عارف انت لما تلاقى شخص بترتاح لمجرد انك بتحكيله اللى هو انت عارف إن حل مشكلتك مش عنده ، بس المشكلة بتنتهى بمجرد مابتحكيله

مبتشوفش انت وانا بجلد نفسى كل يوم لما افتكر انى ضيعت كل مشاعرى وطاقتى على ناس غلط

صدقنى زعلى مش عليكم انا شخص بيقدس الذكريات ودا حقيقى اللى مزعلنى

دا قاعد يعانى اليوم كله من فقدان ناس متعلق بيهم و رايح جاى يقنع الناس ان الحياه مابتوقفش علي حد

من اهم الحاجات اللى اتعلمتها ف حياتى الفترة الأخيرة إنى متفاجئش..كل اللى شوفته سواء من ناس اعرفها أو ناس غريبة فهمت إن مينفعش تطمن أو تثق ف الناس بسهولة ، علشان هينتهى بيك الحال كل مره انك تسأل نفسك نفس السؤال' ازاى الشخص ده عمل كده'..!

الحقيقة انت 'مؤذى' بس شخصيتك المؤذية ماظهرتش الا لما انت اتعصبت! دا ردى على كل واحد بيدعى : 'أنا مؤدب بس لما باتعصب بافقد اعصابى'وهوا الشخص المؤذى اصلا بيتعرف الا وقت العصبية؟

انا حقيقى مبحبش مشهد النهاية، اخر صفحة فى الرواية ، اخر يوم في رحلة ، اخر لحظة فى حدث حلو ، اخر مسدج فى شات بحبه ، لدرجة انى كمان مبحبش مشهد النهاية ف علاقة اذتنى ، وحقيقى انا انسان يحطمه الوداع

اهو الحاجه اللى كسرت قواعدك علشانها هى نفسها اللى كسرت دماغك ، ابلع

بس تعرف اللى يزعل بجد ؟ انها مكنتش متوقعه، اصلا بالمنطق كده مينفعش شخص بتقدمله كل حاجة، يأذيك.

الحاجات دى هتخلينى اقوم اقطع الكتاب حالا

كل يوم ادي نفسي محاضرة إنى هندم على الوقت اللى بضيعه دلوقتى واني لازم ابطل اصعب الدنيا وازنق نفسى بس دماغى بتموت فى ضيق التنفس والمعاناة اللى هو مش هشتغل غير تحت ضغط ويلا ننام

عارف لما تكون عاوز تقول لشخص ما ، 'اه لو تكن تعلم كم كانت تلك الكلمات القاسية
التي تقبلتها مُبتسمًا ، كم كانت تؤرق نومي وتؤذيني' وفجأة تعيط انك مبقاش ينفع تقوله

شوفت لما طبقت الصمت العقابي ، اهو مافيش حد اتعاقب غيرك علشان انت رغاي ومابتعرفش تقعد ساكت

شعور احمد خالد توفيق وهو بيقول:
'كل الأشياء التي أطلبها بسيطه وسهله وتحدث للكثيرين، ولكنها معي أنا لسبب ما لا تحدث'

ولكنك ارتضيت لي الاذى، وانا الذي كنت احسبك ارق على قلبي مني.
That’s my feeling now

اللى بيروح لثيرابست مبيروحش علشان يدور علي إجابات، بيروح يدور على رفيق ،رفيق يدور معاه علي إجابات، كل اللي كان محتاجه أنه ميتخذلش وان حد يفضل يسمعه زى متعود

نفسى ﺍﻗﺎﺑﻞ ﺷﺨﺺ ﻛﻞ ﻣﺎ اتعمق فى حياته وشخصيته ﺍﻛﺘﺮ ﺍﺣﺒﻪ ﺍﻛﺘﺮ , نفسى اتخطى فكرة ان كل حاجة من بعيد احلى

عندي تروما من التعود عامة، لو فقدت أي حاجة اتعودت عليها ، الموضوع بياخد مني كتير اوي، وخصوصا لما بكون لوحدى، دماغى بتجيب القديم على الجديد ومش بقدر اسكتها

الدنيا قاسية اوى لما بتكشفلك الناس ، لدرجة أنك بتحتاج وقت طويل علشان تستوعب حقيقة اللى شاركت معاه ذكرياتك، 'ليتني خُذِلت وأنا بمَوضع خوف وأنا بمَوضع حذر على الأقل ما شعرت بالخذلان .. ولكني خُذِلت وأنا مُستريح خُذِلت وأنا مُطمئن مثل اطمئناني وأنا في صالة منزلي وهذا ما أوجعني'

عارف احساس إنك تقول وداعًا وكل شيءٍ فيك يريد أن يبقى.