@salm_almoot الراس شاب وخافقي مابعد شاب والقلب مع عمره تزايد حنينه ان كنت عود ولا لك بفتل الأشناب قلبي شبابٍ في بداية سنينه

دقايق مع ارباب القلم والقصيد العذب وطرائف زحول الشعر والكلمه الجزله تعادل سنين روحت بين شد وجذب على ظهور هجنٍ من شديد الدهر هزله 👏

من يقلب العالم بفكر وسياسه يستاهل القمه ويطلع على سهيل محمد إستاذ الدهاء والفراسه سيل طغى وغطى على هادر السيل غير مفاهيم الدول من اساسه وبدل عدانا بالمحبين تبديل عبيد المجارمي ،

الله اللي عزنا ما لأحد منّه

ماينفع الشاعر الا طيب تعبيره من يمدح اهل الهقاوي والردي زَتّه صديقك اللي تحب وبان تقصيره يترك قهاوي الشيوخ ويشرب المَتّه يمدح لعين الصلايب هافي السيره الجهل دينه وام ابليس والدّتّه عبيد الطوير ،

الفقد مُوجع والوجع هدّ حَيّلي والجرح نازف والزمن حدّ سكين قربت منك ابي لحملي تشيلي الدمع غاب وصار بالقلب جرحين جرحٍ الغياب المر ليله طويلي وجرح المحبه بعد فقد المحبين عبيد الطوير ،

أنور مالك

@515_jjjo اخلع عقال العرب ياوغد يابن المجوس يالجاهل المشرك الملعون خامس ثوى يجيك علم الحقيقة في نهار عبوس في حضرة ابليس والشيطان ضل وغوى في كتاب ربي عبر وايات تعطي دروس للعاقل اللي لعلم الحق قال ونوى وعن عرض خير البشر نشن حرب ضروس وندوس خشم الحقير التافه اللي عوى عبيد المجارمي ،

لاتكتم الجرح خل البوح بجروحك للخالق اللي يجازي طَيّب إحسانك مايبري الجرح سكينك ولا نوحك السمت سمٍ يغيض قلوب عدوانك عبيد الطوير ،

سافرت طياره ولالي جناحين ولو لي جناح اروح يمه زياره اللي دعيته للسفر قال بعدين مايدري ان الوقت دونه خساره اضحك وانا قلبي يعاني له سنين وادور حوله واتحرى مساره اتابعه واسال على وجهته وين ولو هو نجم رقيت له في مدارة عبيد الطوير ،

لاتعاتب الميت على شرهة الحي من مات قلبه مافهم وش تحاتي اخر دوا للمعضلة مِيسَم الكيّ طب الجروح الكايده يا غناتي عبيد المجارمي .

يامبدع الشعر في قوة تعابيره لامست الاحساس واشعارك تبكيني يعرفك حرف جماله في تصاويره ياشاله الناي هلي دمع ياعيني ويذكرك عاشق تعنى في مشاويره الجرح نازف وشعر الشوق يبريني عبيد ،

يطيب الرجل باربع : يده للكرم والشجاعه راسه للراي والمشوره والحكمه قلبه بالايمان والعقيده لسانه بالفصاحة وقوة الحجه ، من جمعها بتوفيق الله ، ختم المراجل واستحق الشيخه بين ربعه .

لو الرجوله بالمظاهر والاشناب كان الحمل روح وكلن يشيله بس الرجوله موقفٍ حيل غصاب ما ياقفه غير الرجال الثقيله عبيد المجارمي .

حنا بدو اصل العروبه والاسلام بسيوفنا سدنا على الفرس والروم وخيولنا صالت وجالت بكم عام حتى نصر دين النبي كل مظلوم واللي يعيش بعالم كله اوهام يضن نفسه من سلاطين وقروم يصحي على صدق الحقايق والارقام ترى البخت ما يدركه كل محروم

النفس تطلب صعيب ودوم محتاجه مايرضي النفس من يتبع حوايجها لهيبها مثل شعلة نار وهاجه تزداد مع كل جرمٍ به تعالجها وما تقهر النفس عند الحد والحاجه ويا تاهت النفس يبدي لك مخارجها الا بعقل نبيه ولابس تاجه يرفع هقاوي الكرامه ما يدحرجها

ياصاحبي وش لك بهرج المهابيل كلن على ماقيل عقله براسه ترى المهم انك تعيش التفاصيل راضي ومتسامح بذوق وكياسه ولا يشغلك هرجٍ من القال والقيل طبع البشر احيان خبث ونجاسه خلك مثل قطر الندى باخر الليل يروي عطاش القاع من قو باسه عبيد المجارمي ،