أثر لذّات الهوى ضوح برقٍ في غدير رميةٍ تقْصر عن الصيد و تعوّد علي ياوليفي صار حبك رحاةٍ تستدير والنفوس من المشقه مزاهبها ملي لاتجرب قسوة النفس مع قلبٍ كسير خلها عشبة ربيعٍ على جرة ولي المحبه طبّ الأرواح الأول والأخير والعلاج اللّي مانلقاه عند الصيدلي

بقايا سيرتك صفحة كتاب وغيبتك تطـواه واذا نفسك لها عزه . . ترى نفسي لها عزه ابنسى مثل ماينسى الكريم إليا اكرمت يمناه وابسلي مثل ماتسلى العرب عن حق اهل غزّه

وانا لوني ماتعلمت الهزيمه والنصر ماكان ذقت من الهوى القتال أمره وأعذبه شاعر وعصري فاتني وعيش في أغرب عصر للوقت وقتي والزمن مابيني وبينه شبه لكن هنوفٍ مثّلت دور العزيزه في مصر قدّت قميصي وأسرفت في وصلها قبل أنتبه

فرش له ذهب ثم ورد ثم زل ثم بساط ولا شاف مني غير الاهمال و التفريط اضيع عمل حظي بالاهمال و الاحباط تأبطت منه وقال ما ينفع التأبيط خسرت النتيجه واللقاء من ثلاث اشواط و لا عاد ينفع دورتي مستوى التنشيط خسرت الدبل والفرق كله ثلاث ابناط و لا عاد لي خطه و لا عاد لي تخطيط .

محشُوم في عيني لكنك تمَاديت زّلت فعولك والوفا ماهو بلعبه كنت العزيز اللي على الكل أغليك واليوم حتى طيفك ما ابلعه

ليت الغرابيل جتني من عدوٍ لي اما تقاضيت ولا بيتقاضى لي لكن من واحدٍ ذكرة غناةٍ لي ولا زلت احبه وبا احبه ولا بالي لا مر طـرّق بـخـدراتـه ســلام لّي كـنه يـسـلّـم علي ابصوته الـعالي خلوني اسج عن موضوعه احسن لي والا الغلا والله إن يبطي وهو غالي

يعني عشان الحلا فيك مسكوب والله عطاك من الحسن والذرابه ولا على شانك مدلع ورعبوب ؟ ومجمع فيك السحر والمهابه يعني على شانك حلو تجرح قلوب ارحم عسى الله يرحمك من عذابه

انا ما شلع قلبي من البيض يا ممدوح سوا جادلٍ ينزف على الصدر مطعنها كوت قلبي اللي قبل لا ينكوي مجروح و احبه و احب جروحها و اعتذر منها عساها ليا منه وصل صوتي المبحوح تحنّ .. و ترد الروح .. و الا تكفّنها

الله الله يالدروب المستقيمه كيف أجادل واحد ماهو بقدي شرهة العاقل على النفس الكريمه وأحتفظ بالرد في مزحي وجدي يفرح الجاهل ويحسبها هزيمه مادرى عيني لمثله ما تلدي صدتي عن بعض خلق الله غنيمه مايوالف قلبي القلب المصدي

"الحور من جنة الفردوس يمكن رموك للأرض ياجادلٍ فيك الشموخ الأبي عليك وصفٍ يحيّرني وهيبة ملوك نوادر الوصف منّك سابيتني سبي وسامتك والثغر ولا الحجاج الضحوك دمار شامل تراجف منه حتى ركبي شكراً جزيلاً ماهوب لك لأمك وابوك أجمل سلاله دبة فوق البسيطه دبي"

أنت سبّة كلّ شي ولا داويت شيّ كيف ياقادر على داي ماتقدر دواي ؟

أعذريني يوم أقابل طعونك بـ إرتياح كيف لا؟ والجرح مملوح والجارح مليح "

اليا مرني طاري عزيز خذاه الموت يضيع النفس بين التناهيت والعبره لو ان الدموع تفيد ولا ترد الفوت نثر من فقد غاليه دمعًا على قبره

انت السحاب الماطر و غيرك سراب و انت المقر الثابت و غيرك ممَر غلاك بـ ضلوعي تربّـع لين ذاب يفوح مثل العود من فوق الجمر حتى ولو قلبي شعر بـ الإغتراب انت الوطن و اجمل ملذات العمر

سامرت وجه الحياه اللي عطتني عمر حتى بدت تسرق القمرا وتسري بها ماحولي إلا سنا ضو ٍحطبها سمر وأفكاري اللي تقفي بي وأقفّي بها وأطقطق الجمر بالملقاط وأسحب جمر والجمره اللي بجوفي ويش أسوي بها

ان غاب عني تقول اني بزنزانه وان مرني قمت اصفق له واهلي به تقول قلبي خلقه الله على شانه مدري كتب لي غلاه اللي بلاني به عليه قلبي يقول بكل وجدانه ياليت الايام يا غازي تجيني به يابن جِرِي لو كتبت اسمه وعنوانه اغشى سوالف اهل النمات والغيبه 💗

ياصاحبي واللي خلق نعمة السمع إنك هـنا .. بينّ المعاليق ثابت ماجيت لي صدفه ولا جيت لي رمع وإن غبت عني فرحتي معك غابت والدمع هذا اللي تشوفه ماهو دمع اشعلت عيني لجل اشوفك وذابت واللي نزل منها على خدي الشمع ارقد ما دام الشوق فالقلب نابت

ما تمنعني حدود المسافه عن التعبير أنا توى مسولف معك وانت ما تدري ❣️

ياهيه وش لك بالقطاعه والاوهام لاتصير نفسك فالتسامح شحوحه اللي موقف بيننا تال الايام حبة خشم عقب العذر والسموحه لو ينفع التعبير بخطوط الأقلام حطيت لك من بين قوسين لوحه لوقلت لي سقها على الموت قدام قلت العمر يفداك يروح روحه صحيح انا قد تبت من حبك العام توبه لكن ماهيب توبه نصوحه

عسى مدهال ملهوف الحشا للرايح الصباب يصب من الوله ويعانق المحبوب محبوبه كلام الحب وعيون القصيد ونظرة الإعجاب تناقلها القلوب الخالية.. وتروح مجلوبه تقول: الآدمي قلبه رهيف إن حب حن وذاب وأقول: القلب راح قلادةٍ في عنق رعبوبه