ليت الأماني المستحيلة ما تنعاد ضاقت مفارق خاطري من سببها مادار في راسي سواليف الامجاد اعرفها واعرف منهو كتبها لكن ما للضيق حزة وميعاد حتى اتحاشى ساعته واحتسبها تجمّعت عندي عتيقات وجداد وازريت أوصل كل وحدة عربها

عبدالرحمن الجهني(عذب ) حدد وش الي تبتغي من مسارات والفهم ياتي من كثير التجارب واليا صدم مبداك بعض القناعات اعط لطموحك استراحة محارب لايكون همّك كيف تملى الفراغات خلك على كل الصعيبات دارب شارب مادسم فاللوازم وبالذات لاصحابه الغالين ماهو بشارب

خايف يطول العمر ضايق ومكسور غريب دون احلامي وامنياتي احيان اقول بساعة الضيق ماجور واشفق على ايامي المقبلاتي كني بقاع اجرد ولا هو بممطور بعد الغروب وحزة الذارياتي وشعوري اللي كان فالقاع منثور مدري اذا قفى مع الريح ياتي

بين المطر والاُمنيه والذكريات شعور متشابه ورابط معنوي تطيح من عيني كثير الامنيات لاصارللضيقة وسط صدري دوي انا اعيش العمر في عصف وشتات نتاجها غربه ودافعها قوي

وفّر على نفسك ولا تزود اللوم غير الله فعمري انا ما رجيته على كثر مانيب محتاج للنوم يقفى عن عيوني ما عمري دعيته

اللهم ما أصبح بي من نعمة أو بأحد من خلقك فمنك وحدك لاشريك لك فلك الحمد ولك الشكر، قال صلى الله عليه وسلم من قالها حين يصبح فقد أدى شكر يومه #صباح_الخيرᅠ

عسى الله يبعد الضيقة ونوبات الحزن والعين ليا هلّت على خدي وجادت في مدامعها ثلاث اعوام وانا بين تنهيدة وداع وبين طعون ٍ راحت الايام تدفعني وادافعها

تبّسم ليا حارت هواجيس فكرك بين صروح الاماني والفجوج الطبيعيه الارزاق مثل العمر في اول التكوين قبل مانجي للارض باعوام مقضيه ياكم حملة ٍ ثارت على الخاطر المسكين مثل حملة جيوش الحروب الصليبيه لكن ماني بغاوي تراني مع الغاوين انا مؤمن ٍ باللي قسم خالقي ليّه

بمناسبة اليوم #اليوم_الوطني_٩٢ ابسأل سوال واول 500 يجاوبون يحولون 92 ريال لي كم عدد ايات الفاتحة ؟

من دورة الافكار ميلاد الكلام والقول دون افكار مأهولة يضيع نستعجل الايام ونسبب زحام والوقت مهما طال فالواقع سريع مافيه شي ابلا اصل حتى الظلام فالليل.رغم النور فالكون الوسيع الي نصاه الحظ ياوقت الختام يشري على كيفه مع الخلق ويبيع

شبيت ناري في فضى الليل العتيم انا واحاسيسي واشواقي سوى ماهوب دافع برد والله العظيم لكن علاج الضيق ملعون الثوى

انا مواصل والسهر كل ماطال اشوف اجوا المدينه مخيفة في داخلي بين الحقايق والامال جنود تلحق بالقذيفة قذيفه بين الوداع الاضطراي والاقبال تجبرني ظروف الزمان الكليفه والا انا رجال من ظهر رجال روحي عصاميه ونفسي عفيفه نظيف جداً ما اتجنى ولا احتال حتى الجروح الي اشيله نظيفه

راح الزمان وروح حجاجي الطلق بديت الاقي فالزمان الغبينه يارب قلبي لا تعلقه بالخلق علقه فيك ومتعَه بالسكينه

مرت سنه والشوق بالقلب وقّاد والعين عميت من لهيب الحراره ماكن لي فالارض موطن وميلاد وانا رجل يرفع مقامه وقاره امشي واجامل واتبّسم ولا فاد وارافق اهل المرجلة و التجاره جاهدت لكن مانفع فيني اجهاد العمر من دونه ضياع وخساره في صدري احساسٍ مثل شعب بغداد عاشوا بضيمٍ عقب وقت الصداره

كل شوقٍ يعتبر حالة طواري وآصل المشتاق لا يبقى حزين لايطوّل في مواصلك انتظاري وانت فاهمني وسيد العارفين ذاك وقت ٍ راح ماباقي مواري غير ذكر ٍ دافعه شوق وحنين فالسنين التاليه اصبح مساري غير ذاك الي تعرفه ف السنين ممتنع عن المواصل وانت داري مهتويك وردني شيمة ودين

لاتعتذر وش فايدة كثر الاعذار الكيف أهم من العدد والكثافه لكن باعلمك في بعض الاخبار ماهو يدوم اللي يجي بالكلافه المجد ماهو ثوب وشماغ وزرار ولا بصوره فالهدا والرصافه المجد يبغى له عزيمة واصرار والمتهم ادانته باعترافه كرسي ماهو ملكك ولو كان دوار مايعتبر لك مجد والا اضافه

من يحسن الظن فيك وتحسن الظن فيه اعذره عشرين مرّه بس لا تخسره لن الرضا بالمخابر ما يجي لو تبيه عكس الرضا بالمظاهر بعه والا اشتره

تحلم وتحلم وتحلم! ثم اذا توفت امك تدرك انك كنت تعيش في الحلم الذي كنت تبحث عنه

عليك راهنت لكني خسرت الرهان الله يعوض حسن ظني وكثر تعبي ظنيتك الدعوة الي بعد حان الاذان لكنّ بُعدك نتاج لدعوة امي وابي