يومياتي

حلمت حلم بنيويورك وطلع تفسيره شين غربة وقروشة وحاله رحت كتبت تفسير رؤية في بوليفارد الرياض مدري يمكن كان هناك بس انا ماعرف ولا وش يوديني نيويورك

حاضره كلاس اسمه كلاس الصديقات لازم كل ثنتين سوا وانا رايحة وشايله هم مين أكون معه عشان الباقين مايزعلون والله يعين بيتقاتلون علي لكن تعرفون شعور إنكم معطلين الناس عن التمرين لين تخلص موظفة الرسبشن شغلها وتجي تتمرن معك فا تسوي نفسك مشغول بجوالك فا تقوم تكتب تغريدة؟ هذي هي

حضرت محاضرة عن بعد بدل صديقتي لأن عندها تسميع منظومة وأنا حافظتها، لما عطتني الدكتورة مطلع القصيدة قلت لا هذي مو جزئية نورة قالت ليه انتي مين؟ قلت أنا هي ( أعتذر عن ردائة النكتة بس طلع شكلي زي الولد اللي يكلم اخوه ويقول أنا أمي... مجددًا أعتذر عن ردائة النكتة)

ان شاءالله بسوي جمعية توعوية اسمها عادي لو ماشبعت نوم عادي تصيح قدام الناس وعادي تضربهم

دقيت على امي اسولف عليها وهي برا بالبيت قالت زين سلميني على نفسك اتوقع زي بشري امك بس هي امي

فتحت قوقل وتلقائي كتبت صحيت شكلي مرة ودي أسولف مع أحد

تقدرون تفهمون حالتي أو " ضعف نظري عادي" لما دخلت عطارة وقلت الله كيوت ابغى من هذا اللي مكتوب عليه حالة حُب قالي قصدك حلبة حب؟

اكبر عقلي بكل أمور الدنيا لكن لاتقنعني بأن الشخص اللي اناااااا يهمني أمره مايقصدني بكل تصرفاته وكلامه وشلون يعني يتكلم عن ميسي لا هو يقصدني أنا من منظور دراماتيكي والله يقصدني

ترى أكبر مشكلة ان حسابكم ينعرف على المستوى العائلي حرمت نفسي من النزول للعشاء عشان خالي مايشوفني ويغصبني انزل إعلان عن ناقته الشقحاء فيها وسم هلال بفخذها مفقودة بشمال الرياض وأنا مفهمتكم اني ماعرف من الحيوانات الا القطوه

أميرة تستهبلين يا اميره؟ واضح يقصدك! ميسي اول حرف من اسمه وش؟ ميم انتي وش اسمك؟ اميرة بس يدلعك مرمر يعني حرف الميم ميسي كم رقمه؟ ١٠ وانتي كم تقييمك؟ ١٠/١٠ سهلة

عجبتني

شلون الواحد ينشر خبر ان اليوم ميلاده بدون لا يحس انه مراهق بس بنفس الوقت وده يحس انه محبوب

خدمتني أختي وحلفت أكتب بالحناء على يدي نورة وعيالها ماعجبتني الخدمة وأضطريت أسبقها بـلأ عشان تصير لأ لنورة وعيالها سبحان الله ماحرمه ربي إلا لحكمه ولا كان كل جسمي لالالالالا