقيقية ومؤلمة في نفس الوقت لإن الضربة لما بتيجي من الناس الغالية على قلوبنا بتكسرنا انت لا متوقع الضربة ولا مستني من الشخص دا بالتحديد إنه يعمل فيك كدا وهنا وجع الضربة بيبقى أضعاف الوجع لو كانت الضربة دي جات لك من حد غريب

الحزن والتعب والارهاق والتراكمات اللي بحاو اخبيهم آثارهم بدأت تطلع على صحتي وشكلي والموضوع بقى مؤذي لا بعد الحدود

ربنا يصبرني ع قساوة الدنيا عليا وعلي كل الحاجات اللي بتمناها ومبطولهاش وعلي الآمل اللي كل مره يتحول لألم ياكل فيا وفـ صحتي وعلي الجري والمجهود والسعي اللي موصلنيش وعلي الظروف والابتلاءات اللي بحاول اتأدب ف استقبالهم لحد ما ضهري اتقطم.

كل الكلام اللي في قلبي الفترة دي بيتلخص في دعوة دايمًا بقولها يارب قد فوضت أمري إليك فهمني كل ما فيه خير وإن كرهته وأبعد عني كل كل ما فيه شر وإن رجوته

{ فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَ }

اتمنى بعد كام سنة اقول الحمدلله اخترت صح واتحبيت أكتر ما حبيت ولاقيت اللى عرف قيمتي وصان الودّ وميكونش فيه باب مفتوح للندم على اختياري

وَإِنِّي لَغَفَّارٌ لِّمَن تَابَ وَآمَنَ وَعَمِلَ صَالِحًا ثُمَّ اهْتَدَىٰ

الملامح بهتت والشغف راح والأحلام اتغيرت والهدف مبقاش موجود بس انا ماشي وخلاص

قلبي بيعيط قبل عيني بس خلاص انا عملت كل اللي اقدر عليه والله

لله حسابات أخرى وترتيبات أوسع وإني له وإليه أسلمت وعليه توكلت .... يارب