واحدة من لقطات كتير تستوجب عقوبات غير مسبوقة على الجيش الملكي.. الأهلي كان في جحيم من البلطجة وقلة الأدب لمدة ٩٠ دقيقة

سلوت قعد صلاح على الدكة لأول مرة من سنة ونص في البريميرليج.. طب وفان دايك اللي قلب على محمود علاء وقاصد يخسر الفرقة كل ماتش ايه ظروفه؟

هؤلاء الشياطين عايزين محاكمة عاجلة في جهنم بعد ما نعرف مين وراهم وإبه قصتهم blinx.com/a/YsqF2etu

بغض النظر عن جهل حفيظ دراجي في الحديث عن "الفراعنة" وتاريخ مصر.. فهو شخص حاقد بشكل غير طبيعي على مصر وبيستغل أي فرصة لإظهار حقده وإبراز محاولات تقليله المستمرة.. ياريت مصر تستضيفه وتعالجه في العباسية وتكسب فيه ثواب!

بعد كام سنة لما هالاند يكسر كل أرقام كريستيانو التهديفية.. رونالدو هيفضل يقول أنا أحسن من ميسي وبيليه ومارادونا بردو؟

مرموش في موقف حرج جدا في السيتي بعد تألق دوكو وفودين ونجاح الفريق بشكل عام بدونه.. حرفيا مالوش مكان للأسف.. أعتقد إنه لازم يدور على فريق تاني في البريميرليج من دلوقتي حتى ولو إعارة!

اللي بيشوط على دوناروما النهارده بيجيب جول من أي حتة وبأي شكل.. عروض آخر السنة

الزمالك بيتوقفله القيد مرتين في الأسبوع دلوقتي.. أنا مشفق على موظفين الفيفا اللي بيجيلهم شكاوى الزمالك كل شوية، فكروني بأحمد راتب لما كان ظابط وكل شوية الناس تشتكيله من القرموطي 😃

رد رسمي قوي من مصر.. ملخصه "يلا بينا"

صلاح يشعر بخجل شديد من موقف غير معتاد.. مش عارف يعمل إيه حرفيا.. يحافظ على العقلية ويقبل القرار ولا يقلب الترابيزة.. وفي الآخر قرر يختفي وهو حاضر بالمنظر ده

فان دايك خارب بيت ليفربول حرفيا.. بس سلوت سايبه وماسك في صلاح!

حسام حسن فرحان أوي إننا هنلاعب بلجيكا وإيران.. وأكيد بيقول لنفسه هنتعادل مع بلجيكا وكده كده ماتش إيران مضمون.. إياكش نكسب بقى مرة من نفسنا أي ماتش في كاس العالم حتى لو هنخرج بعدها

حلوة نيوزيلندا دي.. سيبو الأهلي يلاعبها هو عارف بيعمل مع أوكلاند اللي هو عبارة عن منتخب نيوزيلندا في كل كاس عالم.. المفروض نكسب سكور ونعمل تاريخ على مجدي عبد الغني بالماتش ده 😀

محمد هاني مينفعش يعدي من المطار ويروح أمريكا ويلعب على دوكو في كاس العالم.. وياريت نسيب المكان فاضي كده كده هو هيعدي من اي حد يلعب عليه ويقل منه

جدع يا صلاح.. أول مرة تتخانق وتعمل قلق كده سلوت فعلا مشخصنها معاه وسايب محمود علاء خاربها في الدفاع ومبيجيش جنبه رغم انه الكابتن ولا مينتاليتي ولا بتاع بقى انت كده كده خسران كل حاجة.. يبقى تعمل النمرة للاخر وانت وحظك

لو صلاح خد رأي حسام حسن في الحكاية دي هيقوله روح خلّص مع إيفرتون

صلاح بيلعب على إن المدرب الحلقة الأضعف.. وإنه متأكد إنه هينتصر وسلوت هيمشي.. اللعبة كلها مسألة وقت.. إنه يرجع من كأس الأمم يلاقي كلوب أو مدرب تاني غيره عموما.. لكن هي لعب بالنار ورهان فيه مجازفة كبيرة.. وهذه هي الحياة.. جدع يا صلاح تاني

فضيحة لمنتخب مصر التاني أو التاسع مستحقة جدا في كاس العرب.. فريق مسافر بدون مدرب وبدون لاعبين وبدون خطة أو مستقبل مع مجموعة من المشطبين والمنتهين.. عدم المشاركة كان أفضل بكتير من قلة القيمة دي.. لكن مفيش حد بيحس في اتحاد الكرة للأسف عشان يحسبها كده.. ولسه المنتخب الكبير!

انا مش عايز اتكلم على الراجل ده عشان مظلموش هو ملوش دعوة واتحط في مكان غلط مش ذنبه.. المشكلة في اللي عينه وممشي اتحاد الكرة واختيار مدربين المنتخبات بالمجاملات وبالحب وبالصحوبية والشللية

أفورة غريبة جدا من لاعبي الأردن في الاحتفالات في ماتش ميت ضد منتخب مصر التاسع.. بس حقهم بصراحة.. إحنا معندناش كورة ولا اتحاد كورة ولا منتخبات ولا مدربين.. حتى جمهور المنتخب مبقاش عندنا