انت حبّك لاعبٍ بي وانت شايف انت وحدك فــي معاليقي تجوّل ما تلفّت يــم غيــــــــرك للعفايف وانت وحدك تامرن وانت المخوّل #العنيد

ماهـي بعاديّـــه وانا انسان لمّاح ولا كــل زولٍ تلتفت فيــه عيني بس الذي عطره اليامن علي فاح تريّحتْ روحـــي وزانــت سنيني #العنيد_مساكم_جميل 🌹

تمادي على قلبي وانا شاكر وممنون تمشّي بوسط الجوف في مشيك الهادي يا اجمل واغلى بنت توجد بهذا الكون سكنتي بوسط الروح وحبك ماهو عادي انا الهايم المغرم وفي حضرتك مفتون وانا ليلة البارح تقهويت ميعادي ومادامني يابنت في حكمتك مرهون دخيلك مـن الايام وغيــاب وإبعادي #العنيد

حتى الحروف الساميه من معاليك كنّه توزع في فوادي زهرها مثل الذهب بكتابته من اياديك اضمها لجوفي وحيل نغمرها ياغيمةٍ تبرق وعيني تراعيك لكن لسى ما سقتنا مطرها ياليت لو تدرين بالصدر حاويك يانور عيني يامسرة نظرها اطلب عسى ربي لعيني يخليك وايام بعدك ما نمر بكدرها #العنيد

بعض البشر حبه جرى مع الوريد عطر الحيـــــاة ونورها وازهارها يبسط مزاجك لا بداء يومٍ جديد شمسٍ تزيح عن الخدود ستارها واخر كلام المعتمد وايضا الأكيد مصافحة كفّه وشـــوف سوارها #العنيد #صباحكم_جميل

فارق حضـورك وكثر الزين سلطانك وحتى الكراسي اليا جيتي يعشقنّك #العنيد

عطني ولو جزءً قليلاً من الوقت حتى همومي من فوادي تبدّد ماتشوفني بأمواج حبك تعمقت ومن موجك العاتي غريقٍ مهدد اذهلتني بالزين والروح طوقت وعن حب غيرك مقفيٍ واتصدد انت الوحيد اللي لشوفك تشوّقت مجتاحني شوقي ولاهو محدّد ولازرت لفتارك لو شوي روقت حتى السعادة في فوادي تجدّد #العنيد

جليله في حضورك وبغيابك على رغم القسى نبقى نجلّك ولو وقتك عن عيوني غدابك اشـوفك جالسه بالقلــب كلّك #العنيد #خاطرة_اواخر_ليل

انتي اللي بحتك تاخذن لآخر مجال كيف صوتك يدخل القلب ثمٍ يحتويه كنّه ايقول اترك الهم واقبل لي تعال وابشر بحلو السوالف وهرجٍ مشتهيه كنّي اشرب بحتك من مباهير الدلال دلةٍ مــن بحتك كيــــف معزومٍ عليه ياملاكٍ مُذهله فـي حضوره والجمال ارفقي فــي مُغرمك بالغلا لا تذبحيه #العنيد

وينك ما اشوفك يا بعد كل مخلوق ما لاح بارق مــــــــن بوارق جبينك يا غايــة الأحلام يا منتـــهى الذوق مشاعري فــــي حال وتقــول وينك يا ام الجديل اللي عـن الخد مفهوق مشتاق لمحياك ورمـــــــوش عينك #العنيد

‏الـعـنـALANEEDـيـد (💛💙) (حايل) صح بدنك اخوي الغالي العنيد وماعليك زود

‏الـعـنـALANEEDـيـد (💛💙) (حايل) أبواب صح بدنك وسلمت ودمت اخوي الغالي العنيد لاعدمتك 🙏

‏الـعـنـALANEEDـيـد (💛💙) (حايل) الله يسعدك من سمو روحك ورقيك🌹❤️🌹