نفسي ارتبط ب بنت واحد غني وابوها يقولي تاخد كام وتبعد عن بنتي .

الحب رزق .. محدش هياخد قلب حد بالعافية !

الدعم النفسي ف الأوقات الصعبة عمره ما بيتنسي .

الموقف هيعدي ، بس مش هيتنسي .

انا مبعرفش أنسى الكلام اللي اتقالي من الناس وقت عصبيتهم ونرفزتهم معايا بحس إن دي الحقيقة المستخبية ف قلوبهم من ناحيتي والله .

أوقات بستغرب هو ازاي مفيش حد ملاحظ اني مش كويس ؟!

اكتشفت إني لازم اعمل اللي يريحني لإن محدش هيفكر إني جيت ع نفسي عشانه الكل بينسى .

الكلمة الحلوة لو مكانتش بتفرق وتجبر الخواطر مكانش ربنا خلاها صدقة .

في فرق بين إني اتغيرت عليك ، وبين إنك غيرتني عليك .

كنت الأول مبحبش اتفهم غلط خالص ولازم أدي مبرر لكل حاجة دلوقتي أنت صح ونا فعلا نموذج حقير واطفي النور واقفل الباب وراك وسيبوني انام .

المعاملة بالمثل تغنيك عن ألف عتاب .

خليك ديما مستغنى بنفسك ، ومتسألش حد ليه غاب عنك ولا تعاتب حد ليه مش مهتم بيك ، وخليك فاهم ديما إن كل شخص بيتعامل معاك ع حسب مكانتك عنده ، ومشاعره ناحيتك فا عشان كده خليك مع حالك أحسن ترتاح من الدنيا واللي فيها .

محدش هيفهمك أو حتي هيهتم لكلامك. فلا تشكو للناس جرحاً أنت صاحبه لا يؤلم الجرح إلا من به ألمٌ

اتعلم تكون بارد ومتخافش ع زعل حد عشان لما انت زعلت محدش خاف ع زعلك🤞🏼.

اللي جاي مبقاش يخوف أصل هيحصلي اي اكتر من كده هيطلعلي تنين !!

محدش هيشيل شيلتك ولا هيحس بوجعك كل اللي هيعرف إن عندك مشكلة هيقولك إن هو كمان زيك والدنيا كلها مشاكل وهيعلي عليك بكل الطرق عشان يقلل من شيلتك وأزمتك هتفضل تافهة ف عين الشخص اللي ممرش بيها عشان كده مينفعش الواحد يبين ضعفه قدام حد . اجمد كدا وشيل شيلتك لوحدك .

وبقينا بنبتسم للكلام الحلو بس مبنصدقهوش ..

ف الأول هتلاقي كلام حلو ، هتلاقي قبول لشخصيتك رغم كل عيوبك ، بس عارف الصدمة الكبيرة فين ! إنك بعد ما تكسر حواجز جواك وتقرب وتتعود ، كل ده يتغير ف لمح البصر ، وترجع تقول يارتني ما قربت .

الانسان مش محتاج يكون كويس قد ما محتاج إنه يلاقي حد يبقى معاه وهو مش كويس ومتقبله عادي ..