يعنى القيادة تعرى كتفها وتكشف ضهرها وتفقرها وتركعها وتبيعها ، وتسلمها للأنجاس، ومع أول أغنية وطنية مطلوب منك تصطف خلف القيادة !؟

تِعرف ترسم ؟ أرسم إيه !؟ إرسم صُبح اشتقنا إليه ،، إرسم فرحة وضحكة تنوَّر لسه بتنبت رغم الزيف، واقطف من أحزانك غنوة لو هتاخدها بحد السيف . وارسم قلب وسهم اتلاقوا طَل الحُـب وبـدأت قِـصة وارسم ضحكة بنت جميلة شَبكت رمش الواد بالقُصة . ؛✍️

كِيف التقيت الجُب يايوسـف !؟ هل كان أَحَن من الأمان الزُور !؟ هل كان أَرَق من القلوب البُـور !؟ باقي ظلام واحد وفَرْكة ضِيق . وِتـصُـف كل اللى رَمُوك بالـدور . ؛✍️

. . " رُحْـمــاك "

عارف وشايف لهفتك للضى ، والوقت ينهش قلبك العيان ، تِكسـر ليالى التوهة بالألوان . وتنادى ع الفجر اللى قالك جى. عَمَّـال تِمثـل بـس إِنـك حَـى . ؛✍️

ويفيد بإيه النوح على الفايت !؟ غير بس هدة حيل وكَسرة قلب. طب كنت فين وقت الجميع نَدَهُوك والوقت نازل جـوه روحك سَـلب . دلوقتى راجع تِـلحـق اللى فاتوك ، وآدى حصاد الغُـربة ياابن الكـلب . ؛✍️

سَمك تمر هندى ، لبن بزرميط وعبده اللى قاتل وعامل عبيط. ومليون مأنتخ حارسهم ديابة وحبة عصابة في دور الوسيط. وسيد في بيته مهواش فى مأمن ولو شَق نفسه ونام جوه حيط. يشمشم فى قوته وحاضن سكوته وبينه وبين النَّـفَس طرف خيط. وكل اللى فاضل ياعم المناضل سمك تمر هندى لبن بزرميط. ؛✍️

ضاقت ولما استحكمت ، واستحكمت ، واستحكمت . فاضت عيونك بالدموع والنوح. خبيت زيادة فى الضلوع والروح. ومشيت تدارى في السكوت نَزْفَك. والناس كتير مستغربين عزفك . لكن دى كانت رقصة المدبوح . ؛✍️

خير الليالى ياإله الكون ، والناس حيارى ووحدك الهادى. أنظر لمين رفع الايدين باكى والروح عليلة وقلبه بينادى. شَف الجسد والدمع نازل سيل واصفح على مين بالندم بادى. ألجأ إليـك ولدربك التريـاق ، والضيق حاوطنى والأمل زادى . ؛✍️

إبدأ يومك بالبلوك لمن لا يقدر وجودك . صدقنى دى البداية اللى هتصلح كل شئ .

كل البلاوى اللى الشعب عايشها والأزمات اللى بتزيد سببها النظام . الناس وصلت لدرجة انهم ناسيين انهم عايشين ، وكل سعيه بس علشان يفضل النفس اللى فاضل فيه موجود . ويفضل يتنفس. ويجى واحد في وسط دا كله لمجرد انه عايش فى الخارج ينظر علي الشعب ويسبه في كل تويتاته وهو مستخبب ورا شاشة

لِـسايا جُـوه الأسئلة حَـاير ، سَاير على درب الوجع والشوق. والليل طحنى كيف حَجَر داير كِيف الوصال وانت اللى عالى وفوق. دبلانه روحى والقُليب فاير ، واللى يصيبه السهم مش بيفوق. جرح اللى غـابوا ياعليـل غَاير ، واللى استهان بالبُعد يوم هيدوق. ؛✍️

كل البحور مستوعبتش النزف، فازاى هخُطك ع السطور الحِير . وازاى هحُطك فى الضلوع جُـوه. محتاجه كَفى العَفِى ، وانا كفى مش هُـوه . بَعْترنى طُول الليل ، وبقيت بلا قـوة . ؛✍️

فقراء ياالله .....

ويفيد بإيه النوح على الفايت !؟ غير بس هَدِّة حيل وكَسرة قلب. طب كنت فين وقت الجميع نَدَهُوك والوقت ينهش جـوه روحك سَـلب . دلوقتى عايز تِـلحـق اللى فاتوك ، وآدى حصاد الغُـربة ياابن الكـلب . ؛✍️

الحزن عاصي ع الحروف والقول والكلمة مش غزل الحروف بحروف. الكلمة اكبر من شعور موصوف الكلمة حتة من الفؤاد والروح فازاى هتوصف جرح فيك واجع وازاى تلاقي المبنَى والمعنى. كل اللى مات تأثير بطعنة حزن كل اللى عايش فَـر من طعنة. فامسك لسانك ياعليل الروح. بعض الكلام لو ينفلت لعنة. ؛✍️

نختلف او نتفق على سوء أحوال المصريين على مستويات مختلفة. لكن لابد أن نتفق أن هذا الكيان السرطانى لم يتجرع مرارة الهزيمة والذل إلا على أيدى المصريين .

قَـرَّب أوان الغَـرق ، ليه ما التقيت كَـفِّى !؟ ياصُبح كان الندى ،... منك بيكفينى . والعتمة شال شدنى كل اما أقول كِـفِّى، بِتلف باقي الضِيا ، وتزيد فى تَكفينى . ،✍️

حقيقة أن كل شئ يمر . لكنه يأخذ بعضا منك حتى تهلك.

كِيف التقيت الجُب يايوسـف !؟ هل كان أَحَن من الأمان الزُور !؟ هل كان أَرَق من القلوب البُـور !؟ باقي ظلام واحد وفَرْكة ضِيق . وتـصُـف كل اللى رَمُوك بالـدور . ؛✍️