الرفيق اللي يسّر العين وينومس رفيقه نشتريه ونشتري عرفه وحنا الرابحين .

الثقل ثِقل العين اللي ما يمليها أي أحد و القلب اللي ما يهزه من هب ودَب .

ورثنا القبَال الزين لو ماورثنا المال مانافس وساع صدورنا الا مجالسنا يسعد بنا الطرقي ويفرح بنا الجار و عند الخوي نثني و يبرك جملنا .

يامهجة الخاطر ويالدر الثمين يادعودة اللي داعيً له والديه ماني بقايل لك من انتي تشبهين في ذمتي مالك من اوصافك شبيه رايي وجيه ان قلت لك لا تتزينين وان قلتي اتزين لك في رايك وجيه تدعين بـ الجنه وانا ابغى الجنتين طماع والله ما صعّب شيء عليه

على كل ماقد فات جعل العوض بعدين يسوق الله الغيث اللي يعدل أوضاعي هذي عادة الأيام .. و أنا أعرفها زين ماتحلا لي إلا عقب ماتغسل شراعي "

عفى الله عن قلبٍ ليا قلت وضعه زان خذا له شوي و عوّد الوضع مثل اوّل ابي فترة استجمام مع فترة استكنان انا ما اعرفها لكن اضنها تهوّل .

ايوالله مشيت وعاد عيني على المقعاد وانا مقصدي مهوب باغيب واشتقلي تصبر علي يومين واجي على الميعاد والي زادت اليومين ساعه تصدق لي .

لاشفتني مقبل وانا في عيوني شوق تراني من الهجران والبعد في وجهك .

الدار دارك منت طرقي ولا ضيف هذي نفود أرضك وهذي رياحك

معك قلبي مخاسيره هي أرباحه .

عليه الحشى لأسمع طاريه فز و قام مثل فزة المسجون لا شاف زواره .

انا فأنتظارك لو تجي عقب عشر سنين وبرحّب بك ليا جيت من خاطر صافي

يا قمرا لو تخاطفك السحاب وبلّلك؟ معذور تموت الأرض ما لمست طرف ثوبك بأناملها غيابك جواب لمن يقول أبطى حضور النور وحضورك هو حديث الناس حتى في منازلها .

"إستعذت من الدروب اللي نهايتها حسافه قبل ترميني ملذات الزمن في جوف غِبّه مايخاف المؤمن اللي فيه من ربه مخافه مصدر الخوف الحقيقي واحدٍ ماخاف ربه"

"ولو تقدر ترد المطر في بطون الغيم ما تقدر ترد الرغبه لخاطر السامح"

ضمديني بالتغاضي وتصديق ضحكاتي أنا شخص مايحب أحد يلمس جروحه"

هلا بك و العذر لا حلّ غلّ ولا قضى مصلوح يكفّيني عن أعذار المودّه وجه راعيها تعذّر ، لا تعذّر والله أنك غالي و مسموح خطا عيني أنا قد قلت يا عيني تحاشيها و قلبي للغريب بلاد سلمٍ حدّها مفتـوح أجل وشلون حسٍ قد خذا قسمه فأراضيها؟

مافي صيدليات الدواء للجروح اسعاف عـوض صيدليات الـدواء حضنك الدافـي .

ماعاد عندي رغبه أتمسك بشي أنا يا دوب أتمسك . . بـ صبري مرتني أمور طوت خاطري طي وماسيلت دمعي لو سال حبري وماني بـ شاكي على الناس مافي " دام عند الله ضمادي وجبري "

لذة أن تعرف مكانتك مسبقًا —– لكنك تحب أن يتم تذكيرك بها كل مرة .