لله در الصديق الصادق .. الوافي والله در الخوي ومقدر ... الخوه الكفو يبقى معك مطنوخ وسنافي واللاش في كل لحظه يختلف جوه 🌹✋

قلوبنا تقسى من الضيق و تحن و ضميرنا يصعب مع الناس جرحه انفوسنا رغم الخطا تحسن الظن ووجيهنا لو كشر الوقت .. سمحه 🌹🌹مساء الخير 🌹🌹

ما كل مفقود يطلع له بدل فاقد حافظ على اللي تحبه قبل فقدانه ..🌹🌹

اللي يمينه في فقر ولا غناه على قطع روس الغنم مستعجله ودك يدبل راتبه وإن ما كفاه تصرف له الدولة علاوة مرجله🌹✋

تدور السنين وتنطوي صفحة الايام ولا ينطوي عهد السنافي وميثاقه هذا منهج الحق وهذي فطرة الاسلام وحنا لفعل الخير والطيب عشاقه خذينا دروب العمر بالمشي والدرهام ولا كل نوع يجذب العين براقه رغم مغريات الساحه وزوبعة الاعلام ترى راس مال الرجل مبداه واخلاقه 🌹مساء

ابوراكان مساء النور والسرور

دور غني الروابع لو لقيته فقير واترك فقير الروابع لو لقيته غني🌹✋

اقفيت عن بعض المجالس بـ احترام اقفاية الاحياء .. عن موتى القبور لو ريحها عود و مواطيها رخام عنها يسد اصغر .. محلات العطور ف ان لزم اللي مالي بقربه لزام قلت .. الغلا و الكره خله في الصدور اذا السكوت احيان خير من الكلام ؟ ترى الغياب احيان خير من الحضور ! 🌹✋

ودك ما تشكي غير للخلاق رب العالمين من يشتكي للخلق يصبح عرضه للطقطقه ما يكسر عزوم الشجاع الاقبور الميتين عشنا على ذا الحال والميت مصيرك تلحقه الله يعين الي يردد كل يوم الله يعين يطرد ورا حلم قضى عمره وهو ما حققة 🌹مساء الخير 🌹

ابوراكان مساء النور والسرور

يـوم انتهى ثلثين ليلي وانـا اقوم ازبــن ولي العرش سامــع ندايه الدايــم الرحمن ماغيره يدوم عالـم خفايا الكون ويعلم خفايه عليه بشكي ماتخفى من هموم الواحــد المعبود عنده دوايه الـنـايـفـه

بعض الخطأ يمكن تمشيه الأعذار امشي الغلطه بكيفي وطوعي وبعض الخطأ لو ناخذ يمين ويسار لاجيت اسامح كني احب كوعي 🌹✋

لنا عند عراف الرياجيل قدر وشان لو تقلل ظروف الليالي تواصلنا نعز الخوي والجار ، ونكرم الضيفان هذا " سلمنا اللي وارثينه من اهلنا خلقنا عزاز نفوس ، ما نقبل الحقران وصبرنا على جهد الحياه وتحملنا عسى ذكرنا لادار في المجلس المليان معى اللي هقو فينا الجمايل يجملنا 🌹✋

من يجحد الوجعات ما هوب جاحد ومن يدمح الزلات ما هوب مسكين ومن يجمع الصفين في صف واحد افلح من اللي يقسم الصف صفين . 🌹صباح الخير 🌹

لقيت في التطنيش لذه وراحة ولقيت في التهميش ذوق وسعه بال تجاهلك لأهل البجاحه رجاحه وجدالهم تسعه وتسعين غربال حتى ولو تملك ردود وفصاحه اسمو بنفسك عن خنا القيل والقال تبغى المفيد المختصر والصراحة عز الله ان من يتقن الصمت رجال🌹✋

خلوني اسج والتوفيق عند الله ابا اتمشى ما دام الله معافيني. 🌹✋

مكاسب الدنيا حظوظ وتوافيق وحكم القدر كل البشر يجهلونه والرزق لاساقه ولي المخاليق محد قدر ياقف من الناس دونه 🌹صباح الخير 🌹

لو الكرامه دونها سكرة الموت الموت من دون الكرامة كرامه. 🌹✋

الله أعلم يا تالي الوقت ويش أنت جايب الحيا قل وضعاف الروابع نشيطه كل ما قلت من يستسهل العيب عايب ! قالو الأدمي لازم يواكب محيطه صار حتى العزا كنه مقابل حبايب بعد ما كان جرح وينتظر من يخيطه لا أحشمو الميت اللي تحت عوج النصايب ولا أحشمو ربعه اللي فوق وجه البسيطه .🌹✋

تغافل ولا تفتش ويش خلف الستار وتجاهل الزله اللي مثل شمس الظهر الطيب يبغي بذل والعز يبغي وقار والوقفة اللي عليها العلم تبغي مهر لكن حذراك من بعض الهقاوي الكبار بقولك شي : لا تحبط ولا تنبهر ترى وجيه البشر تشبه وجيه الديار أحيان فيها زهر وأحيان فيها دهر🌹✋