بډنګ جانه
دامريکا دبهرنيو چارو دوزارت رپوټ درواغ دی
جنسي،ناموسي اودبدلمنتوب الزام هم تش تور دی
خو دا چې ته دسياسي مخالفت په جرم ښځي زندان ته وړي دادپښتودنرخ په حساب سور کفردی
تا پښتو سپکه کړه دپښتون ددرانه ټغر روايت او قدسيت دې سپک کړ
تا دافغان وطن دناموسي فرهنګ بې عزتي وکړه

زوی دې لوی شه بډنګه په دې سپېرو درواغو چې په چارشاخو يې بادوي
ته وا دامريکي سفارت بند دی او امريکايې استخبارات په کابل کې قومانداني نه لري
ته که دنرزوی يې دسفارت دداخل يوه ويډيو به نشر کړي
که دنر زوی يې داريانا هوټل داطاقونو او سالونو ويډيو به نشرکړي
درواغ په پښو درسره ځغلې

وه رب دې وشرموه
درسول الله لومړی ميرمنه تاجره وه
درسول الله بله مبارکه بي بي حضرت عايشه دعلم خزانه وه معلومداره ده چې علم يې په خلوت کې نه وو کړی
موږ خو ښځه دملامداسن پرځای په ارګ کې پر ايراني توس نه کښينوو
خو هغه مقام ته يې رسوو چې اسلام ورکړی دی

کنډر کنډر وطن،له لوږي بېسده انسانان،دبيکارانو حيرانونکي فيصدي،تس نس تعليمي نظام، دنړۍ دانزوا په ولقه کې راګير مملکت ورته مسئله نه ده
مسئله داده چې هندوانه په چارشاخه مه خوره
غرره په سپين کاغذ مه پاکوه په لوټه يې پاکه کړه
سلمانيان دې ږيرې نه سموي او دخلکو ويښتان دې هم نه جوړوي

تاسي اوخدای دانو اوس حکومت دی
دمداسن خزانه دار دخزاني کلياني په پرتوګاښ پورې تړي
دمعادنو وزير يې ډالرپه بالښت کې ساتي
ملانورمحمد يې بيا دتلفون پر سکرين دشيرين دورانۍ تصويرونه ګوري
دماليې وزير يې دلک او مليون په فرق نه پوهيږي
اوافغانستان ديوې استخباراتي خپسي تر سينه لاندي دی

وه کولابيانو لړخاويانو سمر قنديانو اوبخارايانو
طالب مه پښتون کوئ که مو طالب پښتون کړ
والله که يې دفرانسي له واټونو څخه دليلماجاني کوفۍ جاني سويتاجاني اوماري جاني په مظاهرو اوعشوه ګرو نخرو را څملوئ
دطالب را څملول دادم خان، قوماندان ګلا جان او لړم خان زيږه څپلۍ او لينګتۍ غواړي

وايې دهندوانو پر کورونو جوړ شوی دجمعيت اسلامي دفتر دحاکمانو له خوا راستون شوی او دغاصبانو له واکه بيرته دحقدارانو اختيارته سپارل شوی دی
دا روايت اميدبښونکی دی اودتا ئيد وړ دی
چا چې ددغه عدالت په تطبيق کې ګام اخيستی وي
عادل رب العالمين دي اجر ور کړي
موږ دعدالت تږي او وږي يو

غبار وايې غل او شوکماروو
کهزاد وايې لنډه غر،لوپر او کوڅه ډب لوچک وو
کاتب هزاره وايې دښځو له غوږو يې غوږ والۍ شکولي
ميرمحمد صديق فرهنګ وايې يو کليوال خس دزد وو
خو دتاريخ په زره بين کې ورک متعصبين او دلوچکۍ دمدرسي متعلمين وايې نانا
عيار ازخراسان بود
بيخ مو ووزه په دې عيار

تبليغات په امريکايې ټويټر کوي
ودونه په امريکايې ډالرکوي
فيشنونه په امريکايې جمپرکوي
دوطن ديپلو ماسي په امريکايې قطر کوي
چې ټنډ شي بيا په امريکايې سومباټۍ ټرکوي
چې ورور ووژني بيا ناره دالله اکبر کوي
دکبير او ناظر الله په قهر او غضب اخته شئ
نه شرم لرئ نه حيا
نه تعهد لرئ نه وفا

عجيبه ده
خليل زاد وايې بډنګان ښه مريان او تابع چاکران دي
زموږ استخبارات ورسره خوشحاله دي
ټام ويست وايې دوه زره مليونه ډالرمو ورته خرابات کړل دغه يې فرمايش دی بيداره شه بيداره شه
بايډن وايې زموږغلامان اودخپلو ګټونوي افغاني مزدوران کاميابه دي
خوبډنګ وايې امريکا مې دڼيا کړه!!!

ماته دکمپ پېغور را کوي خو ددوی ګردۍ سوټي اوس هم دکچلاغ په کنډوالو کې باد او باران نه دي خرابي کړي
موراګاني يې ددوحې په امريکايي پوځي کمپ کې ناستي دي
اوپه ډالري تنخواګانو سودا ورته را ځي او دوی شکرکاږي
چې خدای پاک ترموراوپلار مهربانه دی څنګه يې امريکا راباندي مهربانه کړه

په دغه شيخ فاني ملا اوس صدراعظمي کوي
خوارکی والله که يا کابينه پيژني يا دکابيني فيصله او دقانون مقرره اولايحه
بس په ارګ کې يې ايرانۍ کمپله ورته هواره کړي وي
تفدانۍ يې په مخ کې ورته ايښي وي
مداسن هم دوعاکوي
امريکايان دی جنتيان شي
ښه پاخه سرای ته يې راوستلی يم
دمورشيدي دې شه

فضا دې دامريکا په لاس کې ده
مځکه دې په کڅوړو کنتروليږي
حکومت دې دخيرات دحلوا رحم او کرم ته پاتي دی
په نړيوال ستيج دې څوک دخيرک دآدې سپږه هم نه ګڼي
اوته دڅلورو ودونو دنصاب پوره کولو په حساب کې بند پاتي يې
سپۍ اينده درته ګوري
له هغې ورځي وويريږه
چې نه به کلی ځای درکوي اونه ښار

په افغانستان کې پر ښځو او نرو دواړو دتعليمي او تحصيلي خدماتو دروازې بندې دي
دښځو تحصيلي او تعليمي مواسسي اعلانيه او پر نرو غير اعلانيه بندي دي
پوهنتونونه غير اکاډميکي مدرسي دي او صرف ديوبندي پيريانان په کې ګرزي او تخنيکي انستيوتونه بيا جهادي کنډکونه دي
سپين لنګوټيان په کې ګرزي

چې بډنګان ښځو ته مکتبونه او پوهنتونونه هم پرانيزي
او دحجاب بنديز هم پورته کړي مني ژوب پې واغوندي
بې تبلکه تراني ورته زمزمه کړي
خو چې دحاکميت ريښه يې همداسي بيګانه تنسته وي
لاپه والله که خپل دوام تر پنځو کالو ورسوي
څوک چې په استخباراتي پروژه کې تخت ته پورته کيږي تخته کيږي به

داوخت پښتانه نه غلجي دي نه دراني نه لر دي او نه بر نه پېښوري دي نه کابلي نه خټک دي نه يوسف زي
بلکه دبيګانه کرايې او نيابتي جګړې داور لرګي دي
کله دپنجابي دتبۍ ډوډۍ پرې پخيږي او کله هم په انګريزي تناره کې سوځي
په دوی کې ددې ناري حنجره هم نشته چې ووايې
وۍ وۍ دخدای پار دی وسوځيدم

محمد عمر جان دملا عنايت الله اخندزاده مشر زوی او زما دحجري انډيوال وو
زه په يخاب کې دغبرګي پر اخندزاده استيدم منطق مې لوستل
مرحوم عاجزه خاموش او غير سياسي انسان وو
زموږکورنۍ په داخلي هجرت کې ددوی په کلي کې اوسيده
حاکمانو
دخلکو له ازاره لاس واخلئ له ازاره بازار نه موندل کيږي

سونامي را الوتي ده توپان روان دی خونړۍ سيلۍ بړبوکۍ وهي او پښتانه غرقوي
خو زموږ په اصطلاح هغه روشنفکران چې افکار يې په تاريکو کې بوين شوي دي پښتانه سره ويشي
دا قنداری پښتون دی دابل پکتياوال دی دغه دختيځ پښتون دی هغه بل بيا دغرب دی
مه کوی دکرزي او غني پر محورونو پښتانه مه ويشئ

بې هويته هويت پرستان هره ور ځ افغانانو ته دنسل يهود په نامه ښکنځل کوي
افغان نه ديهود له نسله دي نه دکمبود له نسله
که داسي وي بياخو خوږ نبي هم دال ابراهيم دبنو اسماعيل له نسله وو
وه بې فرهنګه ډنډور چيانو
هيڅکله به بيا دبګرام ټېکه داران نه شئ
داد لسان پرستۍ خوبونه پرې ږدئ

شپږم حس مې داسي راته وايې چې دايران اخندان به دډيران شي
او جمهوري اسلامي به سقوط وکړي
ځکه تروخت زياته پاتې شوه دايران له خلکو يې ريښې غوڅي شوي دي