كُنت الأول لما أحب أهرب من زعلي أو أي حاجة وجعاني وخنقاني كنت بنام لحد م أنسي كان مالي ، وكان النوم ملجأي الوحيد لأي حاجة بس حالياً مبقاش ينفعني و مبقتش بعرف أنام ودايماً بفكر ف كل حاجة حصلتلي وكل كلمة أتقالتلي و مبنساش ؛ يمكن بعدي الكلام بس مبنساهوش وبيفضل يوجع فيا ..

حاسس أن مفيش شخص واحد ع وجه الأرض مُمكن أحس انه فاهمني ، و لو طلع مني تصرف بطريقة عفوية يفهمه صح .. مفيش حد في العالم أقدر أقول أن لو الدنيا كُلها فهمتني غلط هو هيفهمني صح و دا شئ حزين جداً..أنك تعيش حياتك بتدافع عن نفسك !

كنت هكتب حاجة دلوقتي أشرح وابرر بيها حاجة معينة وبعدين للحظات كده وقفت وفكرت وسألت نفسي "تشرح ليه أصلًا ولمين؟ إنت براحتك اعمل اللي تعمله " وحسيت فجأة براحة نفسية ..

"إنتهت علاقتهم ، ليس بسبب مشاجرة أو موقف عنيف ، إنما بسبب حالة من الإهمال التدريجي .. الطرف الأول وثق بتواجده الدائم ف أهمله ، والآخر لا يتحمل أن يكون هامش بعد أن كان قريب. - تذكروا أن ماينتهى ببطىء : لا يعود أبداً

ما فائدة كلمة أنا أحبك وأنت لا تتقبل عيوبي، ما فائدة أنا أسف بعد أسبوع من الخصام، ما فائدة أنا فخور بك وأنت لم تشاركني معاناة الوصول، وما فائدة أن تخبرني بكلمة كنت أتوق لسماعها في حينٍ من الزمن لتقولها أنت في زمن آخر تمامًا، ماتت فيه لهفة الإستماع. د. أحمد خالد توفيق.

السنه دي علمتني إنه عادي أكون مع حد بحبه ويجي علينا اليوم اللي ولا كأننا نعرف بعض ..

أهم نصيحة اتقالتلي ، شوف راحتك فين وامشيلها .. راحتك في الناس ، في الشغل ، في الأماكن .. ومترضاش بحاجة هتتعبك واتعود تقول لاء لإنك هتعيشها مرة واحدة بس ..

تخيل انك تكون مؤذي لدرجة ان شخص يفتكرك او يشوفك صدفة نفسيته تتعب ويتضايق من فكرة وجودك بس ؟ فى ناس متمناش اشوفها تاني حقيقى ..

أنا مفيش حاجه قادره تبهرني قد واقفة ربنا معايا في كل مرة بجد .

لو الحلم مش حلمك مكنش زمانك حلمته ، ربنا أحن من إنه يعلق قلبك بحاجة و يحرمك منها ..هتفرج

اتعالجوا يا جماعة والله العلاج النفسى مش عيب متسيبوش نفسكم كدة ..

- انا مفيش حاجه ف حياتي خذلتني قد اختياراتي ..

مش بلوم على حد انه مكانش جنبى و أنا بعيش فتره صعبه، ولا و أنا باخد قرارات ممكن تخسرنى كتير قدام، لأنى على قد ما محتاج لحد يكون جنبى، على قد ما أنا مبسوط إنى بعد ما كنت طول الوقت بقول إنى ماشى أتعكز على اللى فى حياتى أكتشفت أن ماحدش كان ساندنى غيرى و الباقى كله مش حقيقى ..

سيبك من الل حواليك وركز ف نفسك متخليش حاجة تاخد مساحة ف حياتك غير نفسك ومستقبلك متحاولش تعدل من شخصية حد أو تلوم حد على فعل أو تأخد على خاطرك سيب اللي مهتم مهتم واللي ناسي ناسي والزعلان يفضل زعلان واللي يتغير ع راحته سيب كل واحد برحته وعيش انت ع راحتك واشتري دماغك مادمت مش غلطان

أنا بـ وش واحد وطبع واحد ياجماعة مع الكل ، الكلمة اللي بقولها ببقا قاصدها وحاسسها ، لما اقولك بحبك فانا فعلا بحبك ، لما اقولك واحشني فـ فعلاً واحشني ، ولو بكرهك مش هتعامل معاك أنا حياتي يا اه يا لا معنديش حلول وسط ومبعرفش أجامل ..

لما تقعُد مع نفسك وتنوي من بُكرة تبقى شخص جديد بصفات أحسن بالتزام أكبر بخطط واضحة وخطوات وبعدين يجي بُكرة وتلاقي نفسك معملتش أي حاجة من الكلام دا متزعلش عادي جدًا وبتحصل المُهم ما تبطلش تنوي و ما تبطلش تراجع نفسك لإن طول ما ضميرك صاحي وعندك نيّة تتغيّر صدقني هيجي اليوم و تتغير ..

أنا إنسان مش خالي من العيوب ومش دايمًا بكون الشخصية الواو المبهر و بعترف إني أوقات كتير بكون رخم في التعامل ومهمل وكئيب بس ولا مرة هتيجي تخبط علىٰ بابي وأردك خايب ولا مرة هتيجي تحكي وأقولك "معلش مش قادر أسمع" حتىٰ لو فعلًا مكنتش قادر ولا مرة هتطلب كتفي وأقولك مايل مبسندش.

انا خايف من الموت بس مش علشان هسيب أهلي والناس اللي بحبها.. ده ايوة هيزعلني، انما الخوف الحقيقي من لقائه، وازاي هقضي أول ليلة في القبر؟ بسال نفسي هل هيشفع الخوف ده ليا؟ هل هيشفع لي دعائي ؟ والله يا رب.. إن أغلى أمنياتي، أن يكون أسعد أيامي يوم ألقاك فيه.. ويهون كل شيء بعدها .

- أنا معملتش حاجة.. أنت فاكر لإنك معملتش حاجة يبقى أنت كده مغلطتش، بس أحيانًا بتكون كُل المشكلة إنك معملتش حاجة، في الوقت اللي الطرف التاني كان مستنيك تعمل أي حاجة، حرفيًا أي حاجة مهما كانت صغيرة ..

اِوعى تفرّط في الشخص البسيط الليّن الشخص اللي سهل تراضيه اللي ما بيكبّرش المواضيع واللي بيفهَمك من غير ما تبذل أي مجهود ونيّته دايمًا صافية وطيبة الشخص اللي لما تحتاجه بتلاقيه واللي لما تقصّر معاه غصب عنّك بيعذُرك وعُمره ما عقّدها ولا حب مشاكل الناس دي صداقتها مُريحة جدًا للأمانة