انا مشروع مش هيخلص ومش هشوف افتتاحه

فى حاجات لما بتطلبها من ربنا ممكن بحكمته ميحققهاش عشان عارف انك غالباً عايزها عشان تبيعها وتكسب فيها

اقوى واشهر ناس فى العالم بيعملوا حاجات غبية يومياً..فا محدش مهتم اعمل الحاجة الغبية اللى كنت عايز تعملها النهاردة

كل الناس خدمة عملاء مين هيبقى عميل؟

كل الكلام انقال مبقاش عندى حاجة اقولها غير الحاجات اللى لازم تكررها كل يوم زى صباح الخير مساء الخير عامل ايه وهنخلص امتى

لو انت علطول فى التلاجة اى حاجة دافية بتبقى سخنة اوى ومبتعرفش تستحملها فا بتترعب لا تسيح وبعدين تكتشف انك مش بتسيح ولا حاجة وان الجو امان..بس بتكتشف مشاكل جديدة بقى زى ان ممكن تحمض؟ مش عارف كنت رايح فين بالكلام ده

بقيت خايف اقول رأيى فى اى حاجة وجاهز ابقى agreeable

اتقل حاجة معاك فى الشنطة ملهاش لازمة ليه جايبها معاك السبق؟

ما تجيب الخريطة اللى نفعت معاك الاقى بيها الكنز بتاعى

مبروك احنا الكائنات الوحيدة الموجودة اللى متضايقة انها موجودة

عايزين نعيش عيشة ميتافوريكال

لازم تجوست نفسك شوية

موضوع انك مش مميز بيضايق. ساعات بتحب تبقى الشخص الوحيد اللى حصله كدة. وفى المعاناة بيبسط انك مش الشخص الوحيد اللى حصله كدة. الحبهانة طلعت للكل. والاكل كله بتنجان.

زهقت من المصطلحات النفسية اللى الناس بتستعملها عمال على بطال فين ايام لما حد كان بيبقى عنده مشاكل نفسية بنرشحه فى منصب مهم وخلاص

الانكار مش هيفيدك..اعترف عشان ترتاح..وانا هطلب من القاضى ميضحكش

ما كله من العدم اللى ممقق عينك فيه طول النهار ده

انا مش قايلك انزل استنى هنا لحد ما اجيلك اخدك ونطلع..لحقت يبقى عليك ديون امتى؟

كتاب كيف تتوقف عن كره نفسك للمبتدئين الاغبياء اللى بيبوظوا الموضوع كل مرة

Take off the foo foo

بالعكس انت لازم تعمل كدة عشان تنجح