بنت بدوٍ ما تلدّ عيونها إلا في صورها والمطر والغيم والنسناس والنار الشبوبه كل صبحٍ ما بدت شمسه تعلّق في نحرها وكل ليلٍ ما تلحّف عطرها تبرد هبوبه إن بكت وش يمنع الدنيا تلقّينا — ظهرها وإن رضت وش يقنع السبع البحور من العذوبه

لو تعرفين شكثر أحبك ... بكيتي عن كل يوم فيه ما كنت أحبك ولو تلمسين أشواق قلبي نسيتي أمك وأبوك ولولا الإيمان ربك ولو تلمسين أوراق شعري سميتي عن كل شخص بالبسيطه يسبك مره جبرتي خاطري وانتحيتي ومن يومها مملوك طيبك وطبك

أحبك حسبي الله ليت مالك في سماي بروج ولا لك في البسيطه كوّد شيءٍ بينك وبيني دخيلك لا تلفت رح بفالك وأترك المرجوج تغانم مابقى لك ولا أنا ؟ ماعاد يمديني فمان الله سق ركبك على درب السنين العوج ولكن طالبك لا أقفيت عني ؟ لاتخليني ضيدان بن قضعان

تطري لي الذكريات اللي ماتطري عليك لو كان تطري عليك امداك ترجع علي .

غمّضت عين العقل وأعميت عين الصواب وجيتك بنفسي .. وانا نفسي على طيشها من قلب زعلّك الدنيا و شاف العذاب مادام شفتك حياتي .. خلني أعيشها !

العمر مع جنابك والعمر معك مامله الايام ساعتها تسابق دقايقها لي قلب واحد وانت من جيت محتله معك ذقت لذات الغلا وانت ذايقها تحدت مراحل خلن يموت في خله انا ادمنت بك حتى العذاريب عاشقها

لك قدر في قلبي احبك واغليك ذكراك في بالي تجي كل ليله .

اشوف السفر ما بين فترة وفترة زين انا بحاجة غياب اتفحص به اشواقي تراودني الضيقه لها حروة اسبوعين وتأثيرها واضح علي وعلى اخلاقي

سرحت بخيالي فيك وأسهبت فالتفكير وطلعت كل اللي .. مخبى ، ورى صدري " ماتمنعني ، حدود المسافه عن التعبير أنا توي مسولف معك .. وأنت ما تدري

أنا أغليك من بدأ الغنادير يامغرور اسوق الخطاوي كل ابوها على شانك أقدرك واحبك ولا جاك مني قصور ولا شفت منك غير صدك وهجرانك

إذخريني للمقادير وعجاف السنين والظروف اللي هبوب الزمان تهبها واطلبي مني و البّي وش اللي تطلبين لو تبين … ازل روحي غلا و اصبها شاعرك قدام حسنك من الفتنه يلين ياخذ من ضلوع صدره حطب ويشبها

قلت علم الرسام لايتعب يدينه وعلم المرسوم ماله فيه حاجه طاح في موقف عسى ربي يعينه وحاول يخبي عن الناس انزعاجه مستحيل يجيب خشمه كيف عينه ابتلش عاده يبي يرسم حجاجه

تبسّم لعنبو من لامني في ضحكتك ورضاك تبسّم واخذني من عالمي في عالمٍ ثاني   تبسّم لي فداك اللي مضى واللي بقى يفداك ترى لولا غلاك وضحتك مابعت خلاني. ضيدان بن قضعان

انتي من اللّٰه وهبّه من عطا والديك جيتي حياتي وانا فيها شعور دمويّ اسامنتك الجوارح عقب ماني دريك والله مايفرح بي المقبل ولا المنتوي وانا عصي على غيرك لكن ماعصيتك شفني محاضيك حضونخيل عند قروي

مالي غناة عنك يامال الغنـاه انت الحياة اللي اهيم بحبهـا طيفك يحاصرني من كل اتجاه ياجمل مواضيع القصيد ولبّهـا شفهم لا قالو تحب الحيـاة اتخيلك واقول اي والله احبها

من كثر ماني على حياتك ــ أخاف ودي لو أعطيك من عُمري عمر للأخير كثير أشياء ما هي لازم تصير وتشاف إلا ابتسامة شفاتك لازم إنها تصير خذني معك أرتوي خذني معك للجفاف أنا معك مستعد أواجه أقسى مصير تعيش في قلبي الأول من أول طواف ويا جعلك تعيش به لين الوداع الأخير

عسى ترضي غرورك غيبتي كان الغلا ما أرضاك و أنا لا طاب قلبي .. خطوتي ماهي بـ تعصاني لا يضنيك الحنين - و لا تعنّي فالسراب خطاك ترى اللي جابني لك ؛ نفسه اللي عنك وداني و لا أنت أسف على فرقاي و لا أسف على فرقاك تساهلنا الجفا — لين إنجرح كلٍ من الثاني .

«مطيح المطر بالأرض يشبه مطيح خطاك على جرف جفني يا مطر ناظري مري أحبك وأقول إني أحبك ولا يخفاك أنا المعجب المعلن وأنا المعجب السري»

أبيات سعد علوش: يجيب السفر طاريك يا حي ذا الطاري وأنا بين تغميض العيون ومدامعها غريب السفر والأغرب إحساسه الناري يا كم ناس فرقها وكم ناس جمعها أحبك واذا ما كنت داري انا داري انا كل يوم اقولها لو ما تسمعها

مدام انا وانتي على الارض حيين يا سعد عينج لو بكيتي شوية والله لا أنسيج الزعل لين ترضين وأمهد لج الدنيا فجوج فضيه و أحماج مثل حماية الجفن للعين و كلشي فداش أليّا بغيتي شريّه 🤍 .