أي سفن اللي رايحة تقتل شعب غزة واليمن.. جنسياتها إيه يعني؟! على فكرة المسافة بين غزة والقناة هي عرض سيناء، والحوثيون في اليمن يطلقون صواريخ لا تصل لإسرائيل ولا أحد يقتلهم. وهذا للعلم فقط.

مين قال كده ياسالي؟! هو إنتِ يعني علشان سبه العفاريت.. يبقى كل الستات فقدوا أنوثتهم! بقى ده كلام ياسوسو!

ومين قال إنه مش بيفكر! العبور مقابل البقاء.. زي النفط مقابل الغذا كده.

قضية التحرش بطفل في إحدى مدارس البحيرة، قضية أخلاقية بلاش تدخلوها في سكة الدين مش سكتها خالص المُتحرش لا دين له

كذاب.. والتصريح تمهيد للصيف القادم.

ما تشتريش أُضحية بالتقسيط إذا لم يكُن لديك فائضًا فأنت لست مُكلفًا ولا معنيًا بها الأُضحية سُنّة مؤكدة للقادرين فقط

الأوقاف لا حرج إذا ذبحت المرأة الأُضحية طيب بس مش لما نجيب الأُضحية الأول نبقى نشوف مين اللي حيدبح

الإفتاء "يجوز اشتراك المسيحي مع المسلم في الأضحية" ولماذا يشارك المسيحي في طقس ليس من طقوس دينه.. إنتو مجانين؟!

متصل يسأل الشيخ هل تُجزِئ الأُضحية عن أهل البيت جميعا أومال يعني كل عيل من العيال حي/دبح ولا إيه إنتو بتجيبوا الأسئلة دي منين طيب والنعمة دي أسئلة حشاشين واللي سأل السؤال ده هو اللي لازم يت/دبح. والشيخ بدل ما يقول له عيب اختش بلاش تفاهة وقلة عقل بياخد الحكاية جد ويجاوب على السؤال

الإفتاء "يجوز اشتراك المسيحي مع المسلم في الأضحية"! بدلًا من هذه الفتوى الغريبة، كان أولى أن تقول "الإفتاء" إن توزيع جزء من الأضحية على فقراء المسيحيين أولى وأوجب. الفقر ما لهوش دين.

نعيشُ مهانة أنه يعيشُ معنا

بيقولي: بس أنا أخدت رأيه وقالي كلام تاني خالص قلت له: حد برضه ياخد رأي واحد بيدوس على أنبوبة معجون الأسنان من فوق!

أرجوك إوعى تفقد الأمل، الأمل مفقود لوحده ما تبقاش إنت والدنيا على نفسك حرام عليك

إنت لو حسبتها دخل ومصروف، حتلاقي نفسك عايش بالبركة مش بفلوسك بركة الحلال بقى ولا بركة دعا والديك.. المهم إنها بركة وخلاص

بيقولي تصدق الجنيه الدهب وصل لـ 38 ألف جنيه! قلت له: طيب تصدق إنت إن أيام مبارك كان طارق علام بيوزعه في الشارع

نحن في مصر لا نعرف عن إدارة الأزمات غير إنه لما تحصل أزمة نعمل "Search" ونشوفها حصلت فين قبل كده ونقول عادي بتحصل يعني

تقوله الحاجة غالية ومش قادرين نجيبها يقولك بس موجودة عبيط ده ولا بيستعبط!

مش قادر أفهم ولا أستسيغ أبدا أن يضع أحد، رجلا كان أو امرأة، صورة غير صورته الحقيقية على موقع هو في الأساس للتواصل مع الآخرين!

اسمعها مني.. لولقيت نفسك مبهُور بحد تأكد إنك معرفتهوش كويس البشر عمومًا مش مُبهرين أبدًا على فكرة

بيقولي: هو إنت مش برضه ساعات بتلاقي نفسك قرفان ومتضايق ومش طايق تبص في وش حد وساعات ليه.. ده على طول وحياتك