والله يا التيك توك الا غصب يخلي اقاربك يعرفون حسابك

لو إني غني كان تلقاني الحين أبردها في سويسرا

يصير ان الواحد يكون عنده شغف وكسل بنفس الوقت

ياشين اللي يبربر عليك مع الصبح ودك تاخذ الدباسه وتدبس فمه اسكت ي شيخ

أي أغنيه تحرك مشاعرك الظهر أعرف انها لامست الجرح

لي يومين اتابع مسلسل تافه تحت ذريعة خلني اشوف وش يصير

الحياه فيها اشياء كثيره حلوه بس انا مابي ابيع كليتي

اي شي المسه يكهربني ابي شي يسحب الشحنات من جسمي

هبايب قيض ماهي هبايب شوق

تحسب ان بكوب قهوة ممكن تتعدل الامور لكن ماتغير شي ابد

يجلطني اللي يدخل لمصعد مليان ويعطي ظهره للباب ويقعد يطالع فيك عطني مقفاك ياخي

الاعلانات اللي يحطوها على بيبان البيت دايم احرص اني اشيلها اول باول عشان مايحسبون ان البيت فاضي ويشلحونه حس امني هذا والا انا موسوس

مبدئياً كذا واضح انه يوم زفت

أبي أوصل للحظة اللي بعد ما تخلص كل التزاماتك في الحياة وتقعد تقول طيب وش أسوي الحين

انا عندي عقل ينفع الناس بس ما ينفعني

ودي أرجع أتابع المباريات واخبار الكوره بس فريقي مايجمل

لازم أشوف لي وصفة تنومني قبل ١٢

نود تذكيرك بصدور الفاتورة نود تذكيرك بسداد المخالفة لازم تضيقون صدورنا على الصبح

من يبادلني بهالحظ الشقاوي من عطاني حظه الطيب وازيده

اللهم صلِّ وسلم على نبينا مُحمد ﷺ