دروس مـن الحيـاه الماضيه مانخلف النيات على الهقوه مــع اصحــابي ولاني ناوي الباره صحيح ان الليال السود ماتخلى من الميلات وانا مؤمن برب الكـــون واللي جا من اقداره #الامير..

القاف مـابـيـن رجـلـيّـه وخـيّــاله وانفوسنا لـيـتـهـا تــدرك مـآربـها معقول بـعـض الاوادم حالته حاله مايفهم الناس هذي وش مطالبها #الامير..

اثر الزعـل مـامـنــه فــود ومكاسب ينهـي عـلاقــات السـنـيـن القديمه والعـبـد عنـد الله بفـعـلـه محاسب ونهج السلف نور العـقـول السليمه #الامير..

ياصـاحبي لــو كــان عـني تروحي ماانساك لو جو السماء راح داكن الصـدر مـن فرقـاك عـوّد يفوحي وعيوني الثـنـتيــن لجـلـك تباكن #الامير..

ينفض الريش لاشاف الحباري تجول وان لمح له صـقـورٍ فالسماء يندرق لو اعلّم عن اللي في ضميـري يجول كان يمـدي مــن اول سـالفه نفترق #الامير..

اللي يـحـبون الـعـلوم الـدقـاقه مـاراح يـعـجـبهم كـلامـي وردي الا بعــد مـايـتـقـنون الـلـبـاقـه في هرجهم مابين مزحي وجدي #الامير..

مال السوالف بعض الاحيان داعي الا ليا صـارت مـن الـروح للروح #الامير..

اللي غـلاتـه بـقـلـبي ثابـتٍ ساسها مايدري اني بحبه صرت واثق خطا الكون كله والارض بكامـل اجناسها يفداه ياجـعـل مافالقول هذا خطا #الامير..

اللي عليّ ايضيق من دون تبرير بالله مــن يقــدر يعـدّل مزاجه كـلٍ يـبـا يقـول له خـيـر ياطير في رفقتـه ماعـاد للناس حاجه #الامير..

شبيه الـنـور مامثلـه بشر ولاحدٍ يـشـبهه بـالمملكه انـا ويـاه كــان الـلـه ومر لجـل عينه ندوس التهلكه #الامير..

اللي مايفهم كلامي ويش اسويبه احرقت لجله مـع الايـام وجداني من قبل مـده على ماقيل اماريبه واليـوم روّح على شـفــه وخلاني #الامير..

تتقدم ⁧#ادارة_و_أعضاء⁩ ⁧#ملتقى_القاف_العذب⁩ بخالص العزاء والمواساة للأخ #أبوناصر أبوناصر في وفاة #عمته عظم الله اجركم واحسن الله عزائكم ونسأل الله ان يرحمها ويغفر لها ويسكنها فسيح جناته انا لله وانا اليه راجعون ⁧#الاداره⁩ ⁦ادارة_القاف_العذب⁩

اللي بوجهي مايفل الحجاجين مهوب قـاطـع لابغيته ضمايه #الامير..

اخيل مـزنٍ بـروق الـصـيــف توضيبه من برقها ينكشف ليل السماء الداجي الـجــاش يـادوب مــازانــت هناديبه مــن بـعــد مـازال هـمٍ بالحشا لاجي #الامير..

لاضاق صدري من هواجيس الايام وجهت وجـهي للفياض الـوسيعه اسج رجلي في هـوا النـفـس قدام في خـايع ٍيعـجـب عـيـوني ربـيعه #الامير..

بنت الهوى ماتحـب العاشق الغاوي ماتعشق الا صـمـيدع يفهم المعنا مـاكـل رجـلٍ عـلى اللي تطلبه قاوي لو قال انا طيّـب الـجـدان والمجنا الامير..

الامير بنت الهوى ماتحب الواوي الهاوي اللي لا جات المواقف مايمثلنا معناك واضح وبعض الناس درباوي لكن ليته تمرجل من مراجلنا