الساعة ٧ ونص الضهر

شعور قاسي اوي انك تبقى عايز تطقطق ضهرك بس ضهرك مش عايز يتطقطق

عايز اديني و اديكم بادرة امل و اقولكم مهما اشتدت ظلمة النفق هتلاقو في الاخر الدلع

بحس ان ربنا بيحبني لما بلاقيني لوحدي عايز اقرب منه اكتر و الاقيه مسهل عليا عبادته و مخليني عايز اعملها من غير ماحس ان فيها مجهود او تعب

اللهم أنت وحدك أعلم بحالي مني و أنت ارحم بي من نفسي اسألك ان تمسح على قلبي برحمتك وبفضلك العظيم، وأن تساعدني على تعلم ما ينفع، وأن تخفي عني ما لا ينفع، و ان تيسر لي كل عسير، وأن توفقني في حياتي

تحس الجو كان كاتم في قلبه و هيموت و يعيط

وحشني اوي يوم الخميس بتاع زمان يعني ايام 2008 كده او في الرينج ده

بمنتهى الادب و الاحترام اللي نفسه يعمل حاجه و مأجلها يقوم و يعملها دلوقتي و انا للامانة هقوم اعمل شاي

يؤسفني اقولكم ان اي حاجه بنقعد نأجلها و نقول هنستنى الوقت المناسب و نعملها غالبا مبنعملهاش و بنفضل نخلق اعذار لنفسنا ليوم الدين

مش قادر ابطل اربط بين اغنية دورك جاي و الجاكيت بتاع ويجز في الكليب و الفترة بتاعت الكورونا

دائما و ابدا هتلاقي السعادة و الراحة و السكينة في رضاك و حمدك لربنا على كل حاجه ف الحمد لله على كل اللي ربنا بيديهولنا و كل شئ بيمنعه عننا حتى و احنا فاكرين ان فيه خير لينا

سعيت و اجتهدت في حاجة و تعبت عشان توصلها و نتيجتها مطلعتش زي ماانت متخيل بس اتعلمت منها ف هي حاجة تستحق تحمد ربنا عليها

يوم عدى و انت و اللي بتحبهم صحتكم كويسه ف هو يوم سعيد يستحق تحمد ربنا عليه

يوم عدى شفت فيه حد بتحبه ف هو يوم سعيد يستحق تحمد ربنا عليه

السعادة مفتاحها في الرضا و الاقتناع ان الحاجات مهما كانت تبان بسيطة ف هي حاجات تفرح و تستحق تحمد ربنا عليها