تصادم به پېدا کېږي پۀ فطرت کښې خرابي ده
زۀ د زمکې نه پېدا یم فېصله مې اسماني ده

جلال خليل

يو خو مړي د اميد ګرځووم ځان کښې
بل پۀ دشته کښې روان د ناکامۍ يم

جلال خليل

'We live and learn, or, perhaps more importantly we learn and live.'

- Terry Pratchett

تا سره چې لاړ په سفر هېر شولو
ما نه د چشمانو نظر هېر شولو

کاڼي ئي په لاس کښې چې نیولي دي
ښکاري جوړې خپل ترېنه سر هېر شولو

ګرځمه بهر ترې د څو ورځو نه
داسې د خپل زړۀ رانه ور هېر شولو

رازه ! لا زخمي دے نظر هغسې
څوک وائي د هجر منظر هېر شولو

سليم راز

هواګانې بـــه يې ځکـــه لارې نيـــسي
ځي کاروان مومند تيارو پسې رڼا وړي

کاروان مومند

چې زما د زړګي سر شوې
څنګه ما نه نا خبر شوې

دريابونه د غم نغاړي
اے زړګیه! سمندر شوې

په تیارو به ایمان راؤړي
که ئي زلفې په نظر شوې

د خوشبوئ په اوږو ځمه
نن مې زلفې همسفر شوې

په بڼو ئي رازه ! تم شه
که له سترګو ئي بهر شوې

سليم راز

لکه ونه مستقیم په خپل مکان يم
که خزان راباندې راشي که بهار

رحمان بابا

ژوندون لټون مينه مرګی او حساب
څومره کارونه مي په سر پراته دي

قلندر مومند

ټېنګه مې مه نېسه په غېږ کې
صبا به بـــــــوې د لونګېن درڅخه ځېنه
#ټپه

اول د هيچا په کار نه وې
چې ما لالى کړې قافلې درپسې ځينه

#ټپه

ستا نامه ده هم يې اخلم هم يې اورم
غږېدو نه اورېدو پورې دا ستا يم

ممتاز

دا باد د ﺯمانې چې مونږه چيړي هسې نه ده
دا ګوري چې په مړو ايرو کې سره بڅري شته

افراسياب خټک

دا ژوندون دی دوه ورځې
خلاص به شي او تېر به شي
دا غني به خاورې شي
ورک به شي او هېر به شي
دا شونډې تودې خوږې
دا د غم صنم قيصې
دا کاروان روان روان
ځي په مخه تېر به شي

غنی خان

ځم دا قفلي سره خو ده به مي وي شرط پکښي
زه به د سالار هري خطا ته ګوته نیسما

ډاکټر ديدار يوسفزے

مونږه سموي په دې مي نشته اعتراض
سوال لرم چې دوئ کله ځانونه سموي

ممتاز لالا

ووايه د ژوند د فلسفي شاګرده ووايه
سر په اوږو څه معني او سر وي په دار څه معني

پيرمحمد کاروان صيب

څنګه به څه نه وېم چې دا نور خلک
ږدي د وهم پېټي د پښتـــــون په سر

ډاکټر خالق زيار

زما د سېل پۀ تصويرونو تېروتلي ياران
زما پۀ باب وائي چې دے سړي مزې وکړلې

گوھر وزیر

خوراک کوی د سپی او مسالې د ملایانو
بانګونه د بلال او لنګوټې د چینګړیانو
پرتوګ دې یاره نشته خو شمله نیغه د خان
شل ښځې دې ساتلی په سحر وایی اذان
په جنګ کې بهادر او مستانه لکه چنګیز
په مینه کې بې شرمه بې پروا لکه انګریز

غنی خان

ستا د يادونو خيال کې ډوبه
نيمې سپوږمۍ ته لاس تر زنې ناسته يمه

#ټپه