إلى : ذاك الزمن راح يوم الحزن لا جابك ما ترجع إلّا وهمّ الصدر متفرّج ظهرت من ذمّتي في ذمّة أحبابك أنا من اليوم مثل الناس متفرّج.

جوارحي للغياب المرّ مضطرّه والوصل مانيب فيه اليوم متجوّد ٰ ان كانك تروح مرّه وتحضر مرّه انا اقدر اروح لكن ماقدر اعوّد ")

بعدك انا المشهد اللي صعب تصويره تمر الايام واوضاعي هي اوضاعي مشتاق ، لليل ، والشرهات ، والغيره ومشتاق لسألتك اللي مالها داعي

من لا يحس بقيمتك وأنت موجود ما هو بناشد عنك لا صرت غايب حاول تفرق بيض الأيام والسود يا قلب ما كل الحبايب .. حبايب اللي يبيك يجيك لو دونك قيود يكسر على شانك خشوم الصعايب واللي يبي فرقاك لو دربك ورود ما جاك لو إنك من أدنى القرايب.

معي قلب لا هبّت عليه الهبوب يحنّ يا ويل القلوب القاسية من عذاب الله

الا ياحمام الورق ماشفت ولا جاك ترى ينفع المهموم علمٍ يبشر به عن الدار واهل الدار والسر مايخفاك غريب ٍ تحداه الزمان وقلع سربه من اول يجوز العذر للي يروح هناك وانا اليوم مالي عذر ويش اتعذر به مسكها حكيم الراي واندارت الافلاك وقاد السفينه واشرق النور مع دربه • رشيد الزلامي

ياخاطري لك حق لكنك عيت م ودك الا بالعنا يالمعنا يا وجد حالي منك ياخاطري ليت ان الزمن جانا على ما نتمنا اشقيتني واشقيت روحي ومليت صد بطواريك القديمات عنا

لا زاد التغلي وانقطع . طاري الاعذار يقل الغلا .. ويغادر ، بـ شكل تدريجي عليك السلام المعتبر ، والسلام الحار على الشامة اللي في مكان استراتيجي

أنا اللي كل مادوّر لصمتي خطوتين وباب تحاصرني رياح الذكريات وتنفض ثيابي على الغيّاب تغريبة سلام وجرح أظنه طاب ماعادوا يستحقون الرجوع ولاهم أحبابي

بين طول الغياب و بين قصر الغياب استباحتني الذكرى و دمعي هدر يا نديم الطواري لا تزيد العذااب ما بقى في رفوف الصدر وسعة صدر كل ما أصك باب تفك للحزن بااب تحسب ان الجفا غالي و قدرة قدر و الله ان الجفا ما هوب عين الصواب كثر ما هوب هم و ضيق بال وكدر

على مفرق طريق الرجوع و سكة الغياب تخيّرت الطريق اللي عسى ما يشبه الرجعه فمان اللي كتب بعد العمر هذا نصير اغراب ولا به شي يعطيني على وصلك ابد دفعه فمان الشوق والذكرى واماني لمة الاحباب فمان الله وخذ حبك معاد الصدر يتسعه 🧶🌹

صباح الخير : ياملح الأيام ويش آخر تفاصيلك ليت المقادير تعطيني خبر عنّك من شرقة الصبح في وجهك إلا ليلك أربع و عشرين ساعه مـ نقطع منك

تحيّر العقل من ياسه الى صبره وتناقض القلب من طيشه الى دينه . خلت بليغ الكلام يضيّع النبره كله على شان ما يجرح محبينه . اذا حزن وده يسيّر على قبره واذا ضحك وده يسامح عدوّينه

يوم شفت قلبك تغير وابتعد عني عافت العين قربك وانت غاليهااا ."

قل للسنين اللي تراهني على كسرة عصاي ضربت الارض لين ثورت الغبار من الصدور انا على ما تشتهي نفسي و وين القى هواي محدٍ يحرك وجهة شراعي على السبع البحور اليا رضيت اطير الحاجة واوصلها سماي واليا زعلت اخلي الحاجة دبور في دبور

يمر صوتك مسمعي واتحلواه وعليه نبضات الفؤاد اتخفق يا مكثرك في داخل القلب كثراه امانة الله .. في عيوني ترفق لا شفت وجهك وابتسامة محياه قلبي وهو قلبي عليك يتشفق حبك أمانه واحتفظ فيه واحماه عن العذول وعن كلام المطفق وفقني الله فيك " والحمدلله " من يوم حبيتك وقلبي موفق

يا فتنة الارض مَن يلحق تواصيفك و انتي صعيبة منال و زينك اعجوبه في واجب الحسن يا مكثر مواقيفك ما غيرك اللي يوّقف دون مطلوبه ما بين روعة شتاك و عاطفة صيفك يطمع بك التايب و يشتاق لـ ذنوبه " صباح الخير "

احبك وادري أن الحب مع حضرة جنابك غير يالبى الصدفه اللي جابتك و أصبحت محبوبي لأجل عينك كسرت القاعده و أمنت بالتغيير مع إني قبل اعرفك مستحيــل اغير أسلوبي

محتاج لي قلبين مع قلة إحساس عشان احقق مابقى من امنياتي قلب اتحمل فيه صدمات هالناس  وقلب ن أكمل فيه باقي حياتي ")

ياقربي البارحة واليوم يا بعدي ومع كلّ خطوة بكون الحاضر الغايب الوقت فرصة وعمر الأدمي يعدّي وأنا تعدّيت وقت الراغب الهايب جفن اللقى رفّ لكن ما صدق وعدي والظنّ مرات مايصدق وهو صايب رح دوّر اللي يجوز لـ خاطرك بعدي أنا إذا أقفيت أقفّي خاطري طايب