مش شايفها كدا على قد ما شايف أنه حاول يوصل لأرضية مشتركة وفشل واللعيبة خذلته بعد ما كان اقتنع أن مزج اللين مع الشدة أفيد لحالتهم دلوقتي هو قدامه قرار صعب .. يا رقبته يا رقبتهم

مش ده اللي حصل بالظبط ... معلش يا شباب محتاجين تشتغلو مديرين عشان تفهمو الجزئية دي العلاقة بين الناس في الشغل ما بتمشيش ضرب نار طول الوقت وألا لازم حد يمشي .. طيب ولحد ما يمشي ؟ بنتعايش وكل واحد بيتنازل شوية لحد ما تيجي محطة الفراق الموضوع ما بيمشيش صدام كل يوم

كل اللي أحنا فيه ده بسبب الإدارة وأنشيلوتي .. وياما في ناس قعدت تصرخ هنا أن كل العك ده هيجي يوم وندفع تمنه .. المشكلة الناس مش عايزة تدفع التمن لأ عايزين يرجعو للعك اللي هو أصلا وصلهم للحضيض الموسم اللي فات ... الموسم اللي فات مش من ١٠ سنين

الإدارة اتدخلت وزعقت للعيبة وطلبت منه ياخدهم بالهداوة محدش ركب عالتاني هي بس هدنة عشان الامور تمشي .. دي سياسة بيريز طبطب ودلع ومشي الدنيا لحد ما تخرب طيب هات لي درفها بقى ونبني من جديد 😂

مش عارف ... الصح في رأي المدرب ياخد صلاحياته كاملة عشان أقدر أحاسبه ولو هختار بين اللعيبة والمدرب هختار المدرب لأن الأمثلة واضحة مع الأندية اللي مشيت ورا اللعيبة وصلو لفين وخصوصا بقى أن اللعيبة فعلا بتدلع وحتى اللي دلعهم معرفوش يبيضو وشه وشال الليلة في الأخر

هو مش غبي .. وجايز السكينة مش على رقبته زي ما الناس متصورة ويكون متفق مع الإدارة على تغييرات شاملة بس هتحصل تدريجيا عشان ما يخسروش قيمة اللعيبة السوقية دي لما يجو يبيعوهم ... ده مجرد تخمين مش معلومة

عشان في رأي مفقدش السيطرة ولا حاجة ... هو بيصبر بس وبيحاول يتنازل عشان يمشي الدنيا شوية لحد ما حاجة مستنيها تحصل لكن مستحيل أتخيل أن الشخص الفاهم ده واللي شايف العيوب في اول الموسم وخد خطوات حاسمة قرر فجأة يسيب الزمام ويتفرج مش منطقي

ما طبعا الكلام سهل .. والواقع مختلف ومليان تفاصيل كمان مانعرفهاش رغم شلال التسريبات والاخبار بس فعليا في حاجات ما بتخرجش برة المكاتب ... احنا بنشوف الشواهد من برة والتطبيق مسئولية المدرب .. لو مش قادر يمشي

الإدارة محتاجة تكهرب لاعب واحد بس الباقي بعدها هيظبط

ده كلام جرائد... اللعيبة دي هتروح أي مكان تاني هتلاقي مدرب مكسبش حاجة عادي وهيتمرنو زي الجزم

اللقطة دي كانت فرصة للإدارة ترسخ المرحلة الجديدة وتعاقب فيني وكان وقتها كل المشاكل هتنتهي .. حتى لو النتيجة إن فيني ما يجددش وتبيعه في الصيف مش مشكلة ... اهو دلوقتي بيتملعن عليك ومش ضامن يجدد بس كمان خليت الباقي يتنططو زي القرود

أيوا فعلا لما أقول أن الفريق حلوله مش محدودة انا كدا بتكلم في طبق اليوم مش في الكورة طبعا

انا مش فاهم اليأس ده جه منين .. الدوري فرق ٤ نقط يتعوضو بسهولة .. دوري الابطال بننافس وفي فرق الصدارة مقارنة بالموسم اللي فات أخدنا خطوات كويسة لقدام .. هل وصلنا لأحسن شكل لأ بس أحنا كنا في الحضيض متخيلين هيتقلب حالنا ونرجع ريال ٢٠١٧ في ٤ شهور 😂

لو عايزين يطفشو المدرب مش هيلعبو ماتش وماتش لأ ... وكان أسهل لهم يخسرو برا ملعبهم ويكملو سلسلة نتايج سيئة تحطه تحت ضغط اكبر

ده اللي بقصده بالتنازلات .. هو مكانش مقتنع يديهم راحة .. اعترضو .. طيب خدو ريحو هثق فيكم .. قامو خذلوه فخرج يقول انهم مش بيجرو ... متغاظ عشان عارف انه وثق في علوق بس كان لازم يجرب عشان يثبت لهم أنهم غلط ... في الشغل الحمار اللي ما يطاوعطش تتطاوعه لحد ما تشوف له صرفة

الدراما هي المشكلة... احنا مرجعناش نقطة الصفر ولا حاجة .. خسارة في ماتش دوري طويل قادر تعوضها نقطة الصفر دي تتقال في أبريل وأنت خسران كل حاجة

وماله فعلا ... بيريز اللي ما صبرش على ألونسو ساعتين هيمشيه ويجيب أربيلوا وزيدان اللي مستني منتخب فرنسا بقاله ٤ سنين هيجي دلوقتي ويحن .. اومال ايه

أحنا نبقى نادي مهرج لو دخلنا يناير من غير ما نشتري مدافع ... يبقى فعلا الإدارة مش فارق معاها الكورة ونوفر صحتنا ونتابع تنس

انت اصلا فرقة اعدادها البدني سئ جدا من الموسم اللي فات .. دخلت صيف فيه كأس عالم وبدون راحة كافية ... دخلت موسم جديد في ضغط ماتشات طبيعي تحصل اصابات معظمها عضلية

اللي يقصدهم المدرب بنفسه ملاحظاتي أنا الشخصية ضغط الفريق فيه مشاكل بسبب قلة ضغط امبابي وسوء ضغط فينيسيوس لما بيكونو محموقين وبيضغطو .. بينما بتيجي عليهم فترات عاملين فيها ميسي وسواريز وبيتمشو أداء فالفيردي سئ ومش ده اللي أنا مستنيه من كابتن الفرقة