يسعد صباحك يا مدورني هنا يـ الّي تتابعني بصمت وتنتظر انا هنا يا حلم عمري والمنا لك ننتظر انا وسمعي والنظر #أحمد_الودعاني

طبيعي ينطفي حبٍ مـ يلقى حبٍ يشبّه وطبيعي ينهدم بيتٍ مهو طوبه على طوبه كريم الحب بأفعاله يعمّر قلب من حبّه وعديم الحب بـ اهماله يدمّر قلب محبوبه #أحمد_الودعاني

احترق زهر الغلا، فلاحنا ما فادنا والغصون المورقات اصفرّت وطاح الورق ونبتة اشواك الفراق استوطنت فـ بلادنا والسب زهر الغلا، الفلاح سابه يحترق #أحمد_الودعاني

يا عزيز النفس لو الضيم ذقته لا يصير لدمعك فخديك مجرى كل همٍ ينجلي وان طال وقته وكل جرحٍ مع مرور الوقت يبرى #أحمد_الودعاني

غدينا في زمان التيه لا وجهة ولا موقع ولا رحلة ذهابٍ نحو واقعنا ولا عوده ندين الحظ مع بعض الظروف وننكر الواقع وحنا ما عطينا الحظ فرصة يثبت وجوده #أحمد_الودعاني

كما كنا قبل ما نلتفي عُدنا بلا صوتٍ بلا صوره بلا موقف كأنه ما حصل يوم وتواعدنا كأن الوقت ما قبل اللقا واقف #أحمد_الودعاني

يا ويش اسوي ما بيدي حيله الحظ هـ الليله مهو متساوي ودي يفوز النصر هذي الليله لكن قلبي يسكنه اهلاوي #أحمد_الودعاني #نهايي_كاس_السوبر_السعودي

وين أودي قلبي اليا جا الشتا كيف اصبّر نفسي اليا جا مطر وويش اسوي في يناير لا اتى مين ينقذني ليا صرت فخطر #أحمد_الودعاني

قررت اطفّي شمعة امس الي مضى وادوّر سراجٍ لبكره واشعله زعلني الّي كنت اشوفه لي رضا وارضاني الّي كنت دايم مزعله #أحمد_الودعاني

يسعد صباحك حتى لو منته معاي الله يَحَفْضك يا حبيبي ويسعدك بعيد لكنك فـ صدري وفـ دعاي وعن هاجس التفكير محدٍ يبعدك #أحمد_الودعاني

لي صاحبٍ كنت لوداده منجذب واعتبره اساسي ولاهو احتياط فجأة لقيته يسبح بحور الكذب ويهيم في وديان وشعيب الهياط #أحمد_الودعاني

#أحمد_الودعاني يـ النيل به حولك كثير افارقه وانا م احب الّي حوالينه كثير واشوف وسطك به سفينه غارقه قبطانها ميت شعوره والضمير وجوّك هجير وفيك شمسٍ حارقه ولا به ظلالٍ حولك يضد الهجير ولا فيك غيث من الأمل له بارقه ولا بك سبب يعقد صلاة المستخير تبي الصراحه، معك ماهي فارقه ما

#أحمد_الودعاني يا طير يـ الّي جيت تسكن بلادي وعشّك بنيته فوق غصنٍ مموّه اشوف انا يا طير لونك رمادي وعيني بها اللون الرمادي مشوّه انا ضميري في ظلوعي ينادي والعقل متحصن، مناعه وقوّه الله خذا مني ضعيف المبادي واعطاني الله خير منها مروّه ودوم امتطي يا طير صهوة جوادي ولي نجم

كنت احسب انّك يا بحر نعمه وما الين جربت وسبحتك يا بحر اثر ان به في ماءك المالح ضما يقطع عروق القلب ويجزّ النحر #أحمد_الودعاني

بعض البشر كنه مزون السحايب اغناني بوصله عن أهل القطيعه اغلى من الاخوان واغلى الحبايب وغصبٍ علي اسمع كلامه واطيعه #أحمد_الودعاني

تركت تدخين الزقاير عشانه أثر ان سمه أخطر من الزقاير #أحمد_الودعاني

ما بين ذيك الاماكن والمساكن ادور وخيول جيش اشتياقي بين فرٍ وكر يا كيف اجاوب سؤال اطلال بدر البدور ويا ويش اقول لسؤال الامنيات البكر يسكن بصدري كلامٍ ما تشيله صدور ويسكن بفكري خيالٍ ما يشيله فكر #أحمد_الودعاني

قسم بالله يابعض البشر ناره علـ اكتافه بشر تتسلق شعور البشر تبغى تعلقها يبيعون الكلام فـ سوق سودا والسعر تافه يحلفون بيمين الله لجل كذبه نصدقها #أحمد_الودعاني

ابرمت مع نفسي اتفاق وتصالح ما عاد اخطط للمحبه ولا ارسم حبٍ لجل تحقيق بعض المصالح أخطر على الصحة من عصارة السم #أحمد_الودعاني

يا مهاجر تبتغي عندي لجوء الصدر مابه مساحه خاليه والهوا دربه ترا مافيه ضوء وحوله اسوارٍ كبيره عاليه لا يغرك فيه هبّات الهدوء كمّ غالي فيه فاقد غاليه بكره شعور الغلا يكسوه سوء وتتلف قلوب الغرام الساليه #أحمد_الودعاني