لأن الكوكب الموجود قذر لأن الجبن لا يعني الحذر بقيت على عكس كل الناس هنا وعكس ما قولتلي مش منتظر.. #الطحان

عمّال أحبك وانت توصفني عمّال أخبي وانت تكشفني وأما أتظلم من نفسي تنصفني لكن لمّا أتظلم منك وأتحدف لبعيد في إيد تانية حنيّنة تلقفني؟! #الطحان

الكدب هو براعِة التأليف و الحب هو براعِة التكتيف و الشِعْر هو براعِة التوظيف و العمر هو براعِة التكرار العلم .. هو العلم بالأزمة الجهل هو شعورنا بالعظمة فيه أي معنى لكل دا أو لازمة؟ ولا مجرد ليل ف ديله نهار؟ #الطحان

تعبان.. كإن الكون بتُقلُه بكل حكاياته وزعله واقع على كتافي.. #الطحان

الضعف: إن حد يوحشك وتبقى مش عارف تطوله الجُبن: إنك تفضل عالرصيف الليل بطوله، مش عارف تعدي الوحدة: إنك متلاقيش في الجريمة شريك الحب: لا تأذيها ولا تأذيك الخوف: جاردن سيتي اللي مبيقومشي فيها آدان الفجر والهجر: هجر #الطحان

حَبّة روايح م العلاقات القديمة بتنُط من فوق أسوار البلكونات بيودّعوا بعض بمرارة الهزيمة لأ.. بيودّعوا بعض بحرارة التليفونات وأنا وانتي في وسط المدينة مقبوض علينا.. بتهمة المَشي إتنينات #الطحان

ياريت كان ليها حسبة أو شاهد أو طريقة ياريت كان لينا نسبة من نوايانا البريئة ياريت كان فيه حقيقة واحدة.. عليها اتفاق والدنيا مش حريقة والعالم مش سباق.. #أحمد_الطحان

وبعد الرقص والمغنى وهوجة زحمة الأصوات هنرجع بيتنا بدماغنا ونفتكر اللي سابنا ومات أنا طبعي حبيب الناي عشان فاكر ومش نساي أسيب الناس ل ليه وإزاي وأدندن غنوة الكيتكات #الطحان

الفضفضة ل ساعة الحيطة أنضف كتير م الفضفضة مع حد.. بس هتعمل إيه بقى في خوفنا وفي احتياجنا المجهول لبعض! #الطحان

تسعة و تسعين ف المية أمان.. قليّل واحد ف المية خوف.. كتير #الطحان

متأخرة زي الفلوس اللي تيجي بعد سد الدين زي فكرة عبقرية تحل موقف صعب عدى من سنين زي أما تفتكري الإجابة بعد لم الورق زي أما تفتكري الشهادة بعد بدْء الغرق زي رصف الطرق.. بعد موت حبيبين #الطحان

الوداع يا جَميل كان حضورك مُلفِت زَيّ عِطر باريسي كان وجودَك فارق دور قوي ورئيسي صَعب نِلْقَى بديل #الطحان #أنس_الشريف

قلقان كأن الآن بقى امبارح وأنا ناسي قلقان كأن الآن بقى بعدين حزين قاسي قلقان كأن الآن دا هُوَّ بجد إحساسي. #الطحان

الطريقة إنك تلاقي طريق تمشي فيه لوحدك بلا ولا شيء صعب تخسر شيء مَهوش موجود أو تحاسب حد ع المفروض أو تجامِل ولا تتجامِل. #الطحان

بتقيس حقيقتك بالهروب منها، وتقيس غلاوتك عند ناس كدابة #الطحان

أول ما تسمع لحن مبنرضاش قول للمغني وانتَ إمتي رضيت قول ل اللي عايز يطردك ف الشارع مابقتش أحن لحاجة جوة البيت لن تستفيدي من فتى ضايع لن يستكين قلبي إذا غنيت وبلاش تقولي إني مش سامع سامع وده معناه بإني بكيت #الطحان