أوحش حاجة بجد إنك تكتم في نفسك و تسكت.

ماتهتمش باللي بيتقال عنك أنت عارف نفسك كويس والله أعلم بحالك ونيتك، و متقللش من قيمتك بتبرير تصرفاتك "فا سر ألفاشل مُحاولة أرضاء ألجميع".

يارب ان نمنا على ضيق فأيقظنا على فرج و ان نمنا على حزن فأيقظنا على فرح و ان نمنا على عسر فأيقظنا على يسر، تصبحوا علي خير.

ساعات بيبقى كل الى انت محتاجه حد يطمنك بس حد يقولك انا معاك مهما حصل و يديبك الامل انك هتنجح رغم كل حاجه و الاهم انه ميحسسكش بمسؤليه نحيته

متحطش امالك و مجهودك و تركيزك و احلامك كلها فى حاجه واحده عشان الحاجه دى لو مجتش زى ما انت عايز هتدخل فى حاله من اللامبالاه مش هتطلع منها

سقف الاولويات وقع على سقف الامنيات و قعوا الاتنين على سقف الطموح و عملوا انقاض لجزأ كبير من حياتى عباره عن خيبه و ندم و احباط بس

و يمكن لما بلاقى مفيش امل من حد يفهم او يحس باجى هنا بحس براحه اكتر كده و انا بتعامل مع ناس لا اعرفهم ولا يعرفونى

و سيبوا الزعل ياخد وقته يا جماعه و متستعجلوش نسيان حاجه عشان مع اول موقف هتعرف ان كل حاجه لسه فى دماغك و هترجع تانى لنقطه الصفر

انا غالبا مش من الناس الى بتهتم بوجود ناس فى حياتها بس وقت ما اروح لشخص اقول له انى محتاج له ببقى فعلا محتاج لوجوده اكتر ما هو نفسه يتخيل

ابعد على ما تقدر عن الناس الى مزاجها بيتقلب بسرعه وقت زعلهم لانك هتشوف منهم وش غالبا هيخليك تغير فكرتك عنهم للابد

و دى يمكن من اكتر الفترات الى بعانى فيها من مشكله انى عايز ابقى بعيد عن كل حاجه و عن كل الناس

مينفعش نرجع بالزمن شويه طيب ..كام شهر كده بس

و اوقات كتير بتلجأ انك تحط لنفسك اهداف بسيطه سهل تعملها عشان تديلك دافع مش اكتر و بتحاول تبعد عن اى هدف كبير ممكن يكسرك لو ماقدرتش توصله

دايماً فيه حاجه كده بتحصل بتبقى نقطه تحول فى حياتك و مستحيل حياتك هتفضل ماشيه زى ما هى بعدها ...كل حاجه هتتغير

و يمكن بقيت مش عارف امتى اتكلم و امتى اسكت او بقيت بخاف من فكره الكلام نفسها اصلا فبقرر السكوت الانيل من كل دا بقى ان حتى السكوت مبقاش بيريح

كل كلمه بتتقالك من حد معين بتأثر فيك فعلا ساعات بتديلك امل.ساعات بتطمنك..كتير بتكسر جواك حاجات بس الفكره هى انك رغم كل دا بتفضل فاكر كل كلمه

مقدرش امسك فيك و ابين لك انى محتاج لك اكتر من كده...مينفعش فعلا

و ممكن اكون مش عايز اخد خطوه كمان نحيتك لانى خايف من فكره ان الحاجه لما بتقرب او بنملكها شغفنا بيها بيقل فخلينا فى نص كل حاجه كده احسن

ودى اخره كل واحد يعيش فى احلامه اكتر من اللازم مع اول واقع بيتصدم بيه بيبدا بالتدريج يفقد الامل فى كل حاجه

لما تسأل نفسك و ايه تانى ممكن يحصل اكتر من الى حصل يعنى