هاد الفيديو عملوه شباب فريقي بالسوشال ميديا مفاجأة لعيد ميلادي يوم السحور بدون ما أعرف أو أنتبه، كتير انبسطت بالمحبة الموجودة اللي فيه وانبسطت بكل المعايدات اللي وصلتني من كل الفنانين والأصدقاء والمُحِبين والمقرَّبين
..
يوم ميلادي بيكون حلو لما شوف حواليي محبة هالأشخاص وأبقى

كل الشكر للجمهور على التصويت والمحبة اللي غمرتونا فيها على أمل نكون دائماً عند حسن ظنكن كل موسم
..
شكراً
ET بالعربي
..
#رشا_شربتجي

شكراً #علي_ياسين و قناة #الجديد على اللقاء ببرنامج #كتاب_الشهرة ، والاستضافة الحلوة والاستقبال الأحلى

كان حوار غني ومهني حكينا فيه مواضيع مختلفة عن الدراما والفن ومجموعة آراء شخصية ومحطات حياتية مرقت فيها، بالإضافة طبعاً للحديث عن مسلسل #ولاد_بديعة

سعيدة بوجودي معكن وبهاد النوع

من حفل سحور مسلسل #ولاد_بديعة بدمشق
.
Makeup:
#لينا_عنكسوري
Dress:
#bambi_shop
Hair stylist:
#جبران_خباز
.
#رشا_شربتجي

سعادتي كانت كبيرة بهاد الاحتفال، اجتمعوا فيه الناس الغاليين ع قلبي وفرحنا سوا كلنا بالنجاح

شكراً لشركة #بينتالنس على كل اللي قدمتو لهاد الحفل، وشكراً لـ #ملاك_خلوف على تنظيم هاد الإيفنت بكل جمالية ورُقيّ
..
شكراً لكل حدا شَرَّفنا من فنانين وصحفيين، ولأبطال العمل خلف وأمام

أول مرة منجتمع سوا بعمل، ومن وقت ما قرأت الحكاية شدتني ولمستني، وخلتني حس أديش ح تكون قريبة من الناس، وانشالله نكون وصّلناها بأحلى صورة

حكاية #ولاد_بديعة لـ #علي_وجيه و #يامن_الحجلي كان فيها متعة غريبة وشخصيات مرسومة بطريقة محترفة

اليوم بعد نهاية هي الحكاية بدي أشكر علي ويامن

مافي عمل بيكمل بدون وجود القامات الكبيرة، وبمسلسل #ولاد_بديعة كان ألنا شرف وجود الفنان القدير #عبد_الهادي_الصباغ بدور #شوال والفنان القدير #تيسير_إدريس بدور #أبو_الوفا

هي مو المرة الأولى اللي بتعامل فيها مع الأستاذ عبد الهادي بس كل مرة بتفاجأ بطريقتو العفوية بأداء الشخصية ومحبتو

بتقدر #ولاء_عزام بلحظات بسيطة أنو تسرق الضو والكاميرا بكل هدوء، شخصية قريبة من القلب والعين، بتلعب دورها بكل سلاسة، وبنفس الوقت هي قوية وقدّ الدور اللي بتلعبو

وجودها بالمسلسل أضاف لمسة حلوة وفخورة فيها وبإمكانياتها وأدواتها المتميزة

#ولاد_بديعة
#رشا_شربتجي

من الممثلات الصبايا اللي أنا سعيدة كتير بوجودها بالمسلسل كانت #لين_غرة ، ممثلة شاطرة وإمكانياتها مميزة ومهمة، وعندي ثقة أنو رح تكون نجمة بالأيام القادمة وهالشي كان واضح من تجاوب وتفاعل الجمهور معها ومع شغلها

مروة ما كانت شخصية سهلة، فيها تناقضات ومشاعر متقلبة، بس قدرت لين تلعبها

#سامر_اسماعيل و #يامن_الحجلي ، اسمين لنجمَين حقيقيَّين ما بيتكرر متلهن، كل حدا فيهن بيستاهل منشور طويل ينحكى عنو، بس اجتماعهن سوا بالعمل بدور التوأم خلاني أجمعهن بهاد المنشور لأنو الكيميا الكبيرة بيناتهن كانت ولا أجمل من هيك، قدروا يجسدوا الشخصيتين بطريقة كتير مميزة ويكَملوا بعض،

انتهت رحلة تصوير مسلسل #ولاد_بديعة أخيراً بعد تعب متواصل وجهد مستمر لأكثر من تلات شهور، نوم قليل وشغل كتير وكنا عم نركض كلنا متل خلية نحل حتى نقدر نقدم الأفضل ونسابق الوقت

شكراً لشركة الإنتاج #بينتالنس وإدارتها الكريمة على كل شي قدموه لنجاح العمل من إمكانيات مادية ومعنوية

صداقة عمر طويلة، مليانة محبة وتناغم ونجاح ولحظات حلوة، تاريخ ومسيرة متل الدهب مع أم الدهب اللي قادرة بكل دور تضيف شي جديد، وتلمع أكتر

#سلافة_معمار نجمة خاصة كتير، بإحساسها والتكنيك اللي بتستخدمو وهيّ عم تلعب الشخصية، وبأدواتها اللي بتعرف منيح وين توظفهن بتخلينا نتعلق فيها كل مرة

بالمشاهد اللي قدَّمها ما فاحت ريحة البارود وبس، فاحت ريحة الموهبة والتميز والإبداع المستمر من وقت ما ظهر على الشاشة لغاية اليوم

الفنان #محمد_حداقي شريك حقيقي برحلة طويلة، شريك بالنجاحات وصناعة الشخصيات المركبة والمستفزة
وشخصية #أبو_الهول من الشخصيات الصعبة كتير، بس هوّ قدر يوصّل

لما تكون بأي عمل بتبيّن فيه متل النسمة الحلوة، والبسمة الحقيقية الصادقة، وهيك كانت #نادين_تحسين_بيك بمسلسل #ولاد_بديعة ، كأنها فراشة بأداءها وجمالها وخفتها، بتعطي رونق خاص لكل مشهد مهما كانت مساحة الدور، ودائماً تعاملنا سوا بيطلع بنتيجة مميزة لأنو هيّ كل مرة بتثبت أنها فعلاً نجمة

أرشيف وحضور الفنانة القديرة #نادين_خوري أكبر من كل تقييم، مجرد وجودها بيشكّل عامل أمان بالعمل، وبمسلسل #ولاد_بديعة قدمت شخصية #أم_جمعة بشكل جديد ومختلف كلياً، هي فنانة مغامِرة محترفة ومستعدة تخدم الشخصية بكل الطرق، وأنا كل مرة بكون سعيدة بالتعاون معها لأنو بعرف أنو الرهان على

#وسام_رضا مشروع نجم قادم بقوة، رغم هالدور المؤثر وشخصية #السيكي اللي ألها قصة حزينة كتير، بس الضحكة رافقتنا بكل مشاهدو، وبنفس الوقت قدر ينزّل من عيوننا دمعة صادقة

وسام ناطرو مستقبل كتير حلو، شب شاطر ومذوق وخَلوق والموهبة بتبين من عيونو وأداءو

#ولاد_بديعة
#رشا_شربتجي

لما اقترحنا دور #أم_سليم على الفنانة #لينا_حوارنة تفاجأتْ فيه بس وافقتْ عليه ومنحتنا الثقة، وكنا واثقين كفريق عمل أنو رح تعملو بطريقة جديدة وحلوة كتير، وفعلاً هاد اللي صار، خلّت كل الناس يحبوها ويحكوا بشخصيتها، طلعت من جلدها ولبست الشخصية بكل احتراف، وتركت أثر مهم بالعمل

لينا

#رامز_أسود فنان خاص جداً، ترك بصمة مميزة كتير بشخصية #الوفا بمسلسل #ولاد_بديعة ، وقدر يصنع من هي الشخصية البسيطة ظاهرة شعبية قريبة من الشارع وخَلّا الناس تحكي فيها

شكراً لهاد الجهد والأداء الممتع، #الوفا رح يحفر اسمو بقلوب كتير ناس لمدة طويلة

#رشا_شربتجي

..
دائماً مؤمنة بقدرات الشباب الموهوبين على منح العمل والشخصيات حقها، والحمدلله أنو بكتير أوقات بتكون النتيجة حلوة ومُرضية وبيحبوها الناس
..
هي السنة بمسلسل #ولاد_بديعة في كتير شخصيات شابة راهنت عليها وأثبتت طاقاتها التمثيلية ومنهن الممثل الشاب #ابراهيم_شيخ_ابراهيم ، اللي لعب

تعامُل وتاريخ طويل بيني وبين الفنان النجم #فادي_صبيح ، كل مرة هالتعاون عم يحبوه الناس

الأستاذ فادي فنان خاص، وبيقدر يعطي كل شخصية بيلعبها من روحو ليصير ألها بصمة مميزة، ما بيخليها تمرق مرور الكرام، وهي السنة كان التعاون مُثمِر وخَلا شخصية #عارف_الدباغ يحكي فيها الكل، وقدر يثبت من