«مَن لم يقرأ حلَّت به لعنةُ الاكتفاء بهذه الحياة» —خيسوس مارتشامالو غارثيا

إيه الجون ده 🤩🤩🤩

في تويتة عجيبة كده منتشرة من واحدة اختفت والناس بتسأل عليها ، فهي غضبانة فشخ وطالعة تدي الناس درس في الأخلاق على اساس : ازاي زوجي قرة عيني يلاقي تويتات ناس بتسأل عليا !!! طب نقف على دماغنا يمكن نفهم بعض ؟!! حد اختفى والناس بتسأل فين فلان أو فلانة فلإجابة تبقى عيب مايصحش كده؟!!!

كنت بحضر لكتاب عن القراءة عنوانه «القراءة في الضياء» كمقابل لكتابي «الكتابة في الظلام» عن الكتابة.. إيه رأيكم يبقى عنوان القراءة في الضياء هو عنوان لمبادرة القراءة المنهجية؟ خلصت انتقاء كتب تاريخ خلاص.. كدة تقريبا المرحلة الأولى اكتملت تقريبا.

السنة دي كانت أقل سنة لي في الكتابة من وقت ما بدأت في 2017، وللموضوع عدة أسباب أهمها الضغوط الحياتية، ودي أكتر حاجة معادية للكتابة وأي عمل إبداعي. حاليا بحاول أخلص الكتاب اللي شغال عليه عشان أحس بالإنجاز، بس الإنجاز الحقيقي اللي حصل فعلا هو موضوع إقبال الناس على مبادرة القراءة😍.

لما هنبدأ بإذن الله، هتبقى كتب تعريفية بشكل ما لمجالاتها بأسلوب سهل، للمعرفة العامة وتكوين تصور وفكرة عن المجالات المختلفة زي الفلسفة والعلوم، والتاريخ.. بعد ما نحول الموضوع لعادة، هنخلي المنهجية مركزة أكتر زي حقت تاريخية في التاريخ، وفلسفات محددة، أنواع أدبية معينة، وهكذا...

هطلع الكاميرا والكروما، وهبدأ أشوف هعرض الموضوع ازاي، ولما الفيديو اللي فيه الكلام عن المبادرة والمنهجية اللي هنتبعها ينزل، هنبدأ على طول، بحيث بنبقى ختمنا السنة، وبدأنا الجديدة بعادة مختلفة كفيلة انها تطور طريقة تفكيرنا ونظرتنا للأمور. شكرا لكل الناس اللي شجعت الموضوع.

📸 صورة ملونة ومُعاد ترميمها لمدينة الإسكندرية عام 1930م تُظهر الصورة تجانس مستوى البناء في مختلف الأحياء، مع رؤية واضحة ومفتوحة للبحر.

الاحترام يكتسب بالشخصية والأخلاق، لا باللبس ولا بالشكل ولا حتى بالسن.. الاحترام عملية متبادلة، هتحترمني هحترمك، والعكس. انما حد يفتكر انه عشان اتولد بدري شوية يديله امتياز واستحقاقية، فده قلة عقل فكرة منحطة. انت حر طالما لم تتسبب بأذى للناس أو الكائنات أو الممتلكات. بديهيات حياة.

في شيء كدة معرفش مين ضحك عليه فهمه ان الرسومات الحقيرة اللي ميرسمهاش طفل لسة بيتعلم يمسك قلم دي كاريكاتير.. والأدهي انه بيحط عليها أحط وأحقر الأفكار الممكنة. شيء مقزز ومدعاة للخجل والله. نفس حالة مدعي المشيخة المطرود، صاحب حركة سرسجة الدين وتحويله من القداسة للانهيار الأخلاقي.

دقيقة لو سمحتم وياريت ريتويت في عامل في مستشفي عند دكتور صديقي مراته بتحتاج كل ٣ شهور ادوية تكلفتها حوالي ٦٥٠٠ جنية فياريت لو حد حابب يساهم ف الخير دا يبعتلي اوصله بيه واقوله يساهم ازاي بأي مبلغ مهما كان بسيط شكرا وربنا يجازي الجميع كل خير

مواقف كتير بتحصل بتبقى كاشفة جدا.. والمواقف الحياتية عندنا بتكشف عن انهيار حقيقي وحاد للمجتمع وفكره وأخلاقه. الأفكار الرجعية المتخلفة هي السائدة بين الناس، تخلف فكري وأخلاقي مؤسف. كان في حالة تنويرية كادت تنجح في النصف الأول من القرن الماضي، ولكن اللي حصل حصل وحلت ردة عنيفة للخلف

في يوم من الأيام كانت الصحافة لها قدر كبير جدا من الاحترام والتقدير.. فضلت على الحال ده مدة طويلة، وفجأة تحولت للوضع المؤسف الحالي، وأخلاقيات المهنة مبقتش موجودة إلا عند قلة، وبقى الهدف ركوب الترند بأي أسلوب وأي طريقة، والتركيز على إثارة الجدل، بأسوأ صياغة، زي موضوع المترو كدة.

مبادرة القراءة المنهجية: المستوى الأول فئات خطة 2026 (حوالي 40 كتاب) - فلسفة - أدب - علوم - تاريخ - تراث - إقتصاد - سياسة - علم نفس الرحلة الملحمية عبر الممالك الثماني للمعرفة للبحث عنها والحصول عليها. (خيم الضباب على الأجواء، وبدت الرحلة مستحيلة، حتى لاحت في الأفق قمة معبد...)

حوار الشات بدل الدي إم ده موضوع سيء جدا.. لا بيفتح عدل، ولا بيجيب notifications ولا فاهم ليه اللي عملوه ده.. بالصدفة اكتشفت ناس كتير باعتين رسايل خلال الأسبوع كله، وطبعا فضلت أرد عليهم لأني مينفعش مردش.. ليه كدة يا علوان.. بطل تخريب في المنصة اللي حيلتنا

في انتظار رؤية نولان المجنون لواحدة من أعظم الملاحم الإنسانية عبر التاريخ.

المحاولة الأخيرة .. بسم الله الرحمن الرحيم إلى كل من مُسلم يرى هذه التغريدة ! البصر الذي تقرأ فيه التغريدة !! ( سيفقده ) الشاب الذي تراه في الفيديو ⬇️ مطلوب ( النشر ) لعلَّ جهة أو رجل أعمال يتكفّل بإنقاذ حُسام من العمى قبل فوات الاوان أنشر وغرّد لله في هاشتاق #انقذوا_بصر_حسام

شركة إدارة الأصول الثقافية والسينمائية المصرية فتحت قناة على يوتيوب عليها افلام مصرية كلاسيكية مرممة واللي أغلبها مازالت ملك مصر، في أفلام مرممة بنسخ كاملة غير محذوفة، كل يوم تقريبا بتنزل فيلم مصري نادر ودي النسخة المرممة من فيلم شئ من الخوف youtu.be/lGGu9hXE7-E?si…

معذرة لكل القراء المنتظرين، بس الرجوع لتصوير فيديو بعد فترة طويلة، وتظبيط الأجهزة والصوت بياخدوا وقت طويل شوية في الأول. غير كدة كل حاجة جاهزة، وأول قراءة هتخلص قبل آخر السنة عشان نختم ونبدأ بإنجاز بسيط يشجعنا، ويمكن تبقى نقطة انطلاق جديدة تغير حياتنا للأفضل. بالتوفيق لنا جميعا

من عجائب البشر، بعض الناس تعمل معاهم واجب بسيط يفضل شايلهولك العمر كله، وناس تعمل عشانهم كل حاجة وفي الآخر يجحدوا كل ده ومش بس كدة، لا كمان بيقولوا في ظهرك كلام عجيب. مهما افتكرت انك فاهم الناس، هتكتشف دايما انك غلطان، الموضوع لا بالقرابة ولا بالحب ولا غيرهم. اللي يعيش ياما يشوف.