شاعر حلوة الجوف

نجم السمرين لقب ب( #شاعر_حلوة_الجوف ) لحصوله على المركز الأول بالمسابقة التي أطلقهامهرجان تمور الجوف السادس تحت شعار ربيع الجوف بحلوتها برعاية سمو أمير الجوف حفظه الله ويتنافس على لقب شاعر حلوة الجوف أكثر من 33 شاعر وشاعرة من عدة مناطق في المملكه. نجم السمرين

فاتنتـني بالغمـوض وبالصـراحـه وبْ دلعها والكـلام وسلسبيله طفلة ٍ غلطاتها عندي مباحه جنة ٍ تبرى بها النفس القتيله مستبيحه خافـق ٍمَحْد استباحه بالجمال / وبالخصال / وبالقبيله #نجم_السمرين رابط القصيده على قناتي باليوتيوب youtu.be/c4SlttHRIwQ

لاتنحني للورد يااحلى من الورد أغار لو لآمس شذا أطراف كمك أخاف يلعب لعبة الكف بالنرد لامالت غصونك تمايل وضمك #نجم_السمرين youtu.be/d5XykPqLBik

ياسعود لاتنشد عن الحال وش حاش والروح تدري وش سبايب عطشها لاقلت زان الحال في داخله هاش ذكرى تتل الروح من غير مشهى/ا تقول ينهش خافقي طلقة كلاش على الذي اغلى من الكون واشهى/ا #نجم_السمرين youtu.be/XRkvvfu73Gs

ياشاري الدنيا على الدين بالهون والله فلا تسوى ورى الموت ذره يشقى بها بْنادم وتاليه مدفون القبر داره / واللحد مستقره #نجم_السمرين youtu.be/GOBKyAYbdAk

صباح الشعر وسطور الكتابه وهمسات الحنين اللـي تشابه سلامـة روحـك وتسلـم عيـونـك ويسلـم نـبـض خفَّـاقـك ومـابـه #نجم_السمرين youtu.be/ztjv9-PJiaM

تسقي شجوني لاظمت وارقى بها حد السما ياوين ابالقى عن مكامن حبهَّا درب وخـراج ياجعل عين الشر لو تقرب حماهـا للعمـا وابسط ظروف الوقت ماتنزع لبسمتها مزاج #نجم_السمرين youtu.be/aGeKW6tsJRw

دسمةمعاني والشحم فوقهاكوم والله مايهضمها ضعيف الشرايين منهايعاف النوم ان كان به نوم من فوق صدره مثل حدالسكاكين #نجم_السمرين youtu.be/7KAnkQLAx9A

سامح الله ياحبيبه هالنصيب كم حرمنا بالزمن حلو المذاق وسامح الله قلبي اللي مستصيب لاتذكر صورتك هالحب فاق من غرامك بالزمن عيّا يطيب حامل ٍ حزنه مثل حزن العراق #نجم_السمرين

ماتاقف الدنيا على حالها لو نظن بيبان الحياه ا/مْغلوقه اليوم له جوَّه وباكر معه جو والرزق رزاق الخلايق يسوقه مافيه ليل ٍ مايبي يعقبه ضو لوطال في بعض الليالي شْروقه #نجم_السمرين

الشاعر اللي في ميادين الشعر حسبة عقيد هذاك من عذر البيوت ان لاعبتْه وحيّته بيتين منَّه من على هام الشعر لابان حيد يسون بيوت المازني والشنفرى ولاميّته #نجم_السمرين

لو يدري القزاز عن ريح عطرك اللي من الله في جسدْك وخلاياك يمدي زهم عبدالصمد عل يدرك تركيبة العطر الذي ربك اعطاك لافاح منك باللقاء فوق صدرك يفتح بخفاق الشعر كم شباك #نجم_السمرين

يامساء الاحساس ياعذب الشعور المآسي والكلام اللي بدى في مبسمك له بشه فيه من شوقي عليك ولهفة ٍبانفاسي والهيام اللي علي بين الضلوع اتخشه مايخلي كل ضلع بْداخلك متواسي لبن اجي مع باب قلبك افتحه وادشه جعل يفداك الشعور اللي يمر احساسي لاعذب بيوت القصيد اللي عليك ارشه #نجم_السمرين

شيهانة ٍ ماقرنسوها العناتيت من طرح ابوها ماشبكها الحيالي اللي بطرح الطير مثل العفيريت يارد على الموت الحمر مايبالي سمية اللي في طوال السماريت في ماكر ٍ عن باقي الصيد عالي #نجم_السمرين

مدامك ملهمي يسعد صباح الصد والتقصير صباح البعد لاحرَّك حنين اعماقك اعماقي صباح ٍ تزهر اوراقه على غصن العتب نوِّيـر يبللها ندى همس القلوب وطيفـك الباقـي تمر بخير هالضيقه من الخاطـر تمـر بْخيـر تغيب الشمس ويغيب الحنين وتسكن اوراقي #نجم_السمرين

يهمك تعرفي وينه مكانك !! تعالي واسمعي من دون وينه يمين الله لولا عظم شانك بقلبي مثل ماانتي تخبرينه تركت الشعر لكني عشانك عشقته ياشذاه وياسمينه #نجم_السمرين

رفيقٍ يجي ويروح مبداه هو مبداه على منهج الوافين وكتابه كتابه ورفيقٍ عسى الخالق يعينه على بلواه ردي الروابع شايل السم في نابه على صاحبه ياما وياما شهر شلفاه اذا جاه هلّى به واذا راح يغتابه #نجم_السمرين

ياكبر حبي لها واللي خلقها اعلم الحمد له والثناء والفضل والمنّه طفله ومن حبها سميتها ( مريم ) سميّة اللي تحت رجلينها الجنه #نجم_السمرين

تبغى تعرف الغلا ويش آخر اوضاعه يوم المشاعر بوسط الروح مجتمعه قلّبت صفحة هجير الوقت من ساعه وذكرت ليلي معك ثم طاحت الدمعه #نجم_السمرين