يالله يامـنشي سحــاب ٍ مـزابـيـر
تمطر على كل الحماد الشمالي
.
ومن منفذ الرقعي الى حد خرخير
تــروي ثــراها بالقــراح الـزلالـي
.
ومن الحجاز لنجد لـ الشامخ النير
يسقي جميع أسهولها والجبالي
.
#ابن_شوفان_العبدلي

#كل_عام_وانتم_بخير
#شكراً_قيادتنا_الرشيدة
#المملكة_العربية_السعودية
#شكراً_رجال_الأمن

.
' شكراً رجال الأمن '
.
ذولا رجال الأمن نفخر فيهم
بَـ اطهر بقاع الأرض والميداني
.
شكراً لهم ، ياربنا تحميهم
لجهودهم وعطاهم المتفاني

.
محمد بن مشهور العبدلي

العيد أقبل ياهـلا ومرحبـا به
جانا عقب شهر رمضان المبارك

يالله عسـا دعواتنا مستجابة
سبحانك المعبود منْزِل تبارك

وكل ٍ يعايد صاحبه والقرابة
والاهل والجيران كل ٍ يشارك

ان زرتهم فرحوا بطيب ورحابة
وان جوك يلقون الفرح في ديارك

محمد بن مشهور العبدلي

مـاني قليّل عِرف ولا رزانـة
بس اتدرّا من الخَطا والظليمة

طِيب التعامل ماينقّص مكانة
والصّد عن بعض المواضِع غنيمة

والصبر ميزة للعقول التكانة
مايندم اللي حط عقله خصيمه

الله يجنبنا الخطا جل شانه
بعض الخطايا عاقبتها وخيمة

محمد بن مشهور العبدلي

كل ٍ بكيفه دام له عين ويشوف
عيني نظرها عن سواها كفيفي
.
مالي ومال الناس مانيب مكلوف
ولا لي علىٰ خلق الخبير اللطيفي
.
وانا بعد لي طبع وتحدّني ظروف
احيان اقبل شي ماهو بكيفي
.
محمد بن مشهور العبدلي

#ذكرى_البيعة_السابعة
#سمو_ولي_العهد

كــل عـام ويابــلادي للأمــام
يابـــلاد العِـــز يادار ٍ لنـا
.
موطن الاسلام والبيت الحرام
منبع التوحيد نِعم المَوطنا
.
مملكتنا دارنا دار الســلام
كلنا نفـــدا ثـــراها كـلـنـا
.
•محمد بن مشهور العبدلي

#ليله_القدر_خير_من_الف_شهر
#رمضان_العشر_الاواخر
ياكريــم ويارحيـــمٍ في عبــادِه
يا الوَحيد اللِّي لمَن يَدْعِيه سامِع
.
البلَـد برعايتَـك شَعــب وقيادة 🇸🇦
ربّـنا و الكل في رحمتك طامِـع
.
محمد بن مشهور العبدلي

الصمت حكمه ومعاندك بـالخطأ عيب
وشيمتك عن زلّة رفيقــــك  جمــــاله
.
وإن ماقدرت تجازي الطيب بالطيب
باب الخطـــأ صكـــه وقفل مجـــاله
.
من الشعر الجزل.

ياالله يلِّي من ترجـاك يعتـــــاض
ياواحـدٍ ملـزوم نَتْبَــعْ فروضـــــه
.
يالله يارزاق ياخيــــــر عــــــواض
لامِن بغيـت العبـد تاقف حظوظــــه
.
يامن شفيت أيوب من عقب الأمراض
تكتــب لعبدك مارجاه وتعوضـــــــه
.
محمد بن مشهور العبدلي

راح الزمان اللي به الخير مرغوب
والطيب اللــي بالمواصـل يبادر
.
وجانا زمان يجمع الناس بـ قروب
اطيبهم اللــي لا تضايق يـغــادر
.
من الشعر الجزل.

خـل الركـاده مـيزة ٍمـن خـصايصك
وجـه الـحـيـاه الـطـايـــشه لا يـغـرك
.
لاتنشغل باللي ماهي من تخصصك
ولا تلـتـفت فـي كـل موقـف يـمــرك
.
الوقـفـه اللي مـا تـزيــدك تـنـقـصك
والكلـمـه اللي مـا تـفـيدك تــضــرك
.
من الشعر الجزل.

القلوب اســرار والدنــيا عــبر
والعمر لـو طـال تالـيه الرحــيل
.
والخواطـر كســرهـا مالـه جـبر
لو يعيد الوقت ماضيه الجميل
.
من الشعر الجزل.

ياطيب السكوت ان صار مال السوالف راس
و يا حـلو الكلام الصايب اللي على حلّه
.
ويا شين الجميل اللي درو به جميع الناس
و يا زين الجميل اللي ما يدري به الا الله
.
المبدع / جابر النشيرا

#ذكرى_البيعة_السابعة
#سمو_ولي_العهد

كــل عـام ويابــلادي للأمــام
يابـــلاد العِـــز يادار ٍ لنـا
.
موطن الاسلام والبيت الحرام
منبع التوحيد نِعم المَوطنا
.
مملكتنا دارنا دار الســلام
كلنا نفـــدا ثـــراها كـلـنـا
.
•محمد بن مشهور العبدلي

#تخفيض_المخالفات_المروريه
🇸🇦

هـذا الـمـلـيك اللّي يـراعي عـيالـه
وهـذا ولي عـهـده ذرىٰ كل ملهوف
.
عند المليك الشعب هو راس ماله
ماضي وحاضر فِعل بَيِّن ومعروف
.
وهو راس مال الشعب في كل حالة
والشعب بـ امره للوطن درع وسيوف
.
ابيات وطنية للشاعر :
محمد بن مشهور العبدلي

ثنتين لو مهـما حصل لاتجي فيك
كره الـرفيـق وحـب من لايـودك
.
والثالثة كانـك تبي النـاس تعطيك
مكانـتك فاعرف م ع النـاس حدك
.
من الشعر الجزل.

تغاضيت عن زلة رفيق و عتب غالين
وصبّرت قلـبٍ سود الايـام مـوجـعته
.
رميت العتب في سلة المهملات ايلين
لحقني الخطا ، من واحدٍ ما توقعته
.
من الشعر الجزل.

ترا الكيه اللي من سبب واحدً تغليه
ماتبرا ولا يذهب وجعها من الخاطر
.
يطول الزمن ويضهر الوقت مايخفيه
ويفشل بليد الطيب ويبين الشاطر
.
من الشعر الجزل.

حك المعادن يوضح لك مصادرها
ثم تكتشف لونها وتشوف طيبها
.
وحتى البشر ماتحددها مناضرها
ماتعرف اصنافها حتـى تجربـها
.
من الشعر الجزل.

النفس محتاجه رضا الرب عنها
ماهي بمحتاجه لعطف المخاليق
.
والنفس خيل ومن يهمل رسنها
جابت عليه الهم والغبن والضيق
.
من الشعر الجزل.