اشوف الخطأ واقول عادي انا النّساي ولي قلب مدري كم طفى من قناديله ولا زلت احبك وادري انك اهم اشياي واشوفك امان كل ماحتجته اجي له لو امشي على الماء لا ذكرتك نبت ماطاي خزامى و ورد وكل وادي درج سيله "عسى باقيٍ لي معك ضحكة ترد رضاي ولي عمر مهما فاتني معك .. باقي له"

في كنف بشت الطواري والسهر واللّوعه عشت ياحزن الضمير اللي ماهوب هْويّن البدايه ضيق بال وضحكةٍ مصنوعه والنهايه وقعها تحت المحاجر بيّن من حوالي حول وطعون الشقى متبوعه مايعالجها طبيب . . ولا تلاوة ديّن سجّة القلب القديمه كنّها مقطوعه ولذّة النوم الحقيقيّه ماعاد تْعَيّن

أشهد أن الحي يحييك وأن الميت ميت مستحيل يفيدك بشي لو إنه يعود خلنا مثل السعوديه ومثل الكويت لاسمح الله جاء بيني وبينك حدود أنت لو تزعلني بكلمه.. بكلمه رضيت فارشٍ لك ساحة الصدر بيّت بلا عمود

يا رأسي اللي ما تغيّر مباديه لا زلت حاير في مباديك و أمرك أشكرك و ألومك على اللي تسويه سنعت خلق الله و ضيّعت عمرك .

العمر وقفات والدنيا دروس وعبر والعاقل اللي عرف الايام وحمولها من جادل الجاهلين يضيع له في بحر فلا تخاطب الناس الا بمستوى عقولها ثنتين خذها معك يا من يهمك لامر وصى عليها الحكيم لطيب مفعولها لا تمدح العود لين يحط فوق الجمر ولا تمدح الناس حتى تظهر فعولها .

"أمان الله على جفنٍ حفظ حر الدموع و باتّ يسولف للدجى عن عشرة اللي ماحشم عينه"

فتق صدري تنهّاتي ولحقه من الحنين اتعاب وغدت كل حاجةٍ بعدك تضحّكنا؟ تبكينا خذانا الحلم في غفلة ورجّعنا الزمان اغراب وعلى الله كل ما تطري علي واذكر ليالينا يجوز ان الليالي ما تخلّينا " نعود احباب " ولكنّ الأكيد . . ان الليالي ما تنسينا

صباح الخير

«أحفظ لسانك عن البهتان والغيبة وأغنم حياة السَّعد والعز من بدري من ينشغل في عيوب الناس عن عيبه؟ زادت عيوبه وهو مشغول ما يدري»

« وأنت يمّي أحس السبت ليلة خميس » ❣️

اجي مثل السحاب ولون قلبي أبيض وشفّاف واكون اكرم من حضوره واروح اعذب من مزونه عيوني للحسن قبلة وجفني للحبيب لحاف وروحي لجل من يستاهل الأشواق مرهونه وقلبي مستحيل إنّه يرِد يحب لامن عاف ❣️ووجهي مستحيل اللي لقاه يعيش من دونه❣️

«أشرقي و إضفي على الروح رغبـة و إمتداد / نورك أنبل نور يشرق على الناس أجمعين»

أحلام قلبي كبيره من كبر شاني والصعب لاهل الصعب تتسهل دروبه مدري على وين بمشي لكن إيماني أصدق من إيمان مذنب مسته توبه عندي يقين بعدل ربي و ميزاني من عاش يتبع ضميره فاز بحروبه ما طيح الله هالدعوات بلساني الا وهي ليّ مقسومه و مكتوبه

"عليك الوجد والبال الطويل وجمرة التنهيد ولا مريت في بالك عبور .. ولا أنت راجع لي"

"لو أحلف بالثلاثة من الزعل وأقفي ثلاث شهور يودّيني لها شيءٍ على روحي .. يودّيني يودّيني وأمر السور وأثره صار يعرفني حمام السور! ما باقي إلا ليا مرّيت من تحته .. يناديني"

يا غصن ريحانٍ على الميل والأعناق يميل قلبي لا ذكرتك و أداعيك تبقين وردٍ ما شكا جُور عشَّاق وأنا الفؤاد اللي خلق بس يرضيك

" أمان الله على قلبٍ ذخر كل الكلام سكات علشان العمر يمضي على قولة محبينه "