ياموقد النار فيني رمّدت نارك والفت فرقاك لو جرحك موالفني يمّمت وجهي من اللهفة على دارك وأثرك على زلّة الماضي مخالفني اللي بقى من بقايا الحب مقدارك أبيه حولي على شان يغفى جفني يؤسفني إني ما عاد أبرر أعذارك ويؤسفني إن قلبي المشتاق يؤسفني

من يقدر يرّد " راشد الأولي " للحياه ؟ أنا اكثر إنسان يفقد ، "راشد الأولي "

يا صاحبي خلّك على الشعر راضي ماني من اللي تشتكي منْه مذهول مع .. القريحه مالك إلا .. التغاضي و تجامل وتضحك معاها على طول خذيت ، معها قبْل ( عمر افتراضي ) إلين .. ما قامت بي تصْول و تجول ترا القصيده ما تجي وانت فاضي تجيك لا منها درّت بـ انْك مشغول !

" يا اميره كيف قلبي ما يحبك يا اميره ؟ وانتي اللي من عيوني تقدر تطّلع جوابي " لا لمحتك ما ادور غير أنفاسي الاخيره تفتنيني بـ العذوبه لين ما المح عذابي اغتربت وما نسيتك يا الغزال المستذيره سامح الله قلبي اللي ما نفع فيه اغترابي عشّت في ذيك الوساع وشفتها مربى وديره لين ما خلتني

" عودك الريان "

يا اللي غلبت القلب مبروك نصرك انا فدا ( لامك ) و ( واوك) و ( سينك ) ما عاش من ينطق على الصد : بصرك ويعيش من ينطق على الصد : وينك وشلون ما تفرق على غيد عصرك ؟ وشلون تبغي لك بشر مثل زينك ؟ واضيق مساحه شفتها فيك "خصرك" و اوسع مساحه شفتها فيك "عينك "

يا ربي تقبّل دعوة اللي طواه الياس انا عبدك اللي يدعي بـ نفس مخذوله اجي لك واوقف عند بابك بلا حرّاس إلى صارت ابواب المخاليق مقفوله واقول الكلام الواقعي عند كل الناس وعندك اقول اللي مع الناس ما اقوله

على البال يا اللي قصّتك تعشق التجديد ولك فـ الحشى منزل ولك فـ الجفن قعده تدور الدواير وانت مالك حلي فـ الغيد وعليك الحنين يشوقني برقه و رعده غرامك مثل ما هو ما يحتاج للتأكيد تمّر السنين وعاشقك حافظٍ وعده ياوجه ٍلو يطّل ويعايد عليّ فـ العيد ؟ بعيف الوجيه اللي تجي قبله وبعده !

احاضي دموعٍ قد لها وقت ما سالت لكن عقب ما ضاع الكلام وعقب ما قَل اقول انتي اصلاً ماتحبيني .. وقالت : "احبك طواري بس ماعاد احبك خل "

أنا من كثر ماشوف خذلاني مْن الكل ماعاد اشتكي من زود جرحي وخذلاني حتى إللي احبه لين أشوفه حبيب وخلّ ما استغرب إليا احسنت و يضيّع احساني يا (وجه الظبي)ان كان عندك إجابه:قل ترا الاسئله ملّت على طارف لساني سوألي من البارح عجز لا يلاقي حل من اللي طلع فينا ما يستاهل الثاني؟

تمللت من قولة " احبك" بدون فعول يا ليتك كثر ما قلت " احبك" تحسسني !

"يا نديم الشعر" لا ناداك شِعري لبّه أدري انك تحفظ ابياتي وتعرف طرقي دام دمعي لا مسكته طاح وأنت السبّه ! كيف اقول لـ دمعتي خلي مطيحك و ارقي أبتدي يومي وانا طيّب واقول أربّه : ما يجي طاريك لاهبّ النسيم الشرقي قمت أشوفك فـ الوجيه العابره وأشبّه والله ان كنك عن العالم تحاول سرقي

مستغرب ان الجفى ماعاد يبكيني ؟ لا تنصدم من سكوتي هد من روعك انا نفذ " دمعي " اللي كان في عيني عطني من عيونك اللي تذخر دموعك

"ريانة العود " دليّني لا عفت الدروب على هذاك الطريق اللي يمّر الممر ماظن بسمح من اللي فات كله واتوب وانا ادري انْك من الأقدار فرصه عمر قد طحت في حبك اللي كنْه نارٍ شبوب يا جعله ابرك مطيح وجعله ابرك جمر عقبك ما لدّت عيوني في غزالٍ لعوب صدّت وعافت جميع الغيد بيض وسمر انتي

عِش العمر وحدك كان ودك كذا تنهيه و دوّر " عيون تحب " وقلوب حساسه " ولا تنشد من علوم قلبي ولا تشقيه توّكل ولا ترجع يا جعلك فدا راسه ما دام ان (بنت النور) ماعاد لدّت فيه عسى الله يخلي له محبينه و ناسه انا كيف احب [ الورد ] واقابله واسقيه ؟ "لا صارت يدين الناس تقطف من إحساسه"

فـ اول صباحٍ مرّني عقب فرقاك كنت اتمنى تطلع الشمس من غرب !

ما زلت سبة دمعي ، وضحك سني يا المترف اللي لجلك اطيح واقوم لو تاخذك ( الايام والقوم ) مني أنا نطيح ( أيامي القشر والقوم ) اللي بقى من يوم قفّيت عني روحٍ عشان رضاك عرضّتها السوم " ياجعل يومي قبل يومك " لو اني ميّت من اول ماعرفتك إلى اليوم