Sincerely and passionately.

﴿وَأَشْرَقَتِ الأرْضُ بِنُورِ رَبِّهَا﴾

بحب اللقطة اللي بعدها كل حاجة بتبدا تبقي منطقية ف حياتك

كلمة " حقك عليا " اللي بتتقال ف ثانيتين دي لما بتيجي ف عز الزعل والخناق بتبقى احسن مليون مرة من ألف اعتذار يجي متأخر لأنها بتطيب الخاطر ف وقته وبتطفي نار الخلاف مهما كان كبير ، عشان كدا اهم حاجه تدور عليها ف شريك حياتك هي انه يكون حنين وبيعرف يعتذر ويراضيك وميسيبكش تهدا مع نفسك .

الناس فكراني عايشة فى ماية البطيخ، بس الحقيقة إني بلاحظ وباخد بالي من كل حاجة وكل كلمة بتتقال وبعرف كويس مين بيحبني بجد ومين لأ ومين بيشغل دماغه عليا وكل حاجة تتخيلها علشان طبيعي كله بيبان مهما حاولتوا تبينوا العكس بس بصراحة بحب اعمل نفسي عبيطة

والحاجات اللي ضاعت؟ {عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ}

جرب كده تعيش في الدنيا متختارش .. تسعى بس متختارش . تدعي بس متختارش الراحة انك متختارش (وَرَبُّكَ يَخْلُقُ مَا يَشَاءُ وَيَخْتَارُ ۗ مَا كَانَ لَهُمُ الْخِيَرَةُ ۚ)

انا كمان كنت داخلة انام وافتكرت اني عمري في حياتي ما حد اداني فلوس المعادلة وقالي اتصرف ازاي

ساعه ربنا مظبوطه متبصش ف ساعتك كتير و تستعجل الوقت عشان كل شئ تحت السماء ليه وقته

الحقيقه إن الواحد مبقاش عايز غير إن رينا يغفر ذنبّه ويدخل الجنة

احساس انك عملت اللي عليك للآخر بيريح مهما كانت النتيجة

أقسم بالله قرفان بس هعمل إيه يعني مانا اللي جبته لنفسي

بدعي ربنا أنه يخليني أمشي في طريقي مستهلكش أي طاقه في أي مكان مش بتاعي يارب كل مجهودي وكل طاقتي تكون في المكان الصح

One day InSha’Allah

جوايا زي بصيص امل انها هتفرج بشكل لا اتوقعه معنديش فكرة ازاي بس حاسس ان كل حاجة هتتعدل من حيث لا أدري

ربنا كان قادر ينزل الرطب للسيده مريم. لكن قالها **وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا** المسألة مش انها هتقدر تهز النخله دي اصلا كانت تعبانه و لكن الفكره هي السعي و الأخذ بالأسباب و ربنا برضه هو اللي ينزلها الرطب المستوي جاهز

بحب أوي الآيه بتاعة " فصبر جميل عسى الله أن يأتيني بهم جميعاً " ، لما بحس اني اتحرمت من حاجات كتير في حياتي و محققتش حاجات كتير نفسي احققها بتيجي الآيه دي قدام عيني بحسها بتطيب خاطري و تطبطب على قلبي من جمالها ، يارب حققلي الآيه دي في أيامي و حياتي .

اطلبوا الحاجات بعزة الأنفُس، فإنّ قضاءها بيد الله. - علي بـن أبي طالب