كل رجال ياخذ من اسمه نصيب و عز الله إنه ذيبٍ على اسمه يقول منصور العضيله في المحامي ذيب العضيله اثر الحميّا بنت عمّ المحاماه شاهدتها يا ابن صنيتان أمامي لو منت ذيبٍ فالمواقيف نلقاه ما قلتها يا ذيب… حامي بحامي طلعت من قوّ الوجاهه قوي جاه وطلعت من قوّ الحميّا محامي

انا لاضاق صدري منك علمتك وليش اخفيك لان الهرج لو يوجعك يمكن يبري العله تعلق في طرف زلاتنا لابارك الله فيك لان الطيب اللي طول عمره يدمح الزله

انتقل إلى رحمة الله خالي الشيخ صنهات بن علي الشيب رمز الكرم وأحد رواة تاريخ ميمون رحمه الله وغفر له وجعل مثواه الجنة نسأل الله أن يصبّرنا على فراقه وأن يجبر مصابنا فيه

الشاعر سهو الكرشمي يعد من أفضل شعراء في وقتنا الحالي ويشبه ابن جدلان ماهو فالشكل وبس في روحه الشعريه وتركيبة ابياته وعلى ماقال ابن جدلان رحمه الله : احلى مذاق الشعر سهله وعسره عسره على الابداع سهله ليا اوحيت

🔸مسابقة أهل الفصاحة🔸 🔹[المرحلة ماقبل الأخيرة ] - موضوع القصيدة ( أبيات في مهرجان الملك عبدالعزيز للإبل، وأثره على الإبل وأهلها ) لاتقل عن 10 أبيات ولاتزيد عن 15 بيت - تنطبق فقط على المتأهلين ال 5 الذي تم الإعلان عنهم مسبقاً 🔺 شروط المسابقة: - هاشتاق #مجلس_الصياهد -

لا اوميت مسباحي حذفت بشرّد بيوت القصيد وعلمت شعار التسول ويش معنى الموهبه شاعر وقبل أكون شاعر رجل وأهدافي بعيد وان قاله الله ما نرد القلب عن ما يطلبه أساير الدنيا وأشد العزم وأسهج كل بيد ولا أتحرى من عموم الناس عطف ولا هبه فيصل الشيب

شاعر لكن ماني بغاوي وعبّاد مال شيبٍ يشيب عيون القاف لا حافها لو أني أحيان ما ألقي للأبيات بال لكن شمسي ما يرضى الشعر مهيافها اطوع اللي تطوع لي سموع الرجال ما أداهن الناس ولا اصعد على أكتافها يارب لا شان وجه الوقت والحظ مال عفوك هو اللي يرجعها لـ محرافها فيصل الشيب

يا نجد مازال الرجا فيك معقود سليلة المجد و وريثة الأئمه من لاحفظ ودّك من البيض والسود جعله مراح مقيط وابوه وامه والله مايلحق عاصب الراي منقود دام العروق الخضر تنضح بدمّه من شاف ضلع طويق فالأرض موجود 🇸🇦 ماهوب شايف قمة ايڤرست قمه

هذا والله الشعر صح لسانك يا مزيد مزيد الوسمي 🇰🇼 🇸🇦

احب جو الصيف بالذات هو الوحيد اللي يطير عماسي انا اتقهوى فالشتاء عشر مرات وكل القهاوي عيت تجيب راسي

عمي ناير الشيب والله من هالشجاعة في هالراس والقصيد الجزل عسى الله يطول لنا في عمره

ماقال شب النار لـ ام العيالي ولا خدرته له دلته فوق قزه ناير الشيب

تحت رمش ليا صف سويت مغترة فيصل بادي الشيب

لا قالوا مرابطة قلنا سوى للأمام كلٍّ لا جت المواقف يعصب عمامته الدين حنّا دروعه لو غدينا حطام نموت دونه وتبقى عالية هامته والموت واحدٍ سوى في حربٍ ولا سلام والآدمي لا توفّى قامت قيامته لو نقضي الباقي من أعمارنا في الدوام ولا نفرّح علينا العالم الشامته عبدالعزيز فيحان الشيب

والناس مايدرون عن غيبتي ليه وان جيت ابرر غيبتي قاطعوني من كثر مافيها من الحزن والتيه يمكن بعد لو قلت ماصدقوني سلطان فيحان الشيب

ماكل شيءن تسمعه في محله ولا فكروا ربعي فهرج المهابيل حنا لنا في هامة المجد حله سولف بنا التاريخ جيلن على جيل يحبنا اللي طيب راسه جبله ويسبنا اللي مايعرف الرياجيل سلطان فيحان الشيب

الجادل اللي عينها تنطق البوح ان ضعت تراها سبايب ضياعي مذهول ومكبل وهايم ومذبوح وماعاد انا متوسد الا ذراعي كذبتها في مقطعن يسرق الروح قلت الحلا هذا ذكاء اصطناعي سلطان فيحان الشيب

الشعر ما هو داخلن في الهوايات ولا لو اعطيه اهتمامي تجليت من كثر مااتحسس من الشعر بالذات مااحب حتى ازيدك من الشعر بيت سلطان فيحان الشيب

ترا الزمان اقوى من اللي تشوفون مريت فيه وبدد الله خوفي وتراي رغم اللي تشوفون مديون ولا اتكسب من نوادر حروفي كتبت لي قصايدن لونها لون ومسحتها يوم اجبرتني ظروفي ولو ان في صرافتي ربع مليون مابعت جوالي ل خطر ضيوفي سلطان فيحان الشيب

البنت هاذي كن مافيها عيوب الا عطتك احساسها قم خبها مزيونتن تمشي وتلعب بالقلوب مافيه احد ما شافها الا حبها عنقا ولا تلبس من الرفعه كعوب هي كعبها عالي كذا من ربها سلطان فيحان الشيب