انت لاشفت عينك الزم الصمت اتوهق وتشوفني ماني على خبرك

الي على الجاهل يرد الخطيه كنه يعض الكلب لاعضه الكلب

ماجاب لي علم؟ ماسولف لكم عني؟ ماشفتو الحزن في وجهه وناصيته .. لايدري أني نشدت ! وجبت له طاري ولايدري أنيّ ذكرت أسمه وخصّيته حتى لو انه نساني ماعلي منه ، انا لو انسى اخواني ما تناسييته ! لِـ محمد السكران .

« أنا مؤسس حزب طرد المقفين وراك .. لين أطيّحك في يديني😅 » — محمد بن الذيب .

عن البال ..ماراحت طواريك لجل تعود مثل كل "ليلة طيش"مـرّت على تايـب طبيعي بـ أن النـاس تستشعر المـوجود وأنا أستشعرك موجود وأستشعرك غايب،،🚶🏻‍♂️

فجاءه تجيك لحظة إدراك إن كل شيء ضحيت عشانه هو مجرد شيء عابر فقط حتى لو كان شخص.

مرحبا اما بعد : من اصعب الحروب النفسية التي قد يمر بها الانسان هي الحروب الذاتيه وعلى هذا السياق : يقول فهيد بن ثنوا : من كثر ما صارعت ذاتي بذاتي نصي يبي الدنيا ونصي يبي الموت. ويقول محمد العذبه : ترا ما أصعب من الموت واللي خلاف الموت الا الفترة اللي لا أنت ميت ولا عايش

ماهو بحق تصدق هرج عذالي صدقت كذبة عذولن قالها فيني منك أتعذب وقلبك داله سالي الله حسيبك جرحت القلب جرحيني مدري عن العيش عقبك كيف يهنالي مدام صورت خيالك دايم ابالي والله مابرت بك بس انت بالغالي نويت بصد تجرحني وتشقيني

تحذير من نوع آخر : « لا تكون انسان غير الي اعـرفه لا تطيح بقاع مايوصلها شوفي »

الصمت ملجاي لامن شان وجه الكلام خل عنك الشرهه اللي .. ما تحملتها الكلمه اللي مثل وقع الكسر فالعظام والله لو أنْك تعرفني زين .. ما قلتها !

عن البال ماراح طيفك ولا غاب تسعه اشهر يصول فالقلب ويجول لاعتم الليل وجابو طاري الاحباب كن طيفك يمرني ويقول ايه وتقول

دون حقك لا تمسكن والمجامل غطه ''  قطعة الراي ابـرك أمن انگ تكون محايد !  ما يـجـيـب العيد بـ الطيب ويـرفع ضغطه !  غـيـر كثر المستحـى و  ألاحترام الزايد ::)

محد سأل عني ولا قال وش فيه محد درا عن علّتي وش جرالي حتى الذي من بد خلق الله اغليه اقفى و خلاني وحيد لحالي اقفى بلحظه كنت فعلاً انا ابيه ياقف بجنبي ويثبت انه حلالي لا شك خلي خاب ظني انا فيه شفته بعيني مع حبيب بدالي دامه هوى غيري عسى الله يهنيه ابلقى حبيبٍ مخلصٍ لي لحالي.

مال الهوى عندك وشرواك قيمه يوم معي واليوم الآخر مع فلان خسران منهو بالموده نديمه مثلك يا ابو وجهين شرواك خسران حسبك ولي العرش فعلك ظليمه تستاهل نسميك ونقول خوان فرقا الولايف والمفارق جريمه يا اهل الهوى سوبي ارجوكم احسان #فهد_بن_سعيد

صارت حياتي بين ، هم وبهادييل والجرح وسط القلب زاد ، اتساعه معلوم لو هلت .. دموعي هماليل حيث ان قلبي .. جاير الوقت لاعه واجبرني الواقع .. أعيش الغرابيل وأصبر على الاحزان رغم الفظاعه اشرب هماج وغيري يشرب من النيل يارب تجعلني .. من أهل .. الشفاعه

رمى عهد الحبايب خلفه وقال الجفى قدام تركني لأمري الواقع مابين الجرح وضماده بدون أسباب معروفة تناسى سالفة الأيام تصاغرني وأنا أكبر من حفظ له ملحه وزاده دريت أن القطيعه رغبته وأن الغرام أوهام وأنا اللي كنت أظن الحب حنا سادة أسياده

دفنت طاريك في رملة بياض الشعور و ابكيت حتى ضلوعي فالوداع الاخير و الله مانزّلت روحك في تراب القبور الين مات الطموح، ومات معْه الضمير

عقب غيبه جيت ذا الحين ماشاءالله عليك ليه جيت و من سمح لك بعد غيبه تجي ؟ خلك لحالك لحالك و لا لي شغل فيك انت تدري مستحيل ايتغيّر منهجي قبل بعت الناس كلها على عشان اشتريك ، و انت رحت و بعتني ويش عاد ابترجي ؟ روح دام النفس زينه عسى الله يهديك و الله اني بعض الاحيان لاضقت اهجي

يا أعظم من بقى يلمح في وجهي نوري الوقّاد تعال أسرقني من سُخف الحياة وعالمٍ فاضي على ماتشتهي خذني ولا تشاورني و تنقاد " قِدم رجليك لو مهما تودّيني أنا راضي " توسّدني وطن لو ما وسع صدرك فضاء وبلاد أنا كل الدروب اللي تخلّت عنك في الماضي

قصيده . ابكتب على جرح اقرب الناس ( لا تعليق ) ما والله اخوّن في رفيقٍ مرافقني . #حمود_ابوعوينه