د میدان وردګو ولایت د رسنیو دفتر د یاد ولایت د سیداباد ولسوالۍ په شیخ اباد او تنګي سیمو کې د ۲۴۸ زره او ۷۰۰ امریکایي دالرو په ارزښت د یوه استنادي دیوال د چارو د پیل خبر ورکړی.

د ترکمنستان د بهرنیو چارو وزیر رشید مردوف د اسلامي امارت له یوه ګډ‌ پلاوي سره په ناسته کې ویلي، چې هېواد یې له افغانستان سره په ګډو زېربنایي پروژو کې له ١.٥ میلیارد ډالرو څخه زیاته پانګونه کوي. د ښاغلي مردوف په وینا؛ چې دغه پانګونه له افغانستان سره د لېږد رالېږد، سیاسي...

لوړو زده‌کړو وزارت وايي، چې د ۲۸ میلیونه افغانیو په لګښت د هرات پوهنتون کادري روغتون له بیا رغونې او تجهیز وروسته د دې وزارت د مالي او اداري مرستیال مولوي محمد حامد حسیب او نور چارواکو په حضور کې پرانیستل شو.

د ټرانسپورټ او هوايي چلند وزارت وايي، چې تېرو درېو میاشتو کې له کابل څخه ۴ زره ۲۲۹ کډوال کندوز، تخار، بلخ، پکتیا او غزني ولایتونو ته په وړیا او خوندي ډول لېږدول شوي دي.

اوبو او انرژۍ وزارت وايي، چې سمنګانو کې د ۷۱ میلیون افغانیو په ارزښت د یوه ذخیروي بند او شپږ چکډمونو چارې بشپړې او د دې وزارت د وزیر ملا عبدللطیف منصور او نورو چارواکو له لوري ګټې اخیستنې ته وسپارل شول.

د کانونو او پټرولیم وزیر ملا هدایت‌الله بدري د ټولګټو وزارت د اوسپنې پټلۍ له مرستیال ملا بخت‌الرحمن شرافت او د اطلاعاتو او کلتور وزارت له نشراتي مرستیال مولوي حیات‌الله مهاجر فراهي سره لیدلي.

د کانونو او پټرولیم وزارت مسولینو د امارتي ادارو لاسته راوړنو د تشریح پروګرام کې ویلي، چې تېر کال د څه باندې ۵.۵ میلیونه امریکايي ډالرو په ارزښت ۷۸ زره قیراط زمرد د داوطلبۍ له لارې پر کورنیو او بهرنیو پانګوالو پلورل شوي دي.

د کانونو او پټرولیم وزارت چارواکي وایي، اوس‌مهال د قشقري، انګوت او اق دریا له ٢١ سیمو څخه د نفتي موادو د استخراج پروسه روانه ده چې په ورځني ډول ورڅخه شاوخوا ١٣٠٠ ټنه خام تېل استخراجېږي.

د کلیو د بیارغونې او پراختیا وزارت وایي، چې د ننګرهار په خوږیاڼو ولسوالۍ کې د ۲۴۸ زره امریکایي ډالرو په لګښت د اوبو رسولو شپږو شبکو چارې بشپړې او ګټې اخیستنې ته وسپارل شوې. د یاد وزارت په وینا؛ د یادو شبکو سره نږدې ۱۸۰۰۰ کورنو ته د پاکو اوبو زمینه برابره شوه.

افغان غږ نشراتي،فرهنګي،علمي،تخنیکي، فکري،دیني خپلواڪه اداره دی د ایکس پاڼې په شمول ټلکرام،واتساپ ګروپان،فیسبوک پاڼې لري همداشان ددې ادارې تر رهبري لاندي نن ټکی اسیا،کابل ټکی کام، فکري روزنتون، تخنیکي، لیکدود،ډیزاین زدهکړوګروپانوکې د با احساسه محصلینو او قلموالو لخوا فعالیت کیږي"

د ریاست الوزرا سیاسي مرستیال مولوي عبدالکبیر د ننګرهار او لغمان ولایتونو له یو شمېر علماوو او قومي مشرانو سره په کتنه کې ویلي، چې د خلکو د ستونزو او غوښتنو اورېدو په موخه د اسلامي امارت دروازې د ټولو پر مخ پرانيستې دي او له توپير پرته ټول هیوادوال کولای شي چارواکو او مسولینو..

د ایراني رسنیو د راپورونو له مخې، د دې هېواد سویلي ولایت خراسان د ډبرو سکرو په یوه کان کې د چاودنې له امله لږ تر لږه ۵۱ کسان وژل شوي او ۲۰ نور ټپیان دي.

د کندوز مرکز کې د (استاد عبدالله) منځني ښوونځي لپاره د ۱۶ میلیونه او ۵۰۰ زره افغانیو په لګښت ودانۍ جوړه او ګټې اخیستنې ته وسپارل شوه. دغه ودانۍ د ملګرو ملتونو د کډوالو عالي کمیشنرۍ په مالي لګښت جوړه شوې، چې ۸ درسي او دوه اداري خونې، د څښاک اوبو څاه او نورې اړینې اسانتیاوې لري.

د چاپېریال ساتنې ملي ادارې عمومي رییس مولوي مطیع الحق خالص د افغانستان لپاره د چین له سفیر ژاو شینګ سره په لیدنه کې ویلي، د چاپېریال ساتنې ملي اداره دا مهال د ۱۶ چاپېریالي کنوانسیونونو غړیتوب لري او باید په نړیوالو چاپېریالي غونډو کې د دې ادارې مسولینو ته د سفر زمینه برابره شي

د کندوز د برېښنا شرکت مسولین وايي، چې د روان کال په لومړیو شپږو میاشتو کې یې ۶۰۰ میلیونه افغانۍ عواید راټول کړي دي.

دوحه کې د اسلامي امارت د سیاسي دفتر مشر سهیل شاهین وايي، د ملګرو ملتونو عمومي غونډې ته د افغان استازي او پلاوي نه بلنه به کومه ستونزه هواره نه کړي.

الجزیرې تلویزیوني شبکې د فلسطین د روغتیایي سرچینو له قوله ویلي؛ تېره ورځ شنبه ( د وږي ۳۱مه) اسرائیلي یرغلګرو د غزې پر بېلابېلو سیمو بریدونو کړي، چې له کبله یې لږ تر لږه ۳۰ تنه شهیدان شوي.

محترم مولوي عبدالغفار قريشي د ریاست الوزراء عالي مقام د حکم پر بنسټ او د شهیدانو او معلولینو چارو وزارت د مقام د لزوم دید او وړاندیز پر اساس د تخار ولایت د شهيدانو او معلولینو چارو ریاست د نوي رئیس په توګه وټاکل شو.