جعلني من رحمة الله مانيب محروم وجعلني لا نوخت بي حمولي شلتها وجعل وجهات النواميس مخلفة العزوم لا غشاني ليلها ما غويت ازفلتها من لقى لي خاطراً مسفهل و حلو نوم بشروني قد لي شهور ما حصلتها سعد ابو قلب ما تشعاه عالية الرجوم لا لقى ما يلتهي به مع الناس التهى !

أحبّه لانه أهداني الأدب و أعطى طريقي نور و جمعني كل ما ضاقت عليّ و لملم شتاتي .

يارب الناس، وهّاب الخلايق مهربي ملجاي عظيمٍ كل ما جيت ارتجيك اجيك ملهوفه مادام إنك وكيل أمري ماخاف من الزمان الجاي لو إني ما أعرف وش شايلٍ لي داخل كفوفه

ألا يالله إنّا تحت هيبة سماك ضعوف ولا نعلم الخافي ولا نضمن الخيرة تدور السنين وغيبها ما هو بمكشوف ومحاريفها مابين ضحكة و تكشيرة وأنا عبدك الي يحتويه الرجا والخوف يقصر و يستغفر اليا شاف تقصيره تحت كف غيثك مارتجي للبشر معروف لو تنوشه صدوف الزمان ومقاديره .

ﻻ جيت في مجلسٍ فيه الخفيّف ثقيل فنجال واحد عن الشكّه وخلك عجل تغانم أجر .. الزيارة كان تبغى الحصيل استاذن من الجميع وخصّ راع المحل يبا يقولون توّ الناس ما راح ليل قل أدري الليل توّه بس عندي شغل وإن لزّم الاجودي قل جعل عمرك طويل مرّيت أسلّم عليكم و المشاهد حصل .

كبرت أتفكّر وأتقرّف من التقليد وأخيل العوض لو كان منيب معتاضة ما أحب أنحصر في زين قامة و طولة جيد أنا روحي أكثر روح حرّة و فضفاضة يخوّفني النسيان واخاف لـ التخليد يخوّفني أكثر، والمقادير ركّاضة أنا فالنهاية بنت بدوٍ . . منيب أحيد تضاحك لو إن عيونها السود فيّاضة .

كل ماتطري علي أضرب من الوديان وادي واتمادى في شعوري واتخيّل واستعيده ومن صورك كل يوم احب صوره لا إرادي واحضن أسمك وسط صدرٍ أنت اميره وانت سيده شاعرٍ وصّف جمال الخيل وسيوف الهنادي لو قدر يوصفك وصفك ينحسب له في رصيده

انا لا سمحت اقفيت واللي وراي اجفاه اخليه في فاله . . وانا اروح في فالي ما كني عرفت اسمه ولا عشت انا وياه هذا طبعي الاول وذا طبعي التـالي من صد عن هالقلب يا سرع ما ننساه ويا سرع ما اصبح خاطري دالهٍ سالي لقينا العوض وانت فينا العوض تلقاه عسى الله يهنيني مع اللي على بالي .

يقولون مابه قمةٍ تستوي بـ القاع وانا اقول تحت القاع ودعت لي قمه 💔 .

عداك الملام وشرهة الولف يا نزّاح عن دياري اللي منت بأول خسايرها تبعت السراب إلين سلمك للمرواح ولديت ! وعيوني تزوّر عبايرها قنعت وتركتك للزمن والزمن فضّاح على مهله اسرار المخاليق يظهرها بقى لك معي ذكرى ليا غمّض المرتاح تمشط بقايا كبدي بروس أظافرها ..

ليا جيت بيته سامحوني عن التقصير ترى مامعي من ربع عقلي ولا ملّي 🚶🏻‍♀️

صبح وجهك كل ماطّل وأشرق في سماي مابقى للشمس طاري ولا للصبح نور .

كل ماواجهت لي طيّب دعيت الله تعالى ما يوريه الظروف اللي تخليه يتردى .

ألا يالله إنّا تحت هيبة سماك ضعوف ولا نعلم الخافي ولا نضمن الخيرة تدور السنين وغيبها ما هو بمكشوف ومحاريفها مابين ضحكة و تكشيرة وأنا عبدك الي يحتويه الرجا والخوف يقصر و يستغفر اليا شاف تقصيره تحت كف غيثك مارتجي للبشر معروف لو تنوشه صدوف الزمان ومقاديره .

تمر الوجيه العابره مع مرور السير وكلٍ يروح وينحفظ ذكره الطيّب عسى ذكرنا مايذكر إلا مع اهل الخير وعسى الله يجملنا مع بعيد وقريّب .

اللهم صلِ وسلم على نبينَا محمد .

مابين الدروب اللي تزعلك رايح جاي أشوف الليالي تسرقك .. ما معي حيله ماعمري شعرت بكسري وجيتك من أقصاي ولا أحتجت لك .. كثر أحتياجي لك الليله أناديك وأعلّق على نبرتك .. رجواي ويطيح الرجا .. وأرجع على شانك أشيله يا كثر الكلام ولو معي في جروحي رأي ما ضاع الكلام وضاعت أغلى محاصيله

رميت وجهي على كتفك شوي، وغفيت والغفوة اللي ثواني فوق كتفك . . عُمر لو إنك من أول الدنيا معي، ماشكيت مافاتنا نستحقّه . . بس ما الله أمر لو مرّ عمري معك برد وسلام اكتفيت هذا وجنبك ربييييع . . العمر عيّا يمر دامك معي، لايهمّك لو ضحكت أو بكيت كتفك لحاله يكفّي . . لين يقضي العمر

لا جفاك الي تحبه فلا تلحق وراه ما جفااك الا وهو وده انك تقطعه ععز نفسك عن تقفاه لا لقى قفاه مخبل اللي كل ما اقفى وليفه يتبعه وش تبي باللي ما يبغيك يا ماال الغناه ما ورا طرد المقفين رزقٍ ولاا منفعه والله انه لو يحبك ما سوا ذا السواه كاان يمدي دافع الشوق صوبك يدفعه .

سمحنا وعفنا وأنثنينا عقب الاقبال  وذي عادة لا يمكن أن حن نخليها إذا ما لقينا من هل الدار طيبة فال  نشوم ونخليها لمن هو سكن فيها صحيح الفراق مضر لكن على ما قال  ماهي تحرق الجمره سوى رجل واطيها  عرفنا بعز النفس من عادنا جهال وكبرنا ومن له عادةً . . ما يخليها .