إذا ركزت على نفسك ولا همّك فلان كم راتبه، أو كم عنده من عملاء، أو وين وصل بقاعدة عملاءه، أو كم مشروع ماسك.. صدقني بتوصل لهدفك بأقل جهد، وتكلفة ووقت! لأن مفتاح النجاح بعد توفيق الله هو: تركيزك على نفسك.

والله لو انها الف ريال للتصميم الواحد ماتسوي في عيني هلله اذا انسدت نفسي عن الشغل بسبب اسلوب العميل السيئ انا المكاسره الزايده احسها تجرحني وانسحب مباشره من الاتفاق .. فما بالك يطلع جنانه علي اجلده هو وفلوسه وتصميمه 🤌

أكثر شيء يكسبك الخبرة والمعرفة بسوق العمل وأنت ببداياتك هو العميل المبتدئ بسوق العمل يعني اللي اكتسب خبرات عمل من شركات سابقة وبيبدأ بزنس جديد بمقر عمل واقعي "مو شرط منافس للشركات اللي اشتغل فيها" بس هذا اللي يعلّمك كيف ماشية المشاريع تشغيليًا وتنفيذيًا وماليًا وإعلاميًا.

تحسون ملف الأعمال اللي فيه صفحة وعنوان للمشروع بعدين رابط ينقل للمشروع نفسه بيكون ممتاز؟ أو اللي يكون عنوان للمشروع وبعده موكاب للمشروع بشكل مباشر بدون روابط؟ علموني وش الأفضل فنيًا وبصريًا..

خلك مرن ومُقبل على التجارب صغيرها وكبيرها، صحيح بيجيك خوف البدايات اللي ودّك بس ماودّك! صدقني التجربة خير برهان "مثل ماطرّوها" بكل الأحوال أنت الكسبان: كسبان تجربة وكسبان معرفة وعلوم ومهارة كنت شاك بقدرتك عليها بالنهاية يمديك تنسحب من التجربة ولك الحرية بالبقاء أو الرحيل مالم تضر

كلما اخطيت.. هوّن على نفسك وتذكّر أنك إنسان مو كتاب مُنزل من السماء.

مختصر اليوم، بعد ماصرت فارسة🏇🏽 وشاركت بأول رحلة خيل نسائية بعمري ❤️

عدم الحصول على الشيء بعد التمنّي والسعي إليه خيرة ورحمة من الله.. مو سوء حظ!

أجمل شيء بالتجارب هو توسّع دائرة العلاقات والمجتمعات وبالتالي زيادة الخبرة من أيسر وأسرع الطرق من نفس المجال. بدل ماتخوض التجربة ودروب الرحلة لحالك وممكن تجلس سنين وانت تصارع لأجل الوصول، تخوضها مع مجتمع يشبهك وتتبادل المعرفة من أشخاص سابقينك بمراحل .. يختصرون عليك الرحلة.

لا تنسوني من دعواتكم بعرفة وأنا ماني ناسيتكم جميع بقبول الأعمال وتحقيق الأمنيات واستجابة الدعوات❤️❤️📿 هالله الله..

نصيحة لا توقفون عند كتابة المحتوى فقط، توسّعوا بالمعرفة وتعلّموا عن مجالات مرتبطة بالمحتوى بشكل عام مثل: استراتيجيات البراند، توجّهات البراند، الاتصال التسويقي والمؤسسي، كتابة الرسائل تسويقيًا وإعلاميًا، الإعلام والعلاقات العامة.

أشتكي لله مني فياربي أعني✨ جسدت الندم وعبرات الرجاء والخوف على شكل فراغات بين الكلمات للتعبير عن ندم العبد وقت الدعاء🤎.. - Image by عبدالرحمن المطرفي

قبل تخسر هاليوم العظيم.. #الدعاء_في_يوم_تحقيق_الامنيات

كيف تأتي مَلَكة الكتابة؟ وحتى بفترات الانقطاع عنها تكون العودة بتمارين تُعيد حركة النصّ وحيوية الفكْر.

الحمدلله أن الرزق ماهو بيد ظالم ومتخاذل وطمّاع الحمدلله أن الرزق والحظوظ عند اللي ينشّي السحابي.

بكرة بنرجع لحياتنا العملية ومهامنا المؤجلة بعد إجازة طفحت من المفاطيح والمعازيم والطرط والسهر والأرق يارب لك الحمد، ومن باب تعديل النوم .. نمت ١٠ بالليل وصحيت ١١ ونص وإلى هذا الوقت أعاني 😭😭..

عودًا حميدًا لمكاتب العمل، وعيديات الصُحب 🫂 في هذا المكتب العظيم تتجدد الطاقة وروح التعاون في فريقنا، يتجدد حب العمل لأجل الوطن 🇸🇦، وتتجدد النية أولًا وآخرًا فالحمدلله أن منَّ الله علينا وأمدنا بالحياة العملية بعد الإجازة وفرحة الأعياد وجمعات الأهل ❤️💐

جالسة انظّم قصيدة اليوم الوطني 🇸🇦 واجهّز عفشي ومشاركتي من الحين، متحمسة واحب الأيام الوطنية مثل يوم التأسيس واليوم الوطني حقنا.. هالمرة ودّي يكون بقصيدة اكتبها وانظّمها واسجلها باستديو وتكون بنمط ملحمي، يارب يضبط اللي بمخي😭😂 لأن لو ماضبط بودّع الملاعب..