ياخي ترى ايامك .. .. مجرد ملذات وعاد انت شف وش دربك وشف ميولك وترا الردى كنه ذنوب الخلوات يرديك ويقلل .. حلاك وقبولك بداح بن لخن

يردّ الكريم من التجمّال قلّ المال يردّه وهو يمناه تبغى التجمّاله تهزّه روابع طيب لا شكّ ما يحتال يخلّي بعض الاشيا وهي كان في باله ولكن ولو ما كان في جيبه الّا ريال يعينه إله الكون ويدبّر احواله

يوم جيت ديار ابو سوداً مظّلة للقدم وقفة وللقلب التفاته ما اختصرها فالسلام ورحمة الله السلام ورحمة الله وبْركاته ودي اخذ عندهم فنجال دلة ونفسي اول من كلاني بالشماتة يرفع الرجال صبراً في محله وترخص الرجال كثر محاولاته

يا ذيب قلبي جسور ولا يحب الصخب من كثر ما دار راسي من علوم الرواه اللي ما ذاق العزاير ما يدوس الصعب الراي ما يقطعه غير الزحول الدهاه علق شبوح الهقاوي يا عريب النسب ما يبلغ المجد غير الي يعانق هواه

يامصلح تعلّم نهج مصلح ولد عيّاد على شان ماتبلش مع الناس بـ المره ترى الاجودي ماهو يكدر صفو الاجواد ولاعادهم .. يبغون .. خيره ولا شرّه عسى الله يجيب الغيث وانا على استعداد اغني .. لكم .. فـ اليوم طاروق ( مغترّه ) يازين .. المطر بالذات

الفعول قليله ولا السوالف واجد عند ناسً تلبس الغتره بلا طاقيه من يدقق في تفاصيل الليالي ياجد شي خارج عن نطاق الكوره الارضيه واحدً ما يتعض ولا يعض الناجد لاتهمك دمعته فـ الروحه وفـ الجيّه الدموع انواع واصدقها دموع الساجد ترتفع لله ماهيب اطيح فـ الزوليه

الرفيق اللي من الكبوات احنّه حافظٍ قدره مثل حفظي لقدري طاح من عيني ولكن ودّي انّه يوم قرّر طيحته ما طاح بدري رغم ذلك ما قدرت اسجْ منّه كل ما يطري خطاه يضيق صدري ساريٍ من ضيقتي والليل كنّه دوسريٍ لا نشدته قال مدري :)

على الهون ياللي من بيوت الشعر مرتاب اقول الكلام الواقعي وانت عشوائي انا ما تبعتك يوم وقفت في المحراب و تبغيني اشجعك في حفل ٍ غنائي !! تهون الطعون .. الا من الطعن في الانساب هذي والله اللي يبلش بها الاخصائي :) على الغيهبان المري اماري الالباب مثل ما تماري شمر بـ

وعقب ماوردت ذود المشاريه القليب وصدّرت للنوق حنه وللزمل رغوه مالي الا اضرب على اكثر علاقاتي صليب ويش ابي في رفقةً حبلها فيه رخوه مانبا الا رفقة الطيب باليوم العصيب ماهي برفقة مفاطيح وهروج سعوه

تقدّيت بـ كلامي ما تقدّيت .. بـ كلام الناس خسارات الدروب آهمّ عندي من مكاسبها أنا مانيب ناقص معرفة .. ولا بليد إحساس عشان آحط ( نفسي ) في مكانٍ ما يناسبها

للي سوالفها علي ألذ من طعم الحليبّ حليب مصغر وصفها وضحٍ شناح وناهيه واطلالتك لو هي علاج بيصرفه لي الطبيب بيقول خلك منتظم كانك تبغي العافيه .

بين حلم الحياه و بين مشروه غالي استوت فالعيون الهينه و الكليفه كبريائي مْعاقبني وانا ما طرالي امتثل دون حقي و ارتضي بالنصيفه ! اكره الضعف .. بالذات اكرهه في مجالي ودي اموت ولا اسمع قصيده ضعيفه :) ليت كل القصايد من قصيد الشمالي ولا فيها وفاقٍ مع قصيد ابن ريفه

عسى واحد ماهوب يدرى من المنقود فدا ل السنافي طيب الراس والهقوه لاتامن سعة صدري معك ياقليل الفود على الطيب مالك لا هوايه ولا شقوه

الناس يا اسماعيل ماهم بـ عـدّه مدري غشامة راي . . ولا ملاعين يبغوني ارجي من ورا الناس مـدّه طلاق . . ما حنا عليها بـ ضارين حـنا خلقنا للفخر . . والاشـدّه ووجـيهنا تندى وحنا عزيـزين قل لـ الضعيف اللي ضعيف مردّه حنا اغنيا بـ الله وبـ الله قويـين (:

التغاضي والتعايش وقل الاحتياج الله اللي في قلوب العباد يصبها سامح من الرزق لاصار فاطراف العجاج حاجة ما جات من طيب خاطر كبها

يا تباشير الصباح و يا نسيم الجنّه يا خزامى النايفيه يا سحابة لندن الصباح اللي ما أشوفك فيه مدري عنّه و الصباح اللي أشوفك فيه رائع جداً :)

فتاوى شعراء الحب في رمضان: « لون حبنا ماهو نقي كان شهر الصوم ليا ربّطت فيه الشياطين — هوّنا » _زايد بن ذعار « لا تابو اهل اللهو في شهر رمضان ما تابو الي .. حبهم على شرف.! » _محسن بن مترك « يهل رمضان هلاله و غيرك المتروك ما ظنّي يضر صيامنا وصلنا الراقي » _سلطان الحوالي

حسب مفهوم الاوامر و النواهي والنفوس وما لها وما عليها العداله مَا يضاهيها مضاهي حكمها جاري لو أنك ما تبيها أن حسبت الكيد لعب ولهو لاهي أحسب حساب الامور اللي تليها وأعتبرها درس فالعدل الإلهي من حفر حفره لاخيه يطيح فيها

من بغى ياخذ على راحة أعصابه ضمان أنصحه .. لا عاد يشفق على مستقبله الأمل بالنّاس بيتٍ عموده .. خيزران والظروف أقوى من أقوى الرياح المرسله دايم الصامل من الله على الدنيا معان والضعيّف طول عمره ضحيّة مرحلة

كانك تبين الصدق عودت استخير ولقيت حبك لحظتين وفاصله من مولده في قلبي ليومه الاخير وهو سرابٍ ماقدرنا ناصله ماعاد ابي من خيره إذا فيه خير تعبت من هجماته المتواصله عن وجعتي ! بحاول انها ماتصير وعن رجعتي ؟ ماهيب والله حاصله أبتركك بين الحسافه والضمير دامك على درب الفراق