أنا لا أعيش يومي ! أنا أنجو منه فقط …

مفتون بك كل المشاعر تناديك ياما نهيتها عيبٍ عليك توبي اجاهد هوى نفسٍ ميّته فيك اطلق سهام الود وترد صوبي

كشفت لك سر حبي وانتهيت بساعةٍ ماهي للاشواق مكتوبه يمكن قلتها لك مدري نسيت المهم اني مانويت لحبكم توبه

تعالي عانقي روحٍ ذابت بروحك عالجيها من حنانك تكفين ساعه تعبت ارجي وصالك وعز بوحك ما يعاف الدوا من زادت اوجاعه

تاقف بعيني حايره واشوفها بعينه وتبدا السوالف بيننا وحنا ساكتين اسرق النظره اشوفه يفرك يدينه واصد عنه ارقب عيون الحاضرين

دفنت سحرك وسط قلبي بيديني ونفضتها من حب غيرك وناديت أقسم جنون العشق بينك وبيني حرام أعاني وانت داري وصديت

جودي عليه بالوصل وش عاد ترجين مابقا بالعمر يابنت كثر اللي مضا يا وجودي وجد قلبٍ موجعه قلبين عشقهم خافي غصبٍ مابغوه برضا

متاهات صمتي حايره بعينك وصمتك يسولف علينا تناهيد سر السكوت اللي بيني وبينك ما يفهمه راعي الحب الجديد

عجزت انسى نظرتك كنك تنادين ندمت اني تركتك للظنون تحيّرك ابيك مير البلا مقسوم بين الاثنين اخاف احكي وخايفٍ صمتي يغيّرك

شفتها بعينك نظرة الحب ماتخيب علّقتها بعيني حافظٍ رسمة عيونك حارت بها عيني وانتبه وجهٍ غريب وبان الخجل بيننا ثم ارتكى دونك

جيتك من الشوق اسابق انفاسي وعيني تفز كل مالاح قبالها زول انهزم قبل اشوفك وينتصر ياسي ماعاد أقوى نظرة الوجد ياحول

أمنّيي بها نفسي وادري بها فوق مثل الحلم ماتجي يمي حقيقه يستاهلك قلبٍ تربى على الذوق يومه شبابٍ ليت جيتي بطريقه

يطيب الوقت وانا سارح بذكراك ويهجّ البال واردّه يمكم و أتليه ليت الزمن وقف في بابهم ذاك يومه يوادعني وأحلف أني أجيه

راحت ياليتها طلّت داخل الروح وشافت ضيقةٍ لايجه فيني وغصه وحلمٍ غريب و سر عيت به تبوح وقلبٍ قسمته للعنا نص ولها نصه

ترسي عيوني في لحظ عينك ثواني وتبحر بعيدٍ كل ماجت منك نظره دامك بحر ليه انتظر بين المواني خلني اغرق في مبسمك واموت مره

حارب ترا الدنيا مافيها استراحه

مستغربه وامر الهوى كله غريب ماجت على نظرة عيوني ياغريبه يخطيك سهم عنقا بوجهٍ رهيب وتذبحك نظرة حيا بعيون أديبه

طلّت كما بدرٍ رمى عن وجهه سحابه قالت سلام ولها سلمت نفسي اسير وشلون قلبك عسى ما تجدد صوابه وأقول أنا طيّب وانا والله ماني بخير

ذاك الشعور اللي مدري كآبه وإلا طواري هواجيسٍ مريره شعور اللي تايهٍ تملاه الغرابه حايرٍ ياقف وإلا يكمل مسيره