A mamá dille ao papá: "Este neno é semente de vencer". E os dous sorrín coma parvos. Eu respondo pra min: "Son".

O pai leume o conto do @apalpador e a castaña máxica. Moito rin. "Peeheeheensa! Peeheeheensa!" A Visuña fai como a ovelliña do móbil da nai.

"O pitiño, píopío, estaba chamando á nai. E a nai, píopío, non o sentía piar. Que che pasa pitiño preguntou un paxariño." Canta mamá.

Mamá: "Este neno chucha mais da teta esquerda". Papá: "É de familia". Rin os dous. Penso: "Que terá de risa que tire eu máis da esquerda?"

Cando falo co tío Gæl Beira for Facetime, escachamos os dous coa risa. Canto che me gustan estes bos días trasatlánticos.

Xa peso o mesmiño que cando nacín. O pai di que a avoa Manuela vaime cantar: "Gordiño. Recheo. De pan. E xamón".

Cando me cambian o cueiro o papá e a mamá cantan: "As cacolas e as pirolas do neno Roi" como o "Boom De Yada" de youtu.be/at_f98qOGY0

O pai canta "tén séculos de espranza que pón hoxe nos fillos que amamanta" e eu soño, neste colo, cunha #RepublicaGalega cando sexa grande.

E o reparto fica así: os beizos do pai, orellas da nai, olliños, pai, queixo, nai, mans e pesiños, pai, e pescozo pra abaixo da casa da nai.

4 da mañá. Tou comendo. De súpeto a nai pasa diante de min. Eh? Se as tetas andan aí, de onde chucho entón? Vexo barbas. É o pai co biberón.

Á medianoite fago tres semaniñas! E esta finde coñecín á tieta @eleherrero77. Vaia festa que tivemos mais chula. Teño mais sorte ...

Hoxe chorei porque me doía a barrigola e o papá chamoume Neno Dramático Galego.

A mamá éche unhas risas. Cando boto peidos, ela canta que "peidearei" ao son do "Sementar, sementarei".

Teño un mes!! A tía sabela crespo xa está aquí!! Estaba en Vilagarcía dentro dunha pantalla e agora pódoa bicar en D.C. Estes maiores fan maxia!

O pai Xaquín G.V. espertoume con @mariaxosesilvar Sés a todo trapo e puxemonos a bailar no ergo. Vaia festa!

O papá méteme o nariz na boca e dice: "O alento deste neno cheira a requeixón!" E eu penso: "Ninguén te mandou ..."

Acabo de chuchar da teta e o pai pónme a arroutar; eu arrouto, grave e rotundo, e el dime: "Moi ben meu odre, meu Odre Hepburn."

"As penas do verdegaio son verdes e amarelas. Non me toques se non caio, non me rompas as canelas." A nai non para de cartar—e eu bailo!

Estou fungando mentres chucho da teta e o papá fai burla: "Goñi, goñi, goñi, goñi." Xa verás, vaite dar biquiños Rita. Malo papá!

Hoxe soñei que a un lado das tetas/dunas o leite era doce e ao outro salgado, e eu rolaba tetas/dunas abaixo cara un inmenso mar de leite.