الطواري كريمة، وأنت وصلك بخيل والزمن دار بي والحال بعدك نحل لا تسيّر علي مسيار عابر سبيل وأنت بين الضلوع العوج راعي محل

يطيبون في وقت الشدايد خيار القوم مثل ما يطيب العود الازرق على الجمره .

تركتك .. وأنا من عادتي ما أترك الأحباب ورجعت ورجوعي صعب يطري على بالك ماجيت أعتذر لك جيت وأنا أعرف الأسباب لكن الأكيد اني ماجيت أطلب وصالك اللي ردني لك بعد فرقا ، وطول غياب كلام بصدري … ماقدر اقوله الا لك

مانيب في شرح التفاصيل مكلوف ولااعتنزت بمجد ناس ٍ توفّوا كم لي ّ في بطون الرياجيل معروف ولاأبلشتهم في منّتي يوم قفّوا داروا ولفّوا واسرفوا بي وانا اشوف ويوم انتهى الموضوع داروا ولفّوا نواجه احراجات ونواجه ظروف لو واجهت بعض الرجال استخفوا

يجوز ان الليالي ما تخلينا ،، نعود أحباب و لكن الاكيــــد ان الليالـي ما تنسيّـنا

يالعباد أخيركم عند العباد اعذركم الخطا ، ماضي ليال العمر لا ينسيكم منصح لكم لو مانيب عند اللزوم اخيركم ادمي والادمي طبعه ماهوب مخفيكم ان خذيتوها بعين الاعتبار اشكركم وان تركتوها على جال الرفوف ابكيييكم عندي استعداد اضحككم على حاضركم بس انا محتاج ابكيكم على ماضيكم

حاول تواسي صدرك كل ليلة بـ هالشطر "مايشيل الكايدات الا جملها "

الإختلاف من أبسط حقوق الإنسان لكن حرام إنه يضيّع فُرصنا ( وبديت أحب اللي تحبّه على شان أصير أعاف اللي تعاف — وخلصنا )

و إن كان حزن الظروف المرّ يرقد بك أنا لك الحرز تامن بي وترقد بي مشاعري من عقيق الحرف تقصد بك قصايدٍ من هشيم الشوق توّقد بي ثلاثة أرباع زين الكون يوجد بك وثلاثة أرباع صبر الكون يوجد بي

أخافك كل ماهب الهوى وأرتابت الأشجار مثل ماأخاف لاطال الوداع القاك مع غيري ..

سعد علوش ، يصِف حال الإنسان في هروبه من الحقائق وعدم تقبّله للواقع قائلاً : " أختفي خلف الخُرافه .. كل يوم خايف أشوف الحقيقه وأنصدم "

والله إني ما رجيت من الحياه ومن خلفها غير دعوه من نجاه ، وضحكه ، وبراد شاهي .

ظميت الودّ، وعيونك مناهل، والسّنين سهاد على وين أتّجه لا ضاع في سود الهدب ثاري؟

كثر ماشفت من الملامح و العيون في ناهيات الحسن من بيض و سمر ماكان فرقك فرق شكل و فرق لون فرق النجوم الساريات من القمر تمرّ في بال القصايد و اللحون إن ماقدرت إنك على بالي تمرّ الله يسامحني على بعض الظنون كنت أحسب إنك مرحله و أثرك عمر

لا شـال همـه شـال همّـه لحـالـه ولا فـرح وزع علـى اللي حـواليـنـه

عساني كل ما زل الكلام و ضاعت الاشوار ما اقول الكلمه اللي ما تكبّر قدري و جاهي

يكفي بأنك ظبي ياخذ من الصقر عين ومن الذلول العمانية هيام وظمَر ومعنّقك شبر فوق متونك وقفلتين ويديك منجم ذهب وشفاك حانة خمر مدري وش اللي خذا الله منك و أعطاك زين مالا عطا فارعات الطول بيض وسمر

تعلوكم الخِيلة ويعلونا التواضع والوقار مهما سعيتوا - في مقارننا وفي تشبيهنا الله خلق " هاماتنا عليا " وأسامينا كبار ما شوهونا كلّ من يسعون في تشويهنا حنا تعوّدنا " ندير " - ولا " تعوّدنا " ندار بعض المواقف نعتبرها نوع من ترفيهنا حتى مع الاخصام ملتزمين باخلاق الحرار ما ننتظر

شحَّت بروق اسمك، وجفَّت مرابيك واِجتاحني عقب الزعل ما تهيَّا أعْرِفك وأجهَل ما بقَى من مشاهيْك وأقوْل -يا كلّ المشاوِيْر-: هيَّا عذب المحيَّا، لو تباعَد حراويْك أنْسِج لك دروب السفر في يديَّا قلبٍ تعلَّق في هَواك، ومسارِيك.. حاوَلت فيه يحبّ غيرك.. وعيَّا

رجعت من الغياب المُرّ لكن مارجعت إيّاي ياليت اللي يرد الغايبين .. يردني يمّي ألاحظ غربتي حتى على مدهالي و مَرْباي مثل غُربة حديث المُطّلع في حضرة الأمّي